Morgunblaðið - 29.03.2014, Blaðsíða 1

LAUGARDAGUR 29. MARS 2014
ÍÞRÓTTIR
Handbolti Akureyringurinn Sigþór Árni Heimisson er leikmaður 19. umferðar hjá Morgunblaðinu eftir góða
frammistöðu í sigrinum á FH. Telur að framtíðin sé björt hjá liðinu. Spilar líka með 2. flokki og vinnur á leikskóla. 2-3
Íþróttir
mbl.is
Morgunblaðið/Ómar
Met Eygló Ósk Gústafsdóttir er í metaham þessa dagana. Hún setti Íslands-
met í 200 m baksundi í gær og stefnir á Norðurlandametið.
SUND
Þorkell Gunnar Sigurbjörnss.
thorkell@mbl.is
„Ég bjóst nú við meiri keppni, en það
er nú samt alltaf gott að fá einhverja
keppni,“ sagði Eygló Ósk Gústafs-
dóttir úr Sundfélaginu Ægi þegar
Morgunblaðið sló á þráðinn til hennar
í gærkvöld.
Eygló Ósk bætti síðdegis í gær eig-
ið Íslandsmet í 200 metra baksundi
um 4/100 úr sekúndu þegar hún synti
á 2:10,34 mín. á Opna danska meist-
aramótinu í sundi. Hún var ekki
nema 7/100 úr sekúndu frá því að
bæta Norðurlandametið í greininni,
en tíminn dugði henni þó til sigurs á
mótinu.
„Markmiðið var að ná Norður-
landametinu á þessu móti, en það
verður bara að koma eftir tvær vik-
ur,“ sagði Eygló og vísaði í Meist-
aramót Íslands í 50 metra laug sem
hefst í Laugardalslaug 11. apríl.
Fullhvíld á Íslandsmótinu
„Ég verð fullhvíld þá, þannig að
Norðurlandametið skal koma þá,“
sagði Eygló, en hún hafði verið við
æfingar í Álaborg í Danmörku vikuna
fyrir Opna danska meistaramótið.
Þar keppti hún einnig í 50 metra skið-
sundi á fimmtudag og í dag stingur
hún sér til sunds í 100 metra skrið-
sundi og syndir 50 m baksund. Á
morgun keppir hún svo í 100 metra
baksundi, en 200 metra baksundið er
þó hennar aðalgrein.
Eygló er eini Íslendingurinn sem
keppir á Opna danska meistara-
mótinu um helgina, en keppendur eru
fjölmargir frá Danmörku og að auki
frá 40 félögum utan Danmerkur.
Hún hefur augastað á nokkrum Ís-
landsmeistaratitlum á ÍM50 í apríl,
en er þó ekki tilbúin að gefa út hve
mörgum, enda ekki búið að ákveða í
hve mörgum greinum hún keppir og
hvaða greinum. Þegar kemur að því
að ákveða það þarf að hafa í huga
keppnisdagskrá mótsins, hve langur
tími er milli greina og tími í hvíld og
undirbúning fyrir þær greinar sem
einblínt er á.
Sleppir EM í Berlín
Ákveðið hefur verið að Eygló keppi
ekki á Evrópumótinu í 50 m laug sem
verður haldið í Berlín í Þýskalandi í
ágúst, þó svo hún hafi keppnisrétt
þar. Hún hefur æft og keppt mikið
síðustu sumur og það sama er á dag-
skránni næstu sumur og því ákveðið
fyrir nokkru að hún myndi sleppa
EM að þessu sinni og hvíla þess í
stað.
„EM er í lok ágúst. Og ef ég færi á
það fæ ég ekki neitt sumarfrí næst
fyrr en árið 2018, þannig að ég ákvað
að hvíla núna. Hvíldin er líka mik-
ilvæg, þannig að ég held að þetta sé
skynsamlegt. Svo hef ég æfingar af
fullum krafti aftur í haust fyrir HM á
næsta ári,“ sagði Eygló sem horfir
svo auðvitað enn lengra, staðráðin í
því að mæta sterk til leiks á Ólympíu-
leikana í Ríó 2016. Það ár verður hún
ekki nema 21 árs.
Vill Norðurlandamet
 Eygló Ósk Gústafsdóttir bætti eigið Íslandsmet í 200 m baksundi  Stefnir
á Norðurlandametið strax í apríl  Ætlar ekki á EM í 50 m laug í ágúst
Þýska hand-
knattleiksliðið
Rhein-Neckar
Löwen, sem Guð-
mundur Þórður
Guðmundsson
þjálfar, hefur
verið sektað um
samtals 9.000
evrur, um 1,4
milljónir króna, á
þessu keppnis-
tímabili af Handknattleiks-
sambandi Evrópu, EHF. Önnur
sektin nam 5.000 evrum vegna þess
að fánar í keppnishöllinni voru ekki
hengdir upp samkvæmt reglum
EHF. Hin sektin var upp á 4.000
evrur vegna þess að nettenging í
íþróttahöll sem liðið lék einn
heimaleikja sinna í Meistaradeild
Evrópu í haust var ekki í lagi.
