Hafnarfjörður - Garðabær - 24.01.2014, Blaðsíða 4

4 24. janúar 2013
Aukin þjónusta við fjölskyldur
Mikið hefur verið rætt um mikilvægi þess að sveitarfé-lög taki þátt í því að draga úr
verðbólgu og auka kaupmátt. Hafnar-
fjarðarbær leggur sitt að mörkum hvað
það varðar með því að halda öllum
gjaldskrám óbreyttum, lækka álagn-
ingarhlutfall fasteignaskatts, bæta við
systkinaafslætti frá dagforeldri til frí-
stundaheimilis og stytta sumarlokanir
leikskóla um eina viku.
Jákvæð umræða
Lokið verður við hönnun leikskóla á
Bjarkavöllum á árinu og gert ráð fyrir að
leikskólinn taki til starfa 2015. Unnið er
að undirbúningi síðari áfanga Áslands-
skóla og byggingu hjúkrunarheimilis í
Skarðshlíð. Jafnframt er stefnt að því
að ljúka framkvæmdum innanhúss í
frjálsíþróttahúsinu við Kaplakrika svo
hægt sé að taka það í notkun í vor. For-
hönnun Ásvallabrautar er að ljúka og
við tekur nánari útfærsla veghönnunar
og verkframkvæmda og samið hefur
verið um byggingu á þremur búsetu-
kjörnum fyrir fatlað fólk.
Ánægja með Hafnarfjörð
sem stað til að búa á
Í þjónustukönnun sem Hafnarfjörður
tók þátt í ásamt fimmtán öðrum
sveitarfélögum kemur fram að íbúar
bæjarins eru í flestum tilfellum nokkuð
sáttir við bæinn sinn. Þegar við skoðum
könnunina í heild sinni bætum við
okkur í öllum þáttum hennar á milli
ára.
Þegar við skoðum svör þeirra sem
nota þjónustuna kemur í ljós að þeir
eru ánægðari með hana en þeir sem
nota ekki viðkomandi þjónustu. Í
slíkum tilfellum er líka verið að mæla
viðhorf og ímynd. Verkefnið er því ekki
bara að skoða hvernig við getum bætt
okkur í þjónustu heldur líka hvernig
við getum bætt ímyndina og skapað
jákvæðara viðhorf.
Stjórnun Hafnarfjarðarbæjar ein-
kennist af stefnufestu og aðhaldi sem
skilar sér í bættri afkomu, aukinni
niðurgreiðslu lána og lægri álögum á
íbúa. Nú þurfum við að einbeita okkur
að því að koma öllu því jákvæða sem
unnið hefur verið að betur til skila
því Hafnarfjörður er kláralega góður
staður til að búa á.
HAFNARFJÖRÐUR / gARÐAbæR
2. TbL. 4. ÁRgANgUR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. framkvæmdastjóri: Ámundi Steinar Ámundason, netfang:
as@fotspor.is. auglýsingastjóri: Ámundi Ámundason, Suðurlandsbraut 54, 108 Reykjavík.
Auglýsingasími 578 1190, netfang: auglysingar@fotspor.is, Veffang: fotspor.is, Ritstjóri:
Ingimar Karl Helgason, sími: 659-3442 netfang: ingimarkarlhelgason@gmail.com,
Matarblaðamaður: Svavar Halldórsson. Sími. 869-4940. Netfang. svavar@islenskurmatur.is,
Umbrot: Prentsnið, Prentun: Ísafoldarprentsmiðja, 13.500 eintök. dreifing: Póstdreifing.
Fríblaðinu er dreiFt í 13.500 e intökum
í allar íbúðir í HaFnarFirði / Garðabæ
Nú nálgast sveitarstjórnarkosningar og ber þetta tölublað þess áberandi merki. Prófkjör er framundan hjá Sjálfstæðisflokknum í Hafnarfirði og flokksval Samfylkingarinnar er handan við hornið. En þótt þessir
flokkar hafi nú flesta fulltrúa í bæjarstjórn, þá eru fleiri framboð á leiðinni. Björt
framtíð ætlar að bjóða fram í fyrsta sinn og kannski Píratar. Þá munu Vinstri græn
og Framsóknarflokkurinn bjóða fram lista, sem valdir verða með uppstillingu.
