Morgunblaðið - 21.03.2013, Blaðsíða 9
MORGUNBLAÐIÐ FIMMTUDAGUR 21. MARS 2013
9
Á Krúsku færðu:
heilsusamlegan mat,
kjúklingarétti, grænmetisrétti,
fersk salöt, heilsudrykki,
súkkulaðiköku,
gæðakaffi frá
Kaffitár og
fallega
stemningu.
Suðurlandsbraut 12 l 108 Reykjavík l S. 557-5880 l kruska@kruska.is l kruska.is
OPIÐ VIRKA DAGA FRÁ 11-20 SENDUM Í FYRIRTÆKI
Næring fyrir líkama og sál
Framtíðin er á netinu
Sævar segir jákvæð teikn á lofti
um að mannekluvandi vef- og hug-
búnaðargeirans fari að lagast.
Hann segir íslensku háskólana
hafa verið að vinna gott starf við
að byggja upp og efla nám í tölv-
unarfræðum og unga námsfólkið
sé orðið áhugasamara um forritun
og vefsíðugerð. „Ásóknin í námið
er góð og vitundarvakning sem átt
hefur sér stað um hvað menntun
af þessu tagi býður upp á
skemmtilegan starfsvettvang og
góðar tekjur.“
Að vera góður í vefsíðugerð kall-
ar ekki endileg á að vera algjör
erkitýpa af tölvunörd. „Ýmis tæki
standa okkur til boða sem gera
vinnuna einfaldari og auðveldari
og þarf enginn að hræðast það
ferli að læra á þessi tól og aðferðir
og byggja svo upp góða reynslu
þar ofan á. Fjölbreyttir verkþættir í
vefsíðugerð kalla á ólíka menntun
og hæfileika og kallar starfið t.d.
oft á að hafa mjög gott auga fyrir
uppsetningu efnis og litanotkun.
Forritun vefsíðuviðmóta krefst í
raun aðeins einfaldrar stærð-
fræðiþekkingar og það er ekki fyrr
en komið er í dýpstu grunnein-
ingar að kalla þarf til mestu tölvu-
nördana – þá sem dreymir kóða á
nóttunni.“
Ekki bara fyrir algjöra nörda
ÁHUGINN Á FORRITUN OG VEFSÍÐUGERÐ FER VAXANDI
Ásgeir Ingvarsson
ai@mbl.is
Reksturinn er í örum vexti hjá vef-
stofunni Skapalóni. Í upphafi árs
2012 voru starfsmen 14 talsins en eru
í dag orðnir 24 og virðist lítið lát ætla
að verða á stækkun fyrirtækisins.
Sævar Örn Sævarsson, fram-
kvæmdastjóri Skapalóns, segir
stækkunina einkum drifna áfram af
verkefnum innanlands og svo að ný
tækni er að skapa þörf á markaðinum
fyrir nýjar lausnir, t.d. fyrir snjall-
síma. „Íslensk fyrirtæki eru farin að
leggja mjög ríka áherslu á góðan
sýnileika á vefnum og reyna að halda
í við þróunina sem er að eiga sér stað
í notkun farsíma og spjaldtölva.
Fram til þessa hefur það verið talin
góð þumalputtaregla að endurnýja
vefsíður fyrirtækja á 3-4 ára fresti en
í íslensku atvinnulífi er stefnan í dag
sú að líta á vefinn sem eitthvað sem
er í stöðugri þróun. Mikið af vinnu
okkar í dag felst í því að halda við,
bæta við virkni og nýjum liðum á vef-
síður okkar föstu viðskiptavina.“
Verkefnin eru ekki öll fyrir inn-
lenda kaupendur. Meðal stærstu við-
skiptavina Skapalóns er alþjóðlegt
stórfyrirtæki og hefur vefstofan tekið
að sér verkefni fyrir aðila bæði í Evr-
ópu og Bandaríkjunum.
Sævar segir þó að ekki hafi gef-
ist tækifæri til að nýta veika krónu til
að sækja af hörku á erlenda markaði.
