Barnablaðið - 03.05.2014, Blaðsíða 5
BARNABLAÐIÐ 5
Strákarnir stilltu sér upp
ásamt Natöshu kennara.
Ljósmyndir/Kristinn Ingvarsson
manni
um. Það
ur önnur
nnarinn
a en í
ðari
t Bergi
bar.
ckson
ping“
í break-
að æfa
ot Talent og
fannst það flott. Svo ég ákvað bara að prófa.
Magnús: Ég er að æfa breakdans hérna. Vinur
minn, hann Brynjar, í Ísland Got Talent, er
einmitt „poppari“ og alveg rosalegur poppari.
Ég vissi að Natasha ætlaði að bjóða upp á
námskeið í þessu og um leið og tókst að setja
það saman, skráði ég mig við fyrsta tækifæri.
Unnar: Brynjar einmitt mælti með því við mig
að ég byrjaði í „popping“ en ég er með góða
liði í það. Mamma sagði líka að væri flott að
ég gæti farið að hrista mig svona, eins
og í „popping“.
Leon: Unnar hérna, vinur
minn, var að æfa break
og ég byrjaði í því líka.
Þegar við fórum á
break-sýningu
heyrðum við að
það væri hægt
að skrá sig á
„popping“-
námskeið
líka. Ég ákvað
að prófa og
hef verið
að æfa það
síðan.
Benedikt: Ég
byrjaði bara
að æfa break.
Síðan sá ég
auglýsingu
um „popping“
og heyrði líka um
það hjá Natöshu, og
ákvað að prófa.
Er margt líkt með
„popping“ og break-i?
Magnús: Fólk heldur það og það er alveg
hægt að nota þetta í break-i en þetta eru
tveir mismunandi dans-stílar. Margir tengja
til dæmis wave-sporið við break en það er í
alvörunni sér „popping“-spor.
Hvert rekur „popping“-dansstíllinn upphaf
sitt – hvar varð hann til? (Hér fékk Natasha
að leggja orð í belg, enda þaulreynd í
fræðunum).
Natasha: Í Bandaríkjunum, í New York, undir
lok áttunda áratugarins og í byrjun þess
níunda (1970- og 1980-eitthvað). Þaðan
barst hann síðan yfir hafið. Ég lærði af einum
af upphafsmönnunum, Mr. Wiggles, í Rock
Steady Crew [frægur danshópur].
Eigið þið ykkur einhverja uppáhalds
„popping“ dansara?
Unnar: Joel Martin er góður.
Magnús: Poppin John, Mr. Wiggles líka,
Blueprint, Marquese Scott og Brynjar
auðvitað! [Hinir kinka allir kolli].
Hvað með frægar stjörnur sem hafa tekið
þessi spor upp?
Natasha: Frægastur er eflaust Michael
Jackson.
Magnús: Michael Jackson var ekki alveg
„poppari“ [í dans-skilningi] en hann gerði
backslide-sporið úr „popping“ frægt. Fólk fór
þá að kalla það „moonwalk“ eftir myndinni
sem hann dansaði það fyrst í.
En hvað finnst ykkur skipta máli í „popping“
– eru einhverjir eiginleikar sem er gott að
búa yfir, vilji maður æfa þetta?
Unnar: Það er gott að vera svolítið liðugur
eiginlega.
Benedikt: Ég hugsaði það sama, maður þarf
að vera góður í höndunum.
Leon: Já, maður þarf að vera sterkur í
höndunum, til dæmis geta haldið þeim uppi
rosa lengi. Maður þarf að æfa sig í því.
Ólafur: Ég er ekki alveg viss, ég er nýbyrjaður.
Magnús: Það er gott að vera „double jointed“,
þ.e. með mjög sveigjanleg liðamót, til dæmis í
öxlunum.
Hvernig tónlist hlustið þið annars á
venjulega?
Unnar: Remix, dubstep, svona bassa-tónlist og
þannig.
Leon: Já, líka dubstep hér, rapp líka og svona
– ég er dálítið mikið í því.
Benedikt: Ég veit það eiginlega ekki, bara
Louder.
Magnús: Hip hop, house, trap, dubstep...
þetta er allt mjög gott í svona hreyfingar.
Ólafur: Enginn sérstakur söngvari, meira lög.
Mynduð þið segja að „popping“ væri vinsælt
á Íslandi?
Ólafur: Ég held að það sé ekki orðið mjög
vinsælt hérna en það verður það örugglega.
Magnús: Það verður það örugglega – ekki síst
eftir að Brynjar vinnur Ísland Got Talent.
Ætlið þið að halda áfram?
Allir: Já!!
Að svo búnu þökkuðum við strákunum
fyrir spjallið og hleyptum þeim aftur út á
gólfið. Þess má geta að viðtalið var tekið
skömmu fyrir úrslit Ísland Got Talent, þar
sem Brynjar Dagur Albertsson, dansari, fór
með sigur af hólmi, rétt eins og Magnús
spáði fyrir um.
,
ur