Morgunblaðið - 07.02.2014, Page 4

4 ÍÞRÓTTIR
MORGUNBLAÐIÐ FÖSTUDAGUR 7. FEBRÚAR 2014
Eins og náttúran hafði í hyggju
• Magnesíumsprey sem virkar strax!
• Slakandi, bætir svefn og slær á
fótaóeirð og sinadrátt
• Frábær upptaka
Sefurðu illa?
MagnesiumOil
Spray
Fæst í flestum apótekum, Lifandi Markaði, Heilsuhúsinu,
Fjarðarkaup og Systrasamlaginu
Nánari upplýsingar á www.gengurvel.is
og á Facebook síðunni Better You Ísland
P
R
E
N
T
U
N
.IS
Goodnight
–– Meira fyrir lesendur
Morgunblaðið gefur út sérblað,
föstudaginn 21. febrúar,
tileinkað ÍMARK deginum.
Í blaðinu verður fjallað um
íslenska markaðsdaginn
sem verður haldinn
þann sama dag.
PÖNTUNARTÍMI AUGLÝSINGA:
Fyrir kl. 16, mánudaginn
17. febrúar.
NÁNARI UPPLÝSINGAR:
Katrín Theódórsdóttir
Sími: 569 1105
kata@mbl.is
ÍMARK íslenski
markaðsdagurinn
SKÍÐI
Sindri Sverrisson
sindris@mbl.is
„Mér er farið að líða betur. Ég er
með mun minni verki núna. En ég
get ekkert sagt um það ennþá
hvort ég mun keppa aftur eða
hvort ferlinum er lokið, þetta er
svo nýskeð,“ sagði skíðakonan
María Guðmundsdóttir. Allt útlit er
fyrir að hún hafi slitið krossband í
hné öðru sinni á ferlinum þegar
hún meiddist í stórsvigskeppni í
Þýskalandi á mánudaginn.
Meiðslin þýða að þessi tvítuga
skíðakona, sú besta hérlendis á síð-
asta ári, missir af tækifærinu til að
keppa í fyrsta sinn á Vetrarólymp-
íuleikum en þeir verða settir í
Sotsjí í dag. Áfallið er ekki minna í
ljósi þess að María hafði náð sér
gríðarlega vel á strik á skömmum
tíma síðan hún sleit krossband á
landsmóti vorið 2012.
„Þetta var mjög leiðinlegt, svona
rétt fyrir Ólympíuleika sem eru
auðvitað stærsti draumur allra. Ég
var í raun á leiðinni til Sotsjí en
svo gerðist þetta tveimur dögum
fyrir flugið þangað. Það er áfall út
af fyrir sig að meiðast svona alvar-
lega, og hvað þá á þessum tíma. Ég
held að það sé alveg eðlilegt að
vera núna svekktur í smátíma,“
sagði María sem hefur lítinn áhuga
á að vita nákvæmlega hvernig hún
meiddist.
Vill ekki horfa á slysið
„Ég man ekki sjálf hvað gerðist,
það er eins og ég hafi dottið út.
Þjálfarinn hefur útskýrt þetta eitt-
hvað fyrir mér og á atvikið á
myndbandi en mig langar ekkert til
að sjá það. Ég skaust einhvern
veginn aftur á skíðin og upp í loft-
ið, en veit ekki meira,“ sagði
María.
„Ég fann strax að eitthvað var
ekki eins og það átti að vera enda
fann ég mjög mikið til í hnénu. Ég
hugsaði ekkert um Ólympíuleikana
fyrr en ég var á leiðinni niður
brekkuna í börunum – þá fór mað-
ur að velta aðeins fyrir sér hvað
þetta er líka óheppilegur tími og
ekki alveg það sem maður á skilið.
Ég er ekki búin að leggja neitt
smáræði á mig síðan ég meiddist
síðast þannig að þetta er frekar
ósanngjarnt,“ sagði María. Ef um
krossbandsslit er að ræða, eins og
allt bendir til, þarf hún að hvíla sig
í mánuð áður en hún fer í aðgerð,
og eftir sjö mánuði ætti hún í
fyrsta lagi að geta skíðað aftur.
Eins og fyrr segir gæti þó allt eins
verið að ferlinum sé lokið.
„Það gekk vel síðast að koma til-
baka, sérstaklega því það eru ekki
allir sem ná sér aftur á strik eftir
svona meiðsli. En það er spurning
hvernig þetta verður þegar svona
gerist aftur,“ sagði María.
