Akureyri - 21.11.2013, Page 4

4 21. nóvember 2013
Fullkomið
heitt súkkulaði
Hitið að suðu, setjið í bolla,
skreytið með þeyttum rjóma
og njótið.
3100 g Lindu suðusúkkulaði
1 l mjólk
1
2
PIPA
R
\
TBW
A
• SÍA
• 123408
– ómótstæðilega gott
Samherji svarar ekki fyrirspurn
Þorsteinn Már Baldvinsson, forstjóri
Samherja, hefur ekki svarað fyrir-
spurn frá Akureyri vikublaði um
hvort honum finnist réttlætanlegt
að ríkið verði jafnvel af 100 milljörð-
um króna vegna gjafa á makrílkvóta.
Á sama tíma skilar sjávarútvegur
methagnaði og gróði Samherjafjöl-
skyldunnar er 16 milljarðar króna.
Steingrímur J. Sigfússon, þing-
maður VG, telur að ríkið gæti orðið
af hundrað milljörðum á sama tíma
og ríkiskassann vantar sárlega fé.
Leiðarahöfundur Kjarnans er harð-
orður í garð stjórnvalda ef afhenda á
útgerðarmönnum makrílinn nánast
frítt. Magnús Halldórsson Húsvík-
ingur bendir í leiðara sínum á ofsa-
gróða sjávarútvegsfyrirtækja í fyrra
og árið þar áður.
„Makrílveiðarnar eiga stóran hlut
í þessari afkomu. Það sést á uppgjör-
um stærstu útgerðarfyrirtækjanna
sem hafa stundað veiðar og vinnslu
á makríl, þar á meðal Samherja, HB
Granda, Síldarvinnslunnar og Ísfé-
lags Vestamannaeyja. Uppgjör Síldar-
vinnslunnar gefur glögga mynd af
því hversu arðbærar makrílveiðarnar
hafa verið. Hagnaður í fyrra nam sjö
milljörðum, heildartekjur voru 24
milljarðar og EBITDA-framlegðin
nam 9,6 milljörðum.
Hagnaður Samherja í fyrra var
síðan langsamlega mesti hagnaður
sem íslenskt sjávarútvegsfyrirtæki
hefur sýnt, um 16 milljarðar,“ skrifar
Magnús.
YRÐI AUGLJÓS SPILLING
Leiðarahöfundur Kjarnans segir
óhætt að segja að þessar rekstr-
artölur séu með miklum ólíkind-
um í sögulegum samanburði. „Að
hluta eru þær tilkomnar vegna
þess að útgerðarfyrirtækin hafa
ekki greitt neitt fyrir makrílkvóta
heldur fengið að veiða á grundvelli
veiðireynslu sem var lítil sem engin
þegar veiðarnar hófust. Síðan hafa
veiðarnar aukist hratt og tekjurnar
með af sölu á erlenda markaði.
Ríkisstjórn Sjálfstæðisflokksins
og Framsóknarflokksins stendur nú
frammi fyrir risaákvörðun. Sigurð-
ur Ingi Jóhannsson sjávarútvegsráð-
herra segir að makrílkvótinn verði
settur varanlega inn í kvótakerfi á
næsta ári og mið verði tekið af afla-
reynslu skipa. Þetta er sakleysisleg
fyrirætlan en hefur mikið vægi. Þá
liggur líka fyrir að alþjóðadeilan sem
Ísland á aðild að er snýr að makríl-
veiðum er enn óleyst.“
„Þetta eru gríðarleg peningaleg
verðmæti sem Sigurður Ingi og rík-
isstjórnin eru með í höndunum í um-
boði almennings. Vonandi hvarflar
ekki að neinum að gefa þessi verð-
mæti. Það væri algjört glapræði í
ljósi slæmrar stöðu ríkissjóðs og
augljós spilling að auki, á kostnað
almennings.,“ skrifar Magnús.
Að Samherji svari ekki fyrir-
spurnum fjölmiðla er ekki nýtt þegar
kemur að málum sem tengjast rekstri
fyrirtækisins beint. Þannig hefur
Akureyri vikublað sent fjölda fyr-
irspurna til Samherja sl. misseri án
árangurs. a
MÁLRÆKTARÞING UNGA FÓLKSINS fór fram í síðustu viku í tilefni Dags íslenskrar
tungu. Þingið sóttu allir 10. bekkingar úr sjö grunnskólum á Akureyri og umfjöllunar-
efnið var móðurmálið. Allir skólarnir voru með dagskráratriði á þinginu í formi mynd-
banda, söngs og upplestrar. Á myndinni eru krakkar í Síðuskóla á góðri stundu.
Veiddi sami maðurinn 190
rjúpur á tveimur helgum?