Veik króna þýðir vissulega að íslensk
vefsíðugerð verður mun samkeppn-
ishæfari á alþjóðamarkaði en eft-
irspurnin innanlands hafi verið svo
mikil að ekki hafi gefist ráðrúm til að
huga að útrás. „Við vorum nýlega að
opna litla starfsstöð í Berlín og kann
vel að vera að sú starfsemi verði víkk-
uð út þegar fram í sækir. Stækkunin
til Berlínar var þó fyrst og fremst
komin til vegna þess að skortur er á
reyndum og vel menntuðum veffor-
riturum og gripum við tækifærið
þegar við vissum af flinkum Íslend-
ingi í Berlínarborg sem hafði áhuga á
að starfa með okkur.“
Enginn tími til að sigra heiminn
Íslensk vefsíðugerð gæti hæglega átt
erindi við erlenda markaði og segir
Sævar að vinnubrögð íslenskra vef-
stofa gefi erlendu keppinautunum
ekkert eftir. „En allar hugmyndir um
útrás virðast stranda á því að eft-
irspurnin innanlands er meiri en
hægt er að anna og gott fólk liggur
ekki á lausu til að stækka starfs-
mannahópinn. Sagan er sú sama hjá
flestum íslensku vefstofunum að þar
hafa allir yfirdrifið nóg að gera og
enginn tími aflögu til að sigra heim-
inn.“
Íslenski vefstofuheimurinn er
stærri en margan grunar. Sævar Örn
slumpar á að í þessum geira séu um
2-4 fyrirtæki sem kalla mætti stór,
frá 6-10 sem kalla mætti meðalstór
og svo er hópur einyrkja og lítilla fyr-
irtækja sem fást við vefsíðugerð.
„Undir þennan hatt falla viðmóts-
hönnuðir, framendaforritarar, sér-
forritarar, ásamt ráðgjöfum og sér-
fræðingum í efnisvinnslu. Þegar allt
er talið skiptir fólkið sem fæst við
vefsíðugerð hér á landi einhverjum
hundruðum.“
Fyrir 10 árum þóttu vefsíður
dýrar og ekki á færi allra fyrirtækja
að láta hanna fyrir sig síðu. Þróunin
hefur verið ör og er nú svo komið að
margir geta klambrað saman brúk-
legum vef upp á eigin spýtur en
fyrsta flokks vefir hafa ekki endilega
orðið ódýrari. „Raunin er að það er
orðið mun umfangsmeira verkefni í
dag en fyrir t.d. fimm árum að búa til
framúrskarandi vef. Til verksins þarf
mun fleiri tæki og víðtækari þekk-
ingu og ef vefurinn á virkilega að
vera af bestu sort þarf að fara dýpra
ofan í alla liði en áður,“ útskýrir Sæv-
ar. „Við sjáum t.d. miklar breytingar
bara í einföldum þáttum eins og
textagerð og efnisfrágangi því sam-
hliða því að viðmót vefsíðna tekur
stöðugum framförum er áherslan að
aukast á mjög vandaða textasmíð og
orðið æ algengara að vefsíðutextar
eru sérskrifaðir fyrir þennan miðil
með eiginleika og notendur netsins í
huga.“
„Allir hafa yfirdrifið nóg að gera“
Með hverju árinu verður umfangsmeira verkefni að gera framúrskarandi vef Góð verkefnastaða hjá vefstofum og skortur hjá geiranum á
fólki með rétta menntun og reynslu Vefstofan Sapalón opnar vinnustöð í Berlín sem gæti orðið stökkpallur út í fleiri verkefni erlendis
Morgunblaðið/Rósa Braga
Möguleikar „Allar hugmyndir um útrás virðast stranda á því að eftirspurnin innanlands er meiri en hægt er að
anna og gott fólk liggur ekki á lausu til að stækka starfsmannahópinn,“ segir Sævar Örn Sævarsson.