Systirin hætti 21 árs
Systir hennar, Íris, keppti á
Vetrarólympíuleikunum í Vancou-
ver en varð svo að leggja skíðin á
hilluna vegna meiðsla, aðeins 21
árs gömul. Hún hefur reynst systur
sinni vel eftir áfallið á mánudaginn.
„Hún var svolítið mikið í
meiðslum líka en sleit þó aldrei
krossband. Hún bakbrotnaði einu
sinni og sleit liðband einu sinni, og
eitthvað fleira. Hún er búin að vera
mjög hjálpleg. Ég talaði við hana í
gær og hún er auðvitað rosalega
leið yfir þessu eins og ég og allir
aðrir. En þetta er bara búið að
gerast og maður getur ekki spólað
tilbaka, þannig að maður verður
bara að reyna að vera smájákvæð-
ur, þó það sé erfitt. Það kemur
kannski með tímanum,“ sagði
María sem þarf að gera sér að
góðu að fylgjast með ÓL í Sotsjí í
sjónvarpinu heima hjá sér í bænum
Kongsberg í Noregi.
Ligg og horfi á leikana
„Núna ligg ég bara í sófanum og
er einmitt að horfa á leikana. Mað-
ur getur lítið annað gert þegar
maður er svona á hækjum,“ sagði
María. Hún mun fylgjast með ís-
lensku keppendunum, þar á meðal
vinkonu sinni Erlu Ásgeirsdóttur
sem tók hennar stað í hópnum,
þrátt fyrir að það eflaust ekki verið
auðvelt.
„Ég held það nú. Ég vil nátt-
úrlega bara hvetja þau áfram og
reyna að vera ánægð fyrir þeirra
hönd þó að það sé skrýtið og erfitt
að vita til þess að maður átti að
vera þarna sjálfur.“
Fær hjálp frá Írisi systur
eftir áfallið í Þýskalandi
 María segir það verða skrýtið og erfitt að horfa á landa sína keppa á Vetraról-
ympíuleikunum sem hún „átti“ að keppa á  Tvítug en ferlinum gæti verið lokið
Ljósmynd/Benedikt Hermannsson
Slasaðist María Guðmundsdóttir varð fyrir slæmum meiðslum í annað sinn
á tæplega tveimur árum og missti af því að fara á vetrarólympíuleikana.
Morgunblaðið/Eggert
Hætti Íris Guðmundsdóttir barðist
við meiðsli og hætti snemma.
Um þetta leyti fyrir 66 árum
voru fyrstu keppendur Íslands á
vetrarólympíuleikum staddir í
svissneska bænum St. Moritz en
þar voru fyrstu leikar eftir síðari
heimsstyrjöldina haldnir árið
1948. Það var ekkert smáræðis
fyrirtæki að senda þangað fjóra
keppendur, einn fararstjóra og
einn þjálfara, auk þess að sér-
stakur kvikmyndatökumaður
fylgdi hópnum.
Myndir sem sá tökumaður,
Árni Stefánsson, tók voru ein-
mitt sýndar í upphitunarþætti á
RÚV fyrr í þessari viku. Þar sáum
við m.a. Jónas Ásgeirsson frá
Siglufirði í skíðastökki, grein
sem Íslendingar hafa því miður
lítið lagt fyrir sig á síðari árum.
Hinir voru Magnús Brynjólfsson,
Guðmundur Guðmundsson og
Þórir Jónsson sem kepptu í svigi
og bruni.
Upphaflega áttu tíu manns
að fara til St. Moritz en eins og
rifjað er upp í bók Gísla Halldórs-
sonar, Íslendingar á Ólympíu-
leikum, var afar erfitt að fá gjald-
eyri á þessum árum, sökum
innflutningshafta. Ólympíu-
nefndin þurfti að standa í miklu
stappi við Viðskiptanefnd til að
fá gjaldeyrisleyfi fyrir hópinn.
Hún fékk fyrst synjun en fékk sitt
fram að lokum og í lok nóvember
var loksins hægt að tilkynna
þátttöku fjögurra íslenskra kepp-
enda í leikunum.
Tafir á flugi urðu til þess að
Íslendingarnir komu ellefu dög-
um síðar til Sviss en áætlað var
og fengu því aðeins 10 daga til
undirbúnings í stað þriggja vikna
eins og áætlað var.
Þetta er að vonum allt ein-
faldara í sniðum í dag. Kepp-
endafjöldi Íslands er þó svipaður
en fylgdarlið öllu fjölmennara en
árið 1948. Vonandi tekst þeim að
sýna sínar bestu hliðar í Sotsjí.
BAKVÖRÐUR
Víðir Sigurðsson
vs@mbl.is