Hafnarfjörður - Garðabær - 19.09.2014, Blaðsíða 8
8 19. SEPTEMBER 2014
Nýir íbúar væntanlegir
Sex manna fjölskylda frá Afganistan er væntanleg til Hafnarfjarðar en Eygló
Harðardóttir, félags- og húsnæðis-
málaráðherra og Haraldur Líndal
Haraldsson, bæjarstjóri í Hafnarf-
irði, undirrituðu á dögunum samn-
ing um móttöku, aðstoð og stuðn-
ing við fjölskylduna. Þetta er gert á
grundvelli ákvörðunar ríkisstjórnar-
innar um málefni flóttafólks.
Ákvörðun ríkisstjórnarinnar
miðaðist við að tekið skyldi á móti
konum í hættu frá Afganistan.
Flóttamannanefnd í samvinnu við
Flóttamannastofnun Sameinuðu
þjóðanna gerði tillögu um einstak-
linga sem tekið skyldi á móti og var
sú tillaga samþykkt í ríkisstjórn,
segir á vef Hafnarfjarðarbæjar.
Flóttamannanefnd var falið
að undirbúa móttöku fólksins og
var leitað til Hafnarfjarðar um
möguleika og vilja bæjarfélagsins
til þess að taka að sér verkefni sem
þetta.
Samningurinn fjallar um helstu
verkefni sem móttaka flóttafólks
felur í sér og bæjarfélagið mun sjá
til að fólkið fái notið. Þessi verk-
efni varða einkum ýmsa félagslega
þjónustu, stuðning og aðstoð en
lúta einnig að heilbrigðisþjónustu,
grunnskólamenntun og annarri
þjónustu sem íbúar sveitarfélaga
njóta almennt.
Rauði krossinn á Íslandi gegnir
einnig hlutverki í móttöku og að-
lögun flóttafólks samkvæmt við-
miðunarreglum flóttamannanefndar
og mun samningur um aðkomu
hans að stuðningi við fjölskylduna
í Hafnarfirði verða undirritaður
innan skamms.
„Við höfum átt góða samvinnu við
alla sem hafa komið að þessu máli
og við munum leggja okkur fram við
að fjölskyldunni líði sem allra best
í Hafnarfirði. Fyrir hönd bæjarins
býð ég þau hjartanlega velkomin,“
er haft eftir Haraldi á vef bæjarins.
Þar er einnig haft eftir Eygló Harðar-
dóttur að hún sé þakklát bænum
fyrir móttökurnar.
Hugmyndir ríkisstjórnarinnar um að stytta tímabil atvinnuleysisbóta:
Verulega gagnrýniverðar hugmyndir
Bæjarfulltrúar í Hafnarfirði eru almennt óánægðir með hugmyndir sem
koma fram í frumvarpi til fjárlaga næsta árs um að stytta tímabil atvinnu-
leysisbóta úr þremur árum í tvö og hálft. Víst er að þetta mun leggja auknar
byrðar á herðar sveitarfélaga.
Blaðinu hefur ekki tekist að fá upplýs-
ingar um hversu margir í Hafnarfirði
og Garðabæ myndu detta út af at-
vinnuleyisskrá, verði þessar breytingar
að lögum. Hins vegar segir í tölum frá
Vinnumálastofnun að á höfuðborgar-
svæðinu öllu, hafi í ágúst, á áttunda
hundrað manns verið án vinnu í meira
en eitt og hálft ár, þar af 360 í meira
en tvö ár.
Samkvæmt nýlegum tölum um at-
vinnuleysi í Hafnarfjarðarbæ, höfðu
203 verið án vinnu lengur en í tólf
mánuði, en tæplega 600 í heildina
án vinnu. Eftir því sem blaðið kemst
næst, en hefur ekki fengið staðfest, má
ætla að á bilinu 40-60 manns myndu
missa bótarétt sinn í Hafnarfirði, verði
tímabilið stytt.
Blaðið sendi öllum bæjarfulltrúum
í Garðabæ og Hafnarfirði fyrirspurn
vegna málsins. Bæjarfulltrúar Sjálf-
stæðisflokksins í Hafnarfirði sögðu í
svari við fyrirspurn blaðsins að málið
yrði tekið upp í fjölslkylduráði. Svör
annarra flokka við fyrirspurninni má
sjá hér á síðunni. Enginn bæjarfulltrúi
í Garðabæ svaraði blaðinu.
Guðlaug Kristjánsdóttir,
oddviti Bjartrar framtíðar
og forseti bæjarstjórnar
„Um styttingu atvinnuleysistímabils er
ýmislegt að segja. Í fyrsta lagi skortir
samráð við ákvarðanatökuna, þ. e.