Nokkurn áherslumun má merkja á frambjóðendum í fyrsta sæti á lista sjálf-
stæðismanna en viðtöl við þá eru birt hér í blaðinu. En þó má merkja á máli
þeirra að rekstur bæjarfélagsins er þeim hugleikinn og einnig að einkarekstur og
einkavæðing í grunnþjónustu Hafnarfjarðarbæjar gætu verið framundan, hljóti
flokkurinn brautargengi í sveitarstjórnarkosningunum. Aðeins einn af fjórum
frambjóðendum til efsta sætis á lista sjálfstæðisflokksins nefnir sérstaklega
velferðarmál og grunnþjónustu án fyrirvara.
Frambjóðandi í efsta sæti á lista Samfylkingarinnar er sömuleiðis í viðtali hér í
blaðinu. Þar er skýrt áherslumál að bæta þjónustu en um leið að lækka gjaldskrár.
Svipaðan málflutning hafði annar frambjóðandi í forvali Samfylkingarinnar uppi
í nýlegu viðtali við blaðið. Þannig virðist áherslumunurinn á frambjóðendum
Sjálfstæðisflokksins annars vegar og Samfylkingarinnar hins vegar – sem nú eru
fyrirferðarmestir flokka – vera nokkuð skýr. Það verður í framhaldinu fróðlegt
að heyra um áherslumál annarra framboða.
Prófkjör eru sannanlega umdeilanleg leið við val á lista. Vonandi að fram-
bjóðendur muni gæta hófs í söfnun styrkja vegna framboða sinna. Það kemur
engum vel, hvorki frambjóðendum, né kjósendum, að fólk fái á tilfinninguna, að
kjörnir fulltrúar, eða frambjóðendur „séu í vasanum“ á einhverjum styrktaraðila.
Kosningar eru mikilvægur hluti af gangverki lýðræðisins. Þangað á peninga-
valdið ekkert erindi. Blaðið vill leggja sitt lóð á vogarskálarnar til að draga úr
slíkum áhrifum og kynna lesendum þá sem bjóða fram krafta sína til þjónustu
við bæjarbúa. Vonandi verðum við einhverju nær.
Ingimar Karl Helgason
Gangur lýðræðisins
Leiðari
Sólin ísilögð
Nú standa hafnfirðingar frammi fyrir því sama og fjölmörg minni sveitarfé-
lög hafa gert, þ. e. að missa frá sér
aflaheimildir. Rótgróin, stöndug og
prýðilega rekin útgerð er að hætta
rekstri eftir gott ævistarf. Árleg
kvótaúthlutun til útgerðarinnar hefur
numið rúmlega prósenti af heild og
áætlað söluverðmæti um 5 milljarðar.
Sem er ótrúlega há upphæð þar sem
veiðiréttinum er úthlutað til einungis
eins árs í senn og stjórnvöldum heim-
ilt að breyta því hvenær sem er. Út-
gerðarmenn hafa hinsvegar kosið að
líta á veiðiréttinn sem sína eign og
taka bankar mið af því í veðtökum
sínum. Gegn þessu samspili stendur
Alþingi íslendinga bæði viljalaust og
ráðþrota.
Nógu illt er að verðmæti sem skila
notanda meira en 500 milljónum ár-
lega sé úthlutað sjálfkrafa ár frá ári án
samkeppni á frjálsum markaði. En að
viðkomandi geti í ofanálag selt þessa
tímabundnu úthlutun hvenær sem
hentar og stungið öllu í eigin vasa er
auðvitað ekkert annað en rauðglóandi
viðvörun um það að þjóðin eigi ekki
lengur þessa auðlind.
Tal um hagræðingu ofangreinds fyr-
irkomulags stenst enga skoðun nema
auðvitað fyrir þá sem sitja á þessum
réttindum. Og það sem aðgreinir vel
stæðar útgerðir frá skuldsettum er
ekki betri veiði heldur einfaldlega það
að stærstu og rótgrónustu útgerðirnar
fengu kvótans gefins en hinir sem á
eftir komu þurftu að kaupa. Þetta
skilur á milli feigs og ófeigs og segir
sig sjálft þegar litið er á kvótaverðið.
Og nú hugsa bæjaryfirvöld í Hafnar-
firði sinn gang.
Það er mín skoðun að bæjaryfir-
völd, ekki bara í Hafnarfirði, heldur
allsstaðar á landinu ættu fremur að
berjast fyrir almennu útboði veiði-
heimilda en að íhuga uppkaup á
fiskikvótum sem samkvæmt lögum
mynda hvorki eignarétt né ævarandi
forræði. Slíkt fæli ekki bara í sér viður-
kenningu á tapaðri auðlind heldur
kæmi upp sú sérkennilega staða að
lagðar yrðu álögur á alla útsvarsgreið-
endur til að borga einn út. Jafnvel sólin
ísilögð er ekki eins fjarstæðukennd.
