Barnablaðið - 25.10.2014, Blaðsíða 4

BARNABLAÐIÐ4
Um hvað fjallar bíómyndin Algjör
Sveppi og Gói bjargar málunum?
Gói: Myndin fjallar um okkur vinina.
Sveppi: Já, og um einn vondan kall
sem kom mjög illa út úr hruninu.
Hann ætlar að taka yfir Ísland, en
við strákarnir ætlum að gera allt
sem í okkar valdi stendur til þess
að hann nái því ekki.
Villi: Það gefur augaleið að þennan
vonda kall þarf að stoppa strax.
Þetta er sami vondi gaurinn og
rændi mér í fyrstu myndinni. Hann
er rosalegur.
Er ekkert erfitt að þurfa alltaf að
bjarga málunum?
Gói: Jú, það getur verið ótrúlega
erfitt og slítur alveg í sundur hjá
manni daginn.
Sveppi: Maður þarf bara að gera
það með bros á vör.
Villi: Það er líka oft þannig að
fullorðnir trúa ekki börnum. Það er
ekki gott, þess vegna þarf maður
stundum að taka málin í sínar
hendur og láta vaða.
Hvað er það skemmtilegasta við
myndina?
Sveppi: Það er bara allt
skemmtilegt við hana! Hún er
svolítið eins og að fara í rússíbana,
maður spennir bara beltin og
leggur af stað án þess að vita neitt.
Svo brosir maður þegar allt er búið.
Gói: Hún er svo vel gerð enda er
Bragi Þór, leikstjóri myndarinnar,
algjör snillingur. Í myndinni er fullt
af spennu og húmor!
Villi: Einmitt! Þetta er sannkölluð
stórmynd og í henni er mikið af
tæknibrellum. Hún er stór og
spennandi.
Er myndin ekkert óhugnanleg,
vegna þess að í henni er
dómsdagsvél?
Gói: Jú, en hún er samt svo
skemmtileg og fyndin þannig að
maður er aldrei hræddur í langan
tíma í einu. Sem er gott.
Sveppi: Jú, hún er stundum svolítið
hræðileg. En hún er samt bara
ævintýri og við vitum hvernig þau
enda.
Villi: Já, það endar allt vel þó þetta
líti illa á út á köflum.
Fyrir hvern eru bíómyndirnar um
ykkur?
Gói: Alla þá sem hafa gaman af
ævintýrum og spennu.
Villi: Myndin er
sko fyrir alla
krakka og
mömmur
þeirra og
pabba, afa
og ömmur
og nokkrar
geimverur
líka.
Sveppi:
Einmitt, við reynum
alltaf að búa til myndir fyrir alla
fjölskylduna, það er best þegar
allir í fjölskyldunni geta skemmt sér
saman.
Þið fenguð að ferðast um Ísland í
bíómyndinni, var það ekki gaman?
Gói: Það var ótrúlega gaman. Við
fengum til dæmis að mynda ofan í
vatnshelli úti á Snæfellsnesi, það
er magnaður staður. Þar fórum
við djúpt ofan í jörðina og fengum
að heyra sögur frá skemmtilegum
hellaleiðsögumönnum sem vinna
þar.
Sveppi: Já, það var æði,
við skoðuðum líka í Kerið í
Grímsnesi.
Villi: Já, þetta var alveg frábært.
En maður er eiginlega allan
tímann að gera eitthvað svo það
er ekki eins og maður geti farið í
kaffi á næsta bæ.
Eruð þið sannkallaðar hetjur?
Sveppi: Hmmm...jaaa, allavega
pínu hetjur,
svona
hversdagshetjur!
Gói: Við gerum nú bara það
sem þarf að gera til að bjarga
heiminum. Ef þið viljið kalla
okkur hetjur þá er það ykkar
val.
Villi: Fyrsta regla hjá
alvöru hetju er að segjast
ekki vera alvöru hetja!
Hver eru áhugamál ykkar?
Gói: Mér finnst ótrúlega
gaman að leika mér og spila á
hljóðfæri. Svo eru gamlir bílar líka í
uppáhaldi hjá mér.
Villi: Ég hef mjög mikinn áhuga
á heimspeki og vísindum og svo
finnst mér líka gaman að teikna. En
fyrst og fremst finnst mér gaman
að hugsa um heiminn okkar og
gera tilraunir.
Sveppi: Bíómyndir, fótbolti,
kakódrykkja og svo auðvitað
geimferðir eru mín áhugamál.
Er ekki gaman að fá að vera í
bíómynd?
Gói: Það er algjör draumur. En
ég viðurkenni að mér finnst alltaf
skrýtið að horfa á mig í bíó eða
sjónvarpi. Ég fæ nefnilega svona
kjánahroll af því að ég er svo
feiminn.
Sveppi: Já, mér finnst mjög gaman
að fá að vera í bíómynd. Það er
líklega eitt af því skemmtilegasta í
heimi.
Villi: Jú, það er mjög gaman
vegna þess að maður hittir svo
Þetta
er
sannkölluð
stórmynd o
g í
henni er m
ikið af
tæknibrellu
m
TAKA MÁLIN Í SÍNAR
HENDUR Í NÝRRI
OG ÆSISPENNANDI
BÍÓMYND
Sumir eru bara
alltaf í stuði!
Það er gaman að leika
myndastyttuleik.
Þeir Sveppi, Gói og Villi eru aðalhetjur bíómyndarinnar Algjör Sveppi og Gói bjargar málunum
en hún kemur í bíó um næstu helgi. Bíómyndin um þá vini er alveg svakalega spennandi og
skemmtileg. Myndin er fyrir alla sem hafa gaman af spennu og ævintýrum, geimverur mega meira
að segja líka horfa á hana.