samtal ríkis, sveitarfélaga og fulltrúa
fólks á vinnumarkaði. Ábyrgð á mál-
efnum atvinnuleitenda er sameiginleg
og ákvarðanir í málaflokknum verða að
endurspegla það. Í öðru lagi er verið að
stytta bótatímabil niður fyrir það sem
var fyrir hrun og í því samhengi finnst
mér rétt að spyrja hvort aðstæður leyfi
slíka breytingu. Er atvinnuástandið
núna betra en það var fyrir hrun? Ég
leyfi mér að efast um það. Ekki verður
heldur séð að verið sé að gera sérstaka
gangskör í þjónustu við atvinnuleit-
endur, enda er á sama tíma og bóta-
tímabilið er stytt verið að draga saman
seglin í þjónustu ríkisins við fólk án
atvinnu. Í þessum málaflokki verða allir
að axla ábyrgð í sameiningu og huga að
stóru myndinni. Mér finnst líka skorta
á að verið sé að vinna með markvissum
hætti að því að fyrirbyggja atvinnuleysi,
þ. e. með trúverðugri uppbyggingu í
atvinnulífinu. Þessi boðaða stytting
þykir mér því verulega gagnrýniverð.“
Gunnar Axel Axelsson,
oddviti Samfylkingarinnar
í bæjarstjórn
„Varðandi boðaða styttingu atvinnu-
leysisbótatímabilsins þá hef ég óskað
eftir því að málið sé sett á dagskrá
bæjarráðs í næstu viku og þar kynnt
greining á áhrifum þessara boðuðu
breytinga á stöðu þeirra sem einstak-
linga sem þarna er verið að fjalla um,
þjónustu við þá og auðvitað á fjárhags
sveitarfélagsins. Því miður eru þessar
breytingar boðaðar án þess að samráð
hafi verið haft við sveitarfélögin og
ekkert í kortunum sem bendir til þess
að ætlunin sé að ráðast í nauðsynlegar
mótvægisaðgerðir til að tryggja hag
þess fólks sem er verið að tala um. Það
hefur líka komið fram í umræðunni
um fjárlögin að ekkert samráð hefur
heldur verið haft við samtök launafólks
um þessar breytingar sem ég held að
hljóti að vera eindæmi þegar um svo
veigamiklar breytingar er að ræða á
réttindum fólks á vinnumarkaði. Sam-
skiptaleysið virðist því algert í málinu
sem er í sjálfu sér eitthvað sem full
ástæða er til að ræða líka og spyrja
hverju sætir. Eins og þetta birtist mér
þá er þetta illa ígrundið tilraun ríkis-
ins til að lækka útgjöld sín á kostnað
sveitarfélaganna og þeirra hundruða
einstaklinga sem ætlunin er að svipta
réttinum til atvinuleysisbóta. Við það
verður að sjálfsögðu ekki unað af okkar
hálfu og mun ég leggja til að bæjar-
stjórn mótmæli þessum breytingum og
kalli eftir eðlilegu samtali og samráði
um hvernig hægt verði að koma sem
best til móts við þarfir þessa hóps og
styrkja stöðu hans á vinnumarkaði.“
Guðrún Ágúst Guðmunds-
dóttir, bæjarfulltrúi Vinstri
grænna og fv. bæjarstjóri.
„Mér líst ekkert á þær hugmyndir sem
fram koma í fjárlagafumvarpinu. Enn
einu sinni er ríkið að taka geðþótta
ákvörðun sem hefur bein áhrif á líf fólks
og það með mjög stuttum fyrirvara. Ef
stytta ætti bótatímabilið væri eðlilegt
að slíkar hugmyndir kæmu fram í dag
og ættu þá að taka gildi í fyrsta lagi
eftir rúmlega ár og að unnið væri þá
markvisst að því að skoða með hvaða
hætti ætti að koma til móts við fólk sem
verður fyrir þessari skerðingu og með
hvaða hætti tryggja eigi sveitarfélögum
tekjustofna til að mæta þeim kostnaði
sem af þessu hlýst fyrir þau.
Þær hugmyndir sem fram koma í
fjárlagafrumvarpinu um að stytta bóta-
tímabil atvinnuleysisbóta eru settar
fram án nokkurs samráðs við sveitar-
félög. Ég geri ráð fyrir því að Hafnar-
fjarðarbær muni láta skoða hver líklegur
kostnaður verði af þessari breytingu
fyrir bæinn og eðlilegt væri að ríkið
yrði krafið um að bæta sveitarfélaginu
þann kostnað. Þegar ríkisvaldið er að
undirbúa lagabreytingar á að skoða
hvaða afleiðingar breytingarnar hafa.
Ég treysti því líka að Samband íslenskra
sveitarfélaga muni beita sér gegn þessu.
Enn og aftur er ríkið að skerða framlög
sín einhliða án nokkurs samráðs við
þá sem síðan verða fyrir skerðingunni
og sitja uppi með ábyrgðina og fram-
kvæmd verkefnisins.“
Mun auka fátækt
„Aðför að atvinnulausu fólki sem
boðuð er með styttingu bóta-
tímabilsins er fordæmalaus og mun
koma sérstaklega illa við þá sem
veikast standa á vinnumarkaði og
auka enn á fátækt í landinu,“ segir
meðal annars í ályktun miðstjórnar
Alþýðusambands Íslands. Mið-
stjórnin kom saman í vikunni og
segir þar meðal annars að ekki sé
neinn grundvöllur fyrir samstarfi
eða samræðu við ríkisstjórnina.
„Miðstjórn Alþýðusambands Íslands
lítur þessa aðför að almennu launa-
fólki mjög alvarlegum augum og
telur engan grundvöll fyrir frekara
samstarfi eða samræðu við ríkis-
stjórnina verði þetta að veruleika,“
segir í ályktuninni. Þar er rætt um
hækkun matarskatts, lyfjakostnað,
heilbrigðismál, húsnæðismál og
menntamál, auk atvinnuleysis-
trygginga og niðurfellingu á lög-
boðnu og umsömdu framlagi til
Starfsendurhæfingarsjóðs. Þannig
sé „vegið með alvarlegum hætti að
hagsmunum fólks sem veikist og
slasast og þarf á starfsendurhæf-
ingu að halda. Með því er dregið úr
möguleikum þess að komast aftur á
vinnumarkað og þannig til virkrar
þátttöku í samfélaginu.“
Ekki fá allir í vinnu þótt verkefnin séu víða. Yfir 200 manns í Hafnarfirði einum hafa verið án vinnu í meira en ár.
Haraldur og Eygló skrifa undir samninginn.