Akureyri - 21.11.2013, Qupperneq 8

8 21. nóvember 2013
AÐSEND GREIN EIRÍKUR BJRN BJÖRGVINSSON
Svar við Opnu bréfi til bæjarstjóra
Friðleifur Ingi Brynjarsson skrifar Opið
bréf til bæjarstjóra 14. nóvember sl. og
birtir í Akureyri vikublaði. Hann hefur
ákveðið að bera upp opinberlega tvær
spurningar til mín sem æðsta yfirmanns
embættismanna Akureyrarbæjar og
framkvæmdastjóra bæjarins þar sem
hann telur að svörin eigi fullt
erindi við alla bæjarbúa.
Svar við spurningu 1
Kjörnir fulltrúar hafa ekki
boðvald yfir starfsmönnum
bæjarins. Kjörnir fulltrúar og
nefndarmenn hlutast aðeins
til um framkvæmd stefnu með
samþykktum í bæjarstjórn og
á nefndafundum en hafa sem einstak-
lingar ekki boðvald yfir starfsmönnum
bæjarins samkvæmt 5. gr. reglna um
ábyrgðarmörk og starfshætti kjörinna
fulltrúa. Samkvæmt samþykkt um
stjórn og fundarsköp Akureyrarkaup-
staðar er bæjarstjóri yfirmaður þeirra
fimmtán embættismanna sem starfa
skv. skipurit bæjarins og getur einn
sagt þeim fyrir verkum. Bæjarfulltrúar
sem og aðrir íbúar geta borið upp erindi
beint við embættismenn og starfsmenn
sveitarfélagsins. Það er að sjálfsögðu í
valdi hvers embættismanns og starfs-
manns að ákveða með hvaða hætti hann
bregst við erindinu en í samræmi við
lög og reglur.
Svar við spurningu 2
Markmið með siðareglum kjörinna
fulltrúa í Akureyrarkaupstað er að
skilgreina það hátterni og viðmót sem
kjörnum fulltrúum ber að sýna við störf
sín á vegum Akureyrarkaupstaðar.
Samkvæmt 3. gr. reglnanna eiga
þeir í störfum sínum að koma fram
af drengskap og háttvísi og sýna hver
öðrum, íbúum, viðskiptavin-
um og starfsmönnum sveitar-
félagsins fulla virðingu í ræðu,
riti og framkomu. Þá skulu
kjörnir fulltrúar gæta þess að
framkoma þeirra og athafnir
samrýmist starfi þeirra og þeir
forðist að aðhafast nokkuð
sem gæti orðið þeim til van-
virðu og álitshnekkis.
Samkvæmt 3. mgr. 29. gr. sveitar-
stjórnarlaga nr. 138/2011 ber öllum
kjörnum fulltrúum í sveitarstjórn og
nefndum og ráðum sem sveitarstjórn
skipar að haga störfum sínum í sam-
ræmi við settar siðareglur.
Það er eðli siðareglna að þær eru
ekki lagareglur. Siðareglur eru þannig
almennt til leiðbeiningar um það hvern-
ig æskilegt er að kjörnir fulltrúar komi
fram og starfi í umboði bæjarstjórnar.
Í siðareglum birtast þannig þau gildi
sem eiga að einkenna samskipti og
framkomu kjörinna fulltrúa.
Engin viðurlög eru við því ef siðar-
eglur eru brotnar en ef þær eru brotnar
á fundum sveitarfélagsins getur forseti
bæjarstjórnar eða formaður nefndar vítt
kjörinn fulltrúa samkvæmt b. lið 16. gr.
samþykktar um stjórn og fundarsköp
Akureyrarkaupstaðar og svipt hann
málsfrelsi ef um ítrekað brot er að tefla.
Hver og einn kjörinn fulltrúi verður
því að taka ábyrgð á gjörðum sínum með
vísan til siðareglna og mögulega taka
afleiðingum gjörða sinna í kosningum
til sveitarstjórnar.
Höfundur er bæjarstjóri á Akureyri.
VILTU SEGJA SKOÐUN ÞÍNA?