Upphæð sekta RNL og sakarefni
eru athyglisverð þegar litið er til
þeirrar sektar sem þjálfari Vive
Kielce, Talant Dujshebaev, var
dæmdur til af EHF vegna hegðunar
sinnar eftir leik Kielce og RNL á
dögunum. Dujshebaev var gert að
greiða 5.000 evrur en hann fær
helmingsafslátt, 2.500 evrur, haldi
hann sig á mottunni næsta árið.
iben@mbl.is
Sektir Löwen
mun hærri en
Dujshebaevs
Guðmundur Þ.
Guðmundsson
Andri Yrkill Valsson
yrkill@mbl.is
Það var endanlega ljóst í gærkvöldi að íslenska kvennalandsliðið í ís-
hokkíi nær ekki verðlaunasæti 2. deildar heimsmeistaramótsins sem
fram fer í Laugardal þessa dagana. Þriggja marka tap fyrir sterku
spænsku liði, 3:0, gerði út um vonir liðsins um að krækja í þriðja sætið,
en markmiðið fyrir mótið var að næla í medalíu. Það var líka greinilegt á
andlitum leikmanna í lokin að þær voru gríðarlega svekktar enda sýndu
þær frábæra baráttu allan tímann en pökkurinn féll einfaldlega frekar
fyrir þær spænsku.
Vikan hefur verið þétt hjá liðunum, fjórir leikir á fimm dögum taka
sinn toll og það var dýrt að vera svona mikið í boxinu gegn Króötum. Öll
færin sem hafa farið forgörðum hafa verið dýrkeypt og það hefði mátt
nýta yfirtöluna betur. Viljinn er hins vegar alltaf fyrir hendi og baráttan
sem liðið hefur sýnt verður að teljast hetjuleg og öðrum liðum til eftir-
breytni, sama hvaða íþrótt um ræðir.
Lokapunkturinn verður settur á morgun, sunnudag, þegar liðið leikur
gegn Belgíu, sem er nokkru lakara lið en þrír síðustu andstæðingar. Sig-
ur í þeim leik myndi svo sannarlega gera mikið fyrir andlegu hliðina.
Stelpurnar hafa daginn í dag til þess að hlaða rafhlöðurnar fyrir þann
slag og það er engin spurning að þær munu gefa allt sitt til þess að enda
þetta heimsmeistaramót á jákvæðum nótum.
Draumurinn um
verðlaunasætið úti
 Ísland getur hæst náð fjórða sæti
Morgunblaðið/Golli
Markaþurrð Leikmenn íslenska kvennalandsliðsins í íshokkíi hafa ekki skorað
núna tvo leiki í röð í B-riðli 2. deildar HM í íshokkíi.
29. mars 1980
Valsmenn fá silfurverðlaunin í
Evrópukeppni meistaraliða í
handknattleik en
þeir bíða lægri hlut
fyrir þýsku meist-
urunum Grosswall-
stadt, 21:12, í úr-
slitaleik í München.
Þetta er besti ár-
angur íslensks fé-
lagsliðs í sögunni. Þorbjörn Guð-
mundsson er markahæstur
Valsmanna með 5 mörk.
29. mars 1992
Karlalandslið Íslands í hand-
knattleik sigrar Sviss, 22:21, í
leik um 3. sætið í B-heimsmeist-
arakeppninni í Austurríki en
bæði lið höfðu þá tryggt sér sæti
á HM í Svíþjóð. Konráð Olavsson
skorar 5 mörk fyrir Ísland og
Geir Sveinsson 4 en Gunnar
Gunnarsson skorar sigurmarkið
í lokin og kemur Íslandi yfir í
fyrsta og eina skipti í leiknum.
30. mars 2005
Íslenska karlalandsliðið í knatt-
spyrnu nær óvæntu jafntefli
gegn Ítölum, 0:0, í vináttulands-
leik í Padova. Kári Árnason fær
rauða spjaldið, nýkominn inná í
sínum fyrsta landsleik, en það
kemur ekki að sök og Ísland
fylgir eftir óvæntum sigri, 2:0, í
leik þjóðanna á Laugardalsvelli
haustið áður.
Á ÞESSUM DEGI