Barnablaðið - 18.10.2014, Blaðsíða 4
BARNABLAÐIÐ4
Leikararnir Sólveig Guðmundsdóttir og Sveinn
Ólafur Gunnarsson eru góðir vinir. Þau leika saman í
leiksýningunni Lífið sem segir frá tveimur forvitnum og
áhugasömum börnum sem eru að uppgötva heiminn.
Sólveig segir það skemmtilegasta við að leika í Lífinu
vera að fá að drullumalla og Sveinn, eða Svenni eins
og hann er kallaður, er sammála henni.
Getið þið byrjað á að segja mér
frá leikritinu sem þið leikið í og
hvaða persónur þið leikið?
Svenni: Við Sólveig leikum
persónur sem eru að fæðast og
læra allt frá grunni, svolítið eins
og lítil börn. Við erum afskaplega
forvitin og okkur finnst gaman að
leika okkur.
Sólveig: Já, við erum að uppgötva
hvort annað og lífið í kringum
okkur. Smám saman lærum við
meira og meira og þorum meiru.
Ég leik stelpuna og Svenni leikur
strákinn.
Um hvað er leiksýningin Lífið?
Svenni: Sýningin fjallar um börnin
og þann heim sem þau búa sér til.
Sólveig: Mér finnst Lífið vera um
hvað það er skemmtilegt
að leika sér og ennþá
skemmtilegra ef
maður getur leikið
við vin sinn.
Fyrir hvern er
leiksýningin
Lífið?
Sveinni: Sýningin
er fyrir alla
fjölskylduna, en alveg
sérstaklega fyrir börn,
því þau hafa svo gaman af
að leika sér og drullumalla, alveg
eins og við.
Sólveig: Sammála!
Hvernig er leikmyndin?
Sólveig: Leikmyndin er mjög
einföld. Hún samanstendur af einu
stóru tjaldi, plastdúk og fullt af
mold!
Af hverju leikið þið ykkur með
mold á sviðinu?
Svenni: Af því að mold getur
breyst úr einu í annað á
augnabliki. Hún getur verið
byggingarefni, málning, fjall, leðja
og svo margt fleira.
Sólveig: Einmitt! Við ákváðum
að gera leiksýningu þar sem
aðalefnið væri mold. Sagan eða
verkið kviknaði út frá moldinni,
við vorum lengi að æfa okkur í
að drullumalla. Smátt og smátt
skýrðist svo sagan og persónurnar.
Útkoman er þessi moldarsýning.
Eruð þið ekkert drullug eftir að
hafa stigið á svið í
Tjarnarbíói?
Sólveig: Jú, við
verðum sko
mjög drullug!
Svenni: Ég hef
aldrei verið
eins drullugur
og í þessari
sýningu en það
er bara mjög
gaman. Ég fer bara
í sturtu eftir sýningu
og skola vel úr eyrunum.
Er einhver tónlist í leikritinu?
Svenni: Já það er mikið af tónlist,
það er hún Magga Stína sem sér
um að semja hana. Hún samdi
ofsalega skemmtilega og fallega
tónlist við sýninguna.
Sólveig: Já,
tónlistin gerir líka
svo mikið fyrir
söguna því við
tölum ekkert í
leikritinu.
Eruð þið góðir
vinir?
Svenni: Já, við
Sólveig erum
mjög góðir vinir
og okkur finnst
afskaplega
gaman að leika
saman, við lékum líka saman í
barnasýningunni Horn á höfði. Ég
hlakka alltaf til að hitta Sólveigu á
sviðinu, hún er stjarna.
Sólveig: Já, við erum sko góðir vinir
og höfum oft unnið saman.
Hvað er það skemmtilegasta við
að leika börnin sem þið leikið í
leiksýningunni Lífinu?
Svenni: Við fáum að leika okkur
svo mikið. Við fáum að búa
eitthvað til, skemma það svo og
búa svo til eitthvað annað. Hring
eftir hring. Það er líka gaman að
verða barn aftur þegar maður er
orðinn fullorðinn eins og ég.
Sólveig: Einmitt, það
skemmtilegasta er líka að fá að
verða svona drulluskítug og að
leika sér við vin sinn.
Hver eru áhugamál ykkar?
Svenni: Ég hef svo mörg áhugamál,
ég er í raun alltof áhugasamur
um allt. Ég hef gaman að flestum
íþróttum, bæði að stunda þær og
horfa á þær. Svo hef ég áhuga
á stangveiði, sjósundi, tónlist,
kvikmyndum og leiklist. Ég gæti líka
LÍFIÐ FJALLAR UM
HVAÐ ÞAÐ ER
SKEMMTILEGT
AÐ LEIKA SÉR
,,Það
er líka
gaman að
verða
barn aftur
þegar
maður er o
rðinn
fullorðinn e
ins
og ég‘‘
Sólveig og Svenni
eru góðir vinir.
Það er sko gaman að
drullumalla og leika sér.