Morgunblaðið - 08.10.2014, Blaðsíða 4

Komnar og farnar í Dominos-deild kvenna
(Raðað skv. spá þjálfara fyrirliða og formanna félaganna)
5. sæti (100 stig)
Haukar
Komnar:
Rakel Rós Ágústdóttir (Þór Akureyri)
Ruth Guthjahr (Austurríki)
María Sigurðardóttir (byrjuð aftur)
Farnar:
Margrét Rósa Hálfdanardóttir (BNA)
Lovísa Björt Henningsdóttir (BNA)
Jóhanna Björk Sveinsdóttir (Breiðablik)
Íris Sverrisdóttir (barneignarleyfi)
Gunnhildur Gunnarsdóttir (Snæfell)
1. sæti (174 stig)
Keflavík
Komnar:
Carmen Tyler-Thomas (BNA)
Hallveig Jónsdóttir (Val)
Marín Laufey Davíðsdóttir (Hamri)
Farnar:
Aníta Ósk Viðarsdóttir (KR)
Telma Lind Ásgeirsdóttir (hætt)
Elinóra Guðlaug Einarsdóttir (Njarðvík)
Di’Amber Johnson (Svíþjóð)
Porsche Landry (BNA)
L
2. sæti (146 stig)
Snæfell
Komnar:
María Björnsdóttir (Val)
Gunnhildur Gunnarsdóttir (Haukum)
Kristen McCarthy (BNA)
Farnar:
Eva Margrét Kristjánsdóttir (KFÍ)
Hildur Björg Kjartansdóttir (BNA)
Chynna Brown (BNA)
Guðrún Gróa Þorsteinsdóttir (Danmörku)
6. sæti (72 stig)
KR
Komnar:
Aníta Eva Viðarsdóttir (Keflavík)
Þórkatla Dagný Þórarinsdóttir
(Skallagrími)
Brittany Wilson (BNA)
Farnar:
Sigrún Ámundadóttir (Svíþjóð)
Bergdís Ragnarsdóttir (hætt)
Ebone Henry (BNA)
Kristbjörg Pálsdóttir (Breiðablik)
3. sæti (138 stig)
Grindavík
Komnar:
Rachel Tecca (BNA)
Guðlaug Björt Júlíusdóttir (Njarðvík)
Ásdís Vala Freysdóttir (Njarðvík)
Petrúnella Skúladóttir (Byrjuð aftur)
Farnar:
Crystal Smith (BNA)
Helga Hallgrímsdóttir (Hætt)
Harpa Hallgrímsdóttir (Hætt)
Marín Rós Karlsdóttir (Keflavík)
7. sæti (49 stig)
Breiðablik
Komnar:
Berglind Sigmarsdóttir (Þýskal.)
Jóhanna Björk Sveinsdóttir (Haukum)
Unnur Lára Ásgeirsdóttir (Val)
Rut Konráðsdóttir (Val)
Kristbjörg Pálsdóttir (KR)
Arielle Wideman (BNA)
Farnar:
Helga Hrund Friðriksdóttir (BNA)
Kristín Óladóttir (hætt)
Efemía Rún Sigurbjörnsdóttir (barneignaleyfi)
Jaleesa Butler (BNA)
4. sæti (138 stig)
Valur
Komnar:
Fanney Lind Thomas Guðmundsdóttir
(Hamri)
Joanna Harden (BNA)
Bylgja Sif Jónsdóttir (Hamri)
Regína Ösp Guðmundsdóttir (Hamri)
Farnar:
Anna Martin (BNA)
Hallveig Jónsdóttir (Keflavík)
María Björnsdóttir (Snæfell)
Unnur Lára Ásgeirsdóttir (Breiðablik)
Rut Konráðsdóttir (Breiðablik)
Þórunn Bjarnadóttir (Hamar)
8. sæti (47 stig)
Hamar
Komnar:
Salbjörg Ragna Sævarsdóttir (Njarðvík)
Andrina Mariah Rendon (BNA)
Jóhanna Herdís Sævarsdóttir
(Laugdælum)
Erika Mjöll Jónsdóttir (Skallagrími)
Þórunn Bjarnadóttir (Val)
Farnar:
Íris Ásgeirsdóttir (barneignaleyfi)
Bylgja Sif Jónsdóttir (Val)
Margrét Hrund Arnarsdóttir
Freyja Fanndal (hætt)
Álfhildur Þorsteinsdóttir (hætt)
Rakel Lind Úlfhéðinsdóttir (Val)
Adda María Óttarsdóttir (hætt)
KÖRFUBOLTI
Sindri Sverrisson
sindris@mbl.is
Keflavík hafnar í efsta sæti Dom-
inos-deildar kvenna í körfuknattleik
ef marka má spá þjálfara, fyrirliða
og formanna félaganna átta í deild-
inni. Snæfell, Grindavík og Valur
komast einnig í úrslitakeppnina,
Haukar og KR hafna í 5. og 6. sæti,
og á botninum berjast Breiðablik og
Hamar, ef spáin gengur eftir.
