Morgunblaðið - 22.01.2014, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 22. JANÚAR 2014
Það góða sem við viljum,
Den goda viljan, eftir Ingmar Bergman kom
út nokkrum dögum fyrir jól, í þýðingu Magnúsar
Ásmundssonar. Þar fjallar Bergman
um foreldra sína á hispurslausan
hátt. Þetta er ein af bestu
ástarsögum sem ritaðar hafa verið
á sænska
tungu segja
fróðir menn.
Skoðið hana endilega í næstu bókaverslun
Orðsending til bókavina
INGMAR
BERGMAN
Það góða
sem við viljum
Den goda viljan
Ingveldur Geirsdóttir
ingveldur@mbl.is
Kvöldverðarveitingastaður verður
opnaður í Ráðhúsi Reykjavíkur fljót-
lega. Reykjavíkurborg óskaði eftir
aðila til að taka að sér veitinga-
rekstur í kaffihúsarými á 1. hæð ráð-
hússins síðasta sumar. Sjö umsóknir
bárust, tvær þeirra uppfylltu öll skil-
yrði og fór svo að lokum að Tjörnin
veitingahús ehf. fékk reksturinn.
Borgarráð samþykkti leigusamning
til fimm ára við rekstraraðilann í síð-
ustu viku.
Lengi vel hefur verið rekið kaffi-
hús á fyrstu hæð ráðhússins en
rekstur þess hefur ekki gengið sem
skyldi, sérstaklega vegna þess að
eldhús hefur ekki fylgt kaffihúsinu.
Nýr leigusamningur hljóðar þó upp
á meira en aðeins kaffihúsið því
leigutakinn á auk þess að reka
kvöldverðarveitingastað, mötuneyt-
isþjónustu við starfsmenn og sjá um
aðra tilfallandi veisluþjónustu, t.d
vegna funda eða uppákoma.
Ansi gott leiguverð
Leiguhúsnæðið er samtals 406
fermetrar og skiptist í fjögur rými.
Leigugreiðslan fyrstu sex mánuði
leigutímans nemur 100.000 kr, án
vsk, á mánuði með hita og rafmagni.
Eftir þessa sex mánuði greiðir
rekstraraðili 5% af veltu á mánuði í
leigu, þó aldrei lægri fjárhæð en
150.000 kr.
S. Björn Blöndal aðstoðarmaður
borgarstjóra segir þetta vissulega
ansi gott leiguverð fyrir fyrstu sex
mánuðina en 5% rekstrartengda
veltu eftir það telji þau vera mjög
ásættanlega. „Nú er verið að athuga
hvort það sé hægt að koma hérna
upp blómlegum veitingarekstri. Í
mötuneytinu er mikið og öflugt eld-
hús en ekkert eldhús á kaffihúsinu
og það hefur háð rekstri þess tölu-
vert. Með þessari útfærslu gera
menn ráð fyrir að þarna sé komin
rekstrarhæf eining en með því að
taka yfir eldhúsið þarf leigutakinn
líka að sjá um mötuneyti starfsfólks
því það er bannað að vera með tvo
rekstraraðila í einu eldhúsi,“ segir S.
Björn.
Tvennt starfar nú í mötuneyti ráð-
hússins og segir Snorri Steinþórsson
kokkur þar ekki komið í ljós hvort
þau haldi vinnunni, nýir rekstrarað-
ilar taki við 1. febrúar og fái þau svör
fyrir þann tíma.
Í dag er ráðhúsið opið til klukkan
sjö á kvöldin á virkum dögum en til
sex um helgar. Með kvöldverðarveit-
ingastað lengist opnunartíminn til
um miðnætti. S. Björn segir að það
ætti ekki að hafa aukinn kostnað í
för með sér fyrir borgina því það sé
nú þegar sólarhringsvarsla í húsinu.