Akureyri vikublað óskar eftir að komast í samband við bæjabúa sem
sjaldan eða aldrei hafa veitt viðtöl en væru til í að segja skoðun sína í
blaðinu eða veita stutt viðtöl. Vinsamlegast sendið okkur tölvu-
póst á bjorn@akureyrivikublad.is eða hringið í síma 862 0856.
LOF OG LAST VIKUNNAR
LAST fá bankar sem taka of háa þóknun
fyrir úttektir í öðrum bönkum. Svo mælir
bæjarbúi á Akureyri. „Ég fór í hraðbanka, sem
er merktur Arion banka en er sjálfur í viðskiptum
við Landsbankann, og tók út 2000 kr. Ég var
rukkaður um 110 kr. gjald fyrir úttektina þannig
að bankinn tók 5,5% þóknun fyrir. Mér finnst
það ansi mikið. 2000 krónur kostuðu mig sem
sagt 2110 krónur,“ skrifar bæjarbúinn...
LOF fær bæjarstjórn Akureyrar og aðrir sem
urðu til þess að bæta aðgengi í Sundlaugarhúsinu
á Akureyri. Þetta benda tveir lesendur á í bréfum
til blaðsins. Annar lesandinn skrifar: „Vil vekja
athygli á og þakka fyrir bætt aðgengi ofan
í gömlu sundlaugina í kjallara Sundlaugar
Akureyrar. Kominn er þægilegur stigi með
handriði svo hægt er með góðu móti að ganga
ofan í sjálfa laugina. Margt fólk, sem vegna
aldurs og sjúkdóma á erfitt með hreyfingu, á
nú auðveldara með að njóta þarna þjálfunar og
heilsueflingar sem það annars færi á mis við.“...
LAST fær biskup og hans fólk fyrir að amast
út í fyrirætlanir ríkisstjórnar um að fækka
prestembættum á landinu í sparnaðarskyni.
Svo mælir karl á Eyrinni sem hafði samband
við blaðið: „Óttast nú ýmsir landflótta presta
og að þeir verði okkar næsta útflutningsvara
til Noregs. Aðrir telja þó ekki ástæðu til ótta,
ráðherrum sé í lófa lagið að senda eitthvað af
aðstoðarmönnum sínum til messuhalda úti á
landi, ekki síst þar sem a.m.k. einhverjir þeirra
séu í sjálfboðavinnu sem aðstoðarmenn. Og
vefjist þeim guðsorðið eitthvað um tönn, geti
þeir ávallt gripið til stjórnarsáttmálans og lesið
uppúr honum við predikanir enda þar að finna
bæði fögur loforð og kraftaverk sem almættið
sjálft mætti vera stolt af,“ segir karlinn...
LOF fá strætóbílstjórarnir sem aka á milli
Akureyrar og Reykjavíkur. Svo skrifari lesandi
í pósti til blaðsins. Getur lesandinn þess
sérstaklega að hafa átt góð samskipti við
kvenbílstjóra á þessari leið. „Konan sem ekur
strætónum er bara frábær!“
AKUREYRI VIKUBLAÐ 44. TÖLUBLAÐ, 3. ÁRGANGUR 2012
ÚTGEFANDI Fótspor ehf. ÁBYRGÐARMAÐUR Ámundi Ámundason 824 2466, amundi @ fotspor.is.
FRAMKVÆMDASTJÓRI Ámundi Steinar Ámundason, as @ fotspor.is.
AUGLÝSINGASTJÓRI Ruth Bergsdóttir, ruth @ fotspor.is 578-1193 og 694-4103.
RITSTJÓRI Björn Þorláksson, bjorn @ akureyrivikublad.is, 862 0856 MYNDIR Björn Þorláksson, Völundur Jónsson og fleiri.
UMBROT Völundur Jónsson PRENTUN Ísafoldarprentsmiðja - Svansmerkt prentun. DREIFING
13.500 EINTÖK ÓKEYPIS – UM ALLT NORÐURLAND
EIRÍKUR BJÖRN
BJÖRGVINSSON
Að láta
börn deyja
„Af hverju láta Íslendingar það gerast að börn deyi
úr hungri?“
Þannig spurði fimm ára gamalt barn á Akureyri í
vikunni.