Höfundur er
Lýður Árnason,
læknir og Vakstjóri
Lýðræðisvaktarinnar.
Höfundur er
Guðrún Ágústa Guðmundsdóttir,
bæjarstjóri
Björt framtíð
stillir upp
Björt framtíð hyggur á framboð í Hafnarfirði í sveitarstjórnar-
kosningunum í vor. Hlini Melsteð,
tengiliður flokksins í Hafnarfirði,
segir að stillt verði upp á listann.
Framundan sé fundur þar sem að-
ferð við uppstillingu og tímasetn-
ingar verði ákveðin.
Píratar í
Fjörðinn
Píratar í Hafnarfirði ætla að halda formlegan stofnfund
á morgun klukkan hálffimm í
Gamla Vínhúsinu, Vesturgötu 3.
Píratar segja á heimasíðu sinni að
allir Hafnfirðingar sem hafa áhuga
á því að taka þátt í starfinu séu vel-
komnir.
Auglýst eftir listafólki
Menningar- og ferðamálanefnd Hafnarfjarðar auglýsir eftir umsóknum um styrki til
listviðburða og menningarverkefna í
bænum. Umsóknarfrestur er til 24. febr-
úar og er listafólk og annað áhugafólk um
menningu, stofnanir og samtök hvött til
að sækja um á vef bæjarsins.
Hafnarfjarðarstofa verður til
Vorið 2010 samþykkti bæjar-stjórn Hafnarfjarðar að skipa starfshóp til að gera tillögur
um rekstur svokallaðrar Hafnar-
fjarðarstofu, sem og almennt um
fyrirkomulag atvinnuþróunarmála í
sveitarfélaginu. Í tillögunni fólst að
lögð skyldi áhersla á að samþætta
og samnýta þá reynslu og þekkingu
sem til staðar væri í stjórnsýslunni á
sviðum sem tengjast ferðaþjónustu og
markaðssetningu bæjarins gagnart
fólki og fyrirtækjum, og stuðla að
auknu og nánara samstarfi við at-
vinnulífið á sviði nýsköpunar og at-
vinnuþróunar. Sérstaklega var horft til
þess að nýta þá þekkingu og reynslu
sem skapast hafði af sambærilegum
verkefnum annarstaðar m. a. á Akur-
eyri og í Reykjavík.
Starfshópurinn sem var skipaður
fulltrúum allra stjórnmálaflokka skil-
aði tillögum sínum í október sama ár.
Sérstaka áherslu lagði hann á skýra
og markvissa stefnumótun í mál-
efnum ferðaþjónustunnar. Vinna við
mótun ferðamálastefnu fyrir Hafnar-
fjörð hófst strax í kjölfarið og lauk
með samþykkt bæjarstjórnar á nýrri
ferðamálastefnu Hafnarfjarðarbæjar
vorið 2012. Var sú stefnumótun unnin
í nánu samstarfi við hagsmunaaðila í
ferðaþjónustu og sérstök áhersla lögð
í kynningu hennar fyrir bæjarbúum.
Á grundvelli nýrrar ferðamálastefnu
og samstöðu um mikilvægi þess að vel
sé staðið að kynningu Hafnarfjarðar
og þess sem bærinn okkar hefur upp
á að bjóða, samþykkti bæjarstjórn á
síðasta fundi sínum að hafinn skyldi
formlegur undurbúningur að stofnun
og reksti Hafnarfjarðarstofu. Í sam-
þykkt bæjarstjórnar kemur fram að
auk sérstakrar áherslu á málefni ferða-
þjónustunnar muni Hafnarfjarðarstofa
sinna margþættu hlutverki í markaðs-,
kynningar-, og nýsköpunarmálum í
bæjarfélaginu. Strax frá upphafi verður
jafnframt lögð sérstök áhersla á mál-
efni ungs fólks á sviði nýsköpunar og
þátttöku þess í mótun nýrra hugmynda
og atvinnutækifæra. Unnið verður að
því að koma á samstarfi við fyrirtæki
í Hafnarfirði og samtök aðila í ferða-
þjónustu á svæðinu um fjármögnun
og rekstur Hafnarfjarðarstofu til lengri
tíma litið.
Höfundur er
Gunnar Axel Axelsson,
formaður bæjarráðs