„En það á eftir að koma í ljós hvern-
ig þetta verður nákvæmlega útfært,
slíkur rekstur hefur ekki verið
prófaður áður í húsinu.“
Opna sem fyrst
Laufar Sigurður Ómarsson er
einn af þeim sem eru með
Tjörnina veitingahús ehf. Hann
segir að þau vonist til að þau
geti opnað sem fyrst í Ráðhús-
inu. Kaffihúsið verði opið á dag-
inn og svo taki við almennur
veitingastaður á kvöldin. Þá
geti þau tekið að sér veislur í
einum sal hússins. Hann segir
reksturinn leggjast vel í sig.
Veitingastaður í ráðhúsinu
 Verður opinn langt fram á kvöld  Leigutaki greiðir 100.000 krónur í leigu á mánuði fyrsta
hálfa árið fyrir að reka kaffihús, veitingastað, mötuneyti og veisluþjónustu í yfir 400 fermetrum
Morgunblaðið/Styrmir Kári
Heitt á könnunni Kaffihúsið í Ráðhúsi Reykjavíkur stendur nú autt en búast má við að það fyllist af lífi á næstunni
þegar nýir rekstraraðilar taka við því. Á kvöldin breytist það úr kaffihúsi í almennan veitingastað.
Reykjavíkurborg þurfti að
greiða síðustu rekstraraðilum
kaffihússins í Ráðhúsinu um
eina milljón króna í bætur fyrir
það sem þeir töldu vera for-
sendubrest í leigusamningi.
Í áætlun rekstraraðila var
gert ráð fyrir að pallur, eða eins-
konar flotbryggja, yrði byggður
út á tjörnina út frá kaffihúsinu á
fyrstu hæð. Við nánari skoðun
og útfærslu á því var það metið
að það væri of dýrt að fara í þá
framkvæmd. Rekstraraðilarnir
töldu þá ekki vera grundvöll fyr-
ir áframhaldandi rekstri á
staðnum og að samningurinn
við borgina væri brostinn.
Samkomulag náðist um að
þeir hættu rekstrinum og
greiddi borgin þeim
sanngirn-
isbætur upp á
um milljón.
Enginn
rekstur hef-
ur verið í
kaffihúss-
rými Ráð-
hússins í
nokkurn
tíma.
Hættu við
flotbryggju
REKSTUR KAFFIHÚSSINS
S. Björn Blöndal
Ómar Friðriksson
omfr@mbl.is
Niðurstöður atkvæðagreiðslna um
nýju kjarasamningana á almenna
vinnumarkaðinum munu liggja fyr-
ir í dag og eiga úrslit að verða ljós
um miðjan dag eða síðdegis. Gert
er ráð fyrir að stéttarfélög og
landssambönd ASÍ muni kynna
niðurstöður sinna félaga á svipuð-
um tíma í dag. Skv. samningunum
á atkvæðagreiðslu að vera lokið í
seinasta lagi kl. 16. Henni er víðast
hvar þegar lokið en sums staðar
stendur þó kosning yfir til hádegis
í dag. Talning er þegar hafin í ein-
stökum aðildarfélögum ASÍ.
Forseti ASÍ óskaði eftir því við
aðildarfélögin að niðurstöður yrðu
ekki kynntar fyrr en eftir hádegi í
dag svo úrslit í einstökum félögum
trufluðu ekki kosningar í öðrum.
Atkvæðagreiðslu meðal félags-
manna í Samtökum atvinnulífsins
lauk kl. 17 í gær en niðurstöðurnar
eiga að liggja fyrir síðar í dag.
Kosningarnar sem ýmist eru raf-
rænar eða póstkosningar, hafa yf-
irleitt gengið vel fyrir sig en enn
sem komið er fást litlar upplýs-
ingar um kosningaþátttöku. Að
mati Björns Snæbjörnssonar, for-
manns Starfsgreinasambandsins,
hefur hún verið misjöfn eftir fé-
lögum en virðist þó á flestum stöð-
um hafa verið frekar dræm.