Rétt og siðleg spurning. Auður heimsins er miklu
meiri en svo að nokkurt fólk ætti að þurfa að deyja úr
hungri. Það er misskipting auðsins sem er vandamálið.
Á sama tíma og börn deyja víða úr hungri rífast
Íslendingar um aðild að ESB eða ekki. Það besta við
alþjóðahyggjuna er að sumpart lítur hún svo á sem við,
mannanna börn, séum samábyrg hvert gagnvart öðru.
Það var hugsunin á bak við Evrópusambandið og fyr-
irrennara þess. Sambandið vildi tryggja frið í Evrópu
en ekki síður efnahagslegan stöðugleika og jöfnuð. Það
sem sumir þingmenn kalla hnussandi kratisma innan
sambandsins og láta líta út eins og skammaryrði eru
margþættar tilfærslur á fjármunum sem leitast við
að jafna lífskjör borgara þannig að allir hafi í sig og
á. Kerfið er ekki gallalaust, ekkert kerfi er gallalaust,
en hugsuninni á bak við samábyrgðina verður ekki
tortímt með því að tala um hít báknsins, mikinn fjölda
embættismanna eða upphrópunum um að heimsýn
Íslands standi og falli með því að örfáir útgerðarmenn
sem eiga hálft Ísland haldi áfram að maka krók sinn
án íhlutana.
Það eru ekki heldur gild rök að með því að fórna
broti af fullveldi sínu muni Ísland fara lóðbeint til
helvítis. Önnur lönd í kringum okkur hafa ekki fórnað
fullveldi sínu með aukinni þátttöku í alþjóðastjórnmál-
um heldur hafa þau kosið að sýna þá ábyrgð að fela
örlög sínu að nokkru í hendur yfirþjóðlegra stofnana
sem ekki hafa þjóðernishyggju efst á dagskrá.
Ein ástæða þess að Íslendingum er samstarf við
Evrópu framandi er saga tvíhliða samninga við Banda-
ríkin allt frá seinna stríði. Þetta samstarf var að mörgu
leyti ábatasamt fyrir okkur sem hagsmunahóp en hef-
ur sumpart firrt okkur tengingum við Evrópu. Kalda
stríðið spilaði um tíma mikla rullu og Guði sé lof að
við skyldum ekki gangast undir hrylling kommúnískr-
ar stefnu. En nú er Bandaríkjaher löngu farinn og
hagsmunir af því að mæna vestur að mestu fyrir bí.
Nú er lag að endurmeta hlutverk okkar, stöðu, ábyrgð
og sjálfsmynd.
Hvaðan kemur sú hugsun að Ísland skuli aðeins
hugsa um sjálft sig eða vera ella undir verndarhendi
risans í vestri? Það sem veldur fimm ára gömlu barni
áhyggjum og raskar jafnvel nætursvefni þess ætti að
vera hugðarefni okkar hinna fullorðnu líka. Ísland
er ríkt land efnalega en hugmyndir okkar eru sumar
hverjar fátæklegar. Allt tal um að leggja niður þró-
unaraðstoð lýsir ekki veraldegri fátækt okkar heldur
andlegri fátækt.
Rétta viðbragðið til að komast út úr þessari eigin-
hagsmunahyggju er ekki endilega að ganga í ESB. Fleiri
leiðir kunna að vera í boði. En áður en ESB-samning-
ur verður lagður fram – og hægt er að taka upplýsta
ákvörðun á bæði hagsmunalegum og siðferðislegum
nótum – ræður hér heimskan ríkjum.
Björn Þorláksson
Hver og einn
kjörinn fulltrúi
verður því að taka
ábyrgð á gjörðum
sínum með vísan
til siðareglna og
mögulega taka
afleiðingum gjörða
sinna í kosningum
til sveitarstjórnar.
TVEIR VORU FLUTTIR á sjúkrahús eftir árekstur tveggja bíla skammt frá munna Vaðlaheiðarganga á Svalbarðsströnd í fyrradag. Mikil hálka var
þá á vegum og er full ástæða til að brýna ökumenn til varúðar. Völundur