„Þetta er mjög raunhæf spá,“
sagði Ingi Þór Steinþórsson, þjálfari
Íslandsmeistara Snæfells, sem
Morgunblaðið fékk til þess að rýna í
deildina sem hefst í kvöld með heilli
umferð en leiki hennar má sjá í opnu
blaðsins.
Keflavík vann allt sem hægt er að
vinna undir stjórn Sigurðar Ingi-
mundarsonar 2013. Andy Johnston
náði ekki að fylgja þeim árangri eftir
síðasta vetur og liðið féll út án þess
að vinna leik í úrslitakeppninni, sem
er allt annað en leikmenn höfðu í
huga. Nú er Sigurður mættur aftur
og það hefur sitt að segja um að
Keflavík sé spáð titlinum.
Eðlilegt að Keflavík sé spáð titli
„Það er eðlilegt að Keflavík-
urkonum sé spáð titlinum. Þær eru
mjög sprækar, með skemmtilegan
útlending [Carmen Tyson-Thomas],
og sýndu það á undirbúnings-
tímabilinu hvað þær eru góðar þegar
þær spiluðu hörkuvel nánast Kana-
lausar. Þetta verður hins vegar mjög
jafnt og skemmtilegt mót held ég.
Það eru 5-6 lið þarna sem geta vel
unnið hvert annað,“ sagði Ingi Þór.
Þrátt fyrir að Snæfell hafi unnið
deildina með yfirburðum síðasta vet-
ur, og orðið Íslandsmeistari í kjöl-
farið í fyrsta sinn, er liðinu spáð 2.
sæti nú. Það er ekki skrýtið miðað
við mannabreytingarnar sem sjá má
í yfirlitinu hér á síðunni.
Það er bara ein Guðrún Gróa
„Við misstum ekki bara besta
varnarmann deildarinnar í Guðrúnu
Gróu Þorsteinsdóttur, heldur líka
besta stóra leikmanninn í Hildi
Björgu Kjartansdóttur. Svo var Eva
Margrét Kristjánsdóttir ákveðinn
X-faktor fyrir okkur líka en er farin
til Ísafjarðar. Við fengum Maríu og
Gunnhildi í staðinn, en þetta þýðir
að ábyrgðin verður meiri hjá öðrum
leikmönnum en áður,“ sagði Ingi.
„Við spiluðum mjög vel í fyrra.
Það er bara ein Guðrún Gróa og
Hildur Björg var einnig frábær.
Núna er sviðið opið fyrir aðrar að
sanna sig en markmiðið okkar er að
ná einu af fjórum efstu sætunum,“
bætti hann við. Hann segir útlit fyrir
spennandi baráttu efstu liðanna þar
sem sex lið geri tilkall til að komast í
úrslitakeppnina. Grindavík hafnaði í
7. sæti síðasta vetur, var hreinlega í
fallbaráttu, en er spáð mun betra
gengi nú.
Grindavík í toppbaráttuna
„Grindavík og Valur verða þarna í
toppbaráttunni, og KR og Haukar
munu ekkert sætta sig við það að
missa af úrslitakeppninni. Þetta
verður því jafnt og spennandi en ég
held að Breiðablik og Hamar verði í
vandræðum, berjist á botninum og
sú barátta verður eflaust hörkubar-
átta um að halda sér uppi,“ sagði
Ingi.
Valskonur munu halda sjó
„Petrúnella kemur aftur inn í
Grindavíkurliðið og þær eru með
góðan útlending [Rachel Tecca].
Tímabilið í fyrra var mikil vonbrigði
og þær koma ákveðnar til leiks. Ég
reikna með þeim í einu af fjórum
efstu sætunum og eins Valskonum.
Þó að þær hafi misst mannskap þá
var það góður mannskapur til staðar
að þær munu halda sjó og gera vel.
Kaninn þeirra [Joanna Harden] er
mikill skorari og ef Gústi [Ágúst
Björgvinsson þjálfari] finnur lím-
leysinn, þannig að hún spili líka á fé-
laga sína, þá verður hún fjári góð,“
sagði Ingi.
Aldrei auðvelt gegn Haukum
Haukar léku til úrslita við Snæfell
um Íslandsmeistaratitilinn í vor en
hafa misst mikið frá síðasta vetri.
„Haukarnir eru samt með Lele
Hardy og svo ungar stelpur sem eru
óhræddar við að spila. Þær eru alveg
pressulausar. Lele hefur gert þetta
allt áður og mun taka fjölda leikja
hreinlega yfir, eins og hún gerði í
bikarúrslitunum í fyrra. Maður get-
ur aldrei reiknað með auðveldum
leik gegn Haukum með hana innan-
borðs,“ sagði Ingi.