Gylfi Arnbjörnsson, forseti ASÍ,
segir aðspurður að verði þessi
skammtímasamningur til 12 mán-
aða samþykktur hefjist viðræður
strax í febrúar um næsta samning.
Gylfi vísar á bug gagnrýni sem
fram hefur komið frá háskóla-
samfélaginu um að kjarasamning-
urinn eigi lítið skylt við kjara-
samninga á Norðurlöndunum. „Ég
man ekki eftir því að við höfum
nokkurn tíma kynnt hann sem slík-
an, en það segir í forsendum þessa
samnings að það sé vilji okkar á
vinnumarkaði að hér geti ríkt svip-
að ástand og þar. Til þess að svo
geti orðið þurfum við að fá nið-
urstöðu um peningastefnuna, um
gengið og að launamenn geti
treyst því að hér ríki gengisstöð-
ugleiki.“
Ef unnt sé að skapa íslensku
launafólki slíka tryggingu sé hægt
að semja á þeim nótum að hóflegar
launahækkanir geti bæði tryggt að
launafólk njóti kaupmáttaraukn-
ingar með jöfnun og öruggum
skrefum og að sama skapi hags-
muni atvinnulífsins í samkeppni.
Flugfreyjur í viðræðum
Fimm verkalýðsfélög innan SGS
neituðu að skrifa undir samn-
ingana en þeir voru samt bornir
undir félagsmenn þeirra í at-
kvæðagreiðslu. Þá hefur Flug-
freyjufélag Íslands, sem á beina
aðild að ASÍ, ekki skrifað undir að-
fararsamninginn. Sigríður Ása
Harðardóttir, formaður félagsins,
segir að viðræður við viðsemjend-
ur félagsins standi yfir.
Úrslit kosninga um
samningana í dag
 Vísbendingar um misjafna kosningaþátttöku eftir félögum
Morgunblaðið/Golli
Niðurstöður Kosningum um kjarasamningana sem gerðir voru 21. desem-
ber er að ljúka og verða úrslit kunngjörð um miðjan dag eða síðdegis í dag.
Sjálfstæðisflokkurinn er nú stærsti flokkurinn í Reykjavík með 27,5 pró-
senta fylgi samkvæmt nýjum þjóðarpúlsi Gallup sem Ríkisútvarpið sagði
frá í gærkvöldi. Björt framtíð er næststærst, með rúm 25 prósenta fylgi og
Samfylkingin í þriðja sæti með 20 prósenta fylgi. Píratar, sem bjóða fram í
fyrsta skipti í vor, mælast með 11,4 prósenta fylgi. Þá bætir Framsóknar-
flokkurinn við sig fylgi, fer úr 3,3 prósentum í 4,8. Sömu sögu er að segja af
Vinstri grænum. Fylgið fer úr 9,3 prósentum í 10,8.
Miðað við þessar tölur fengi Sjálfstæðisflokkurinn fimm borgarfulltrúa,
Björt framtíð fjóra, Samfylkingin þrjá, Píratar tvo og Vinstri græn einn.
Sé litið á Bjarta framtíð sem arftaka Besta flokksins má segja að meiri-
hlutinn í borgarstjórn sé fallinn.
Meirihlutinn í Reykjavík er fallinn
Gatnamótum Hverfisgötu og Klapparstígs verður lokað fyrir bílaumferð í
dag vegna tenginga háspennustrengs, hitaveitu og snjóbræðslustofna.
Áætlað er að vinnu verði lokið á föstudag. Í næstu viku verður gatan mal-
bikuð og unnið við frágang nærliggjandi gangstétta. Framkvæmdirnar
tengjast endurgerð Hverfisgötu frá Klapparstíg að Vitastíg, en á því svæði
hafa allar lagnir verið endurnýjaðar og nú er unnið við yfirborðsfrágang.
Háspenna og hitaveita á Hverfisgötu