Hafnarfjörður - Garðabær - 24.01.2014, Blaðsíða 12

Nýtt - rafmagns lyftistólar
Teg. Giulia 3 - 1 - 1 og 3 - 2 - l leður.
Rafmagns lyftistólar með skemmal
Reykjavíkurveg 66 220 Hafnarfirði sími 565 4100
Minni þvætting – meiri þátttöku
Hafnfirðingar kalla eftir meiri aðild að ákvörðunum.
Vinstrihreyfingin – grænt framboð býður til
opins fundar laugardaginn 25. janúar n.k.
í félagsheimilinu á Strandgötu 11.
Fundurinn hefst kl. 11:00 og stendur til kl. 13:00.
Á dagskrá fundarins verður:
1. Aukin aðkoma
2. Hópur um samsetningu framboðs valinn.
Allir velkomnir.
Stjórn VG í Hafnarfirði
MENNINGARSTYRKIR TIL
VERKEFNA OG VIÐBURÐA
Menningar- og ferðamálanefnd Hafnarfjarðar
auglýsir eftir umsóknum um styrki til verkefna og
viðburða á sviði menningar- og lista í Hafnarfirði.
Listamenn og aðrir áhugasamir um menningu og
viðburði, stofnanir og félagasamtök eru hvattir til
að senda inn umsóknir.
Umsóknareyðublöð eru á www.hafnarfjordur.is,
undir íbúagátt/umsóknir. Athugið að til þess að
sækja um þarf að skrá sig á íbúagátt bæjarins.
Aðstoð við skráningu er hægt að fá hjá Þjónustuveri
Hafnarfjarðar í síma 585-5500.
Skilafrestur er til 24. febrúar 2014.
12 24. janúar 2013
SveitarStjórnakoSningar 2014
Fyrir Hafnarfjörð númer 