Erfitt að fylla skarð Sigrúnar
KR-ingar komust ekki í úr-
slitakeppnina síðasta vetur og hafa
síðan misst Sigrúnu Sjöfn Ámunda-
dóttur til Svíþjóðar, þar sem hún
hefur strax sýnt hversu öflugur leik-
maður hún er.
„Sigrún var mjög góð fyrir þær í
fyrra. Það er spurning hvort heildin
nær að fylla í þetta gat sem Sigrún
skilur eftir. Erlendi leikmaðurinn
þarf að vera mjög góður til að KR
geri betur en í fyrra,“ sagði Ingi.
Hamar og Blikar í fallslag
Allir virðast á einu máli um það að
Breiðablik og Hamar hafni í neðstu
sætunum tveimur, en Blikar unnu
sér sæti í deildinni í vor og Hamar
hafnaði í 6. sæti.
„Þessi lið virðast vera mjög með-
vituð um sína stöðu og ég held að
þetta verði bara mjög spennandi
barátta á milli þeirra um að halda
sér uppi. Þær munu heldur ekkert
gefa gegn sterkari liðunum og hafa
náð ágætis úrslitum á undirbúnings-
tímabilinu,“ sagði Ingi.
Fyrsta umferðin er leikin í kvöld
og hefjast allir fjórir leikirnir kl.
19.15.
„Verður mjög jafnt mót“
 Þjálfari Íslandsmeistara Snæfells segir eðlilegt að Keflavík sé spáð deildarmeistaratitlinum 2015
 Sér fram á spennandi baráttu 5-6 liða  Fallslagurinn verði einvígi Hamars og nýliða Breiðabliks
Morgunblaðið/Ómar
Meistararnir Hildur Sigurðardóttir hampar hér bikarnum eftir að Íslandsmeistarar Snæfells unnu bikarmeistara
Hauka í Meistarakeppninni á dögunum. Liðin mættust í úrslitaeinvíginu síðastliðið vor þar sem Snæfell vann 3:0.
Dominos-deildin
» Lokastaðan síðustu leiktíð:
Snæfell 50, Haukar 38, Kefla-
vík 32, Valur 28, KR 22, Hamar
22, Grindavík 18, Njarðvík 14.
» Haukar unnu Keflavík 3:0 í
undanúrslitum, og Snæfell
vann Val 3:2. Í úrslitum vann
Snæfell Hauka 3:0.
» Keflavík er spáð titlinum í
ár, Snæfelli 2. sæti og Grinda-
vík 3. sæti. Hamri er spáð falli.
4 ÍÞRÓTTIR
MORGUNBLAÐIÐ MIÐVIKUDAGUR 8. OKTÓBER 2014
Aftureldingarmenn í Mos-
fellsbæ hafa farið frábærlega af
stað í Olís-deild karla. Þeir hafa
unnið fimm fyrstu leiki sína og
virðist fátt ætla að stöðva hina
lífsglöðu „kjúklinga“ sem sumir
kalla svo. Leikgleði skín úr
hverju andliti og ljóst er að hinn
pollrólegi prestssonur úr Hafn-
arfirði, Einar Andri Einarsson,
sem tók við uppeldi „kjúkling-
anna“ í sumar hefur góða stjórn
á hóp sínum. Þeir virðast ekki
bara hafa komið áhorfendum á
óvart, heldur einnig þjálf-
aranum, með góðri byrjun ef
marka má orð Einars Andra á
mbl.is.
Spennandi verður að sjá
hvað gerist þegar mosfellsku
„kjúklingarnir“ gera þegar þeir
mæta í „gettóið“ annað kvöld
en svo hefur heimavöllur ÍR-inga
í íþróttahúsinu í Austurbergi
stundum verið kallaður í gamni.
Bæði lið eru taplaus og sitja
flestum að óvörum í efstu
tveimur sætum Olís-deildarinnar
eins skemmtilega ólík og þau
eru á margan hátt í leik sínum.
Undir stjórn sálfræðingsins,
Bjarna Fritzsonar og „Svíagrý-
lubanans“ Einars Hólmgeirs-
sonar hafa ÍR-ingar endurheimt
leikgleðina á aftur. Sömu sögu
má segja um stuðningsmenn ÍR
sem nú láta sig ekki vanta á
heimaleiki en margir þeirra helt-
ust úr lestinni á síðasta keppn-
istímabili með þeim afleiðingum
að stemningin orðin lítilfjörlega
á áhorfendapöllunum.
Ég bíð í eftirvæntingu eftir
uppgjöri toppliðanna á leikvell-
inum, baráttu litríkra stuðnings-
manna beggja liða en síðast og
ekki síst eftir rúllutertunni með
hvíta kreminu sem oft verið
boðið upp á með kaffinu í Aust-
urbergi. Þó ekki í fyrrakvöld á
leik ÍR og Hauka, mér til sárra
vonbrigða. Hún átti að vera
toppurinn á spennandi leik.
BAKVÖRÐUR
Ívar Benediktsson
iben@mbl.is