Þótt verulegar takmarkanir hafi ver-
ið á fjölda veiðidaga á rjúpu í vetur
segja veiðimenn að veiðin hafi gengið
vel. Má því fullyrða að rjúpur verði
víða á jólaborðum í ár. Í eina tíð
þóttu rjúpur fátækramatur en seinni
ár hefur öldin verið önnur. Sölubönn
hafa ekki komið í veg fyrir svartan
markað þar sem á tímum góðærisins
bárust fregnir af því að hver rjúpa
hefði verið seld á tugi þúsunda, svo
mikil var sóknin í villibráðina og
varð ígildi stöðutákns að hafa rjúpu
á jólaborðinu þegar minnst var til
af henni. Þetta var á þeim tíma sem
sumir Íslendingar snæddu gull í
veislum.
Veiðimönnum sem Akureyri viku-
blað heur rætt við telja að hófsemi
sé vaxandi dyggð meðal rjúpnaveiði-
manna. Undantekningar virðast þó
frá þessu. Á facebook hefur farið
fram mikil umræða þar sem stað-
hæft er að einn og sami veiðimað-
ur hafi skotið 190 rjúpur á tveimur
helgum í Bárðardal.
„Ef þetta er satt þá er svona nátt-
úrlega svartur blettur á annars að ég
tel batnandi veiðimenningu,“ segir
Þorsteinn Guðbjörnsson rjúpnabani
frá Dalvík. Haraldur Sigurjónsson,
Húsvíkingur og veiðifélagi Þorsteins,
tekur í svipaðan streng: „Hér þurfa
veiðimenn að veita hver öðrum að-
hald með því að stíga fram og láta
vita af svona ósvinnu. a
Hluti kennara í mikilli hættu
Á sama tíma og fjöldi manns byggir
afkomu sína á að leigja út rödd sína
eru hávaðamörk við vinnu
víða að engu höfð. Það
getur orðið til þess að fólk
brýnir rödd sína þannig að
skaði hlýst af, segir dr. Val-
dís I. Jónsdóttir raddmeina-
fræðingur í grein í nýju
tölublaði, Skólavörðunni.
Valdís fjallar ekki síst um
kennara í grein sinni og
bendir á að íþrótta- og leikskóla-
kennarar eigi í mestri hættu að lenda
í raddskaða. Þannig hafi þótt ástæða
til að senda 39 af 71 íþróttakennara
til læknis í kjölfar rannsóknar.
Valdís telur því eðlilegt
að líta á raddveilur sem at-
vinnusjúkdóm en þannig sé
það þó ekki samkvæmt lög-
um. Hún skorar á Kennara-
samband Íslands að berjast
fyrir því að röddin verði
viðurkennd sem atvinnu-
tæki kennara. Bætur komi
til hljótist skaði af.
Í sama blaði lýsir Jóhanna G.
Einarsdóttir hvernig hennar at-
vinnutæki hafi verið rústað en hún
hefur neyðst til að hætta störfum
vegna raddmeina. Akureyri viku-
blað fjallaði nýverið um þessi mál
á forsíðu en Jóhanna var íþrótta-
kennari við Lundarskóla í 20 ár og
telur sig hafa misst röddina vegna
óásættanlegra aðstæðna þegar henni
var gert að kenna í íþróttahúsinu á
sama tíma og spillandi og meng-
andi vinnuframkvæmdir stóðu yfir
í húsinu.
Ein af spurningum Jóhönnu er:
„Hvernig standa lífeyrismál kennara
ef hann þarf að hætta kennslu vegna
raddþrots?“ a
Vanti skilning á mikil-
vægi ferðaþjónustu
Ferðaþjónusta á hafnarsvæðinu við
Dalvík hefur verið afgangsstærð
að sögn Freys Antonssonar fram-
kvæmdastjóra og eiganda hvala-
skoðunarfyrirtækisins Arctic Sea
Tours. Hann segir hvalaskoðun fyr-
irtækisins á hrakhólum aðstöðulega
í Dalvíkurhöfn. Vilji Veitu- og hafna-
ráðs Dalvíkurbyggðar hafi ekki verið
nægur til að koma á móts við þarfir
fyrirtækisins.
Í nýlegri bókun Veitu- og hafna-
ráðs Dalvíkurbyggðar segir að er-
indi Freys um umbætur hafi borist
of seint, en um ræðir 25 milljóna
króna framkvæmd. Freyr bendir á
að á sama tíma verði farið í fram-
kvæmd á vegum bæjarins upp á 380
milljónir króna.
Í vikunni fór fram fundur eft-
ir að Freyr hafði skrifað harðorð-
an pistil á vefsvæði sínu og sagt
viðhorf Dalvíkurbyggðar kennslu-
bókardæmi um lélega stjórnsýslu.
Fundurinn gekk vel og er sáttahljóð í
deilendum. Hefur verið tryggt að fyr-
irtæki Freys verði áfram með aðstöðu
fyrir hvalskoðunarbáta í höfninni. a
VALDÍS
INGIBJÖRG
JÓNSDÓTTIR
HVALASKOÐUN er einn
þeirra þátta sem skipta
greinina sköpum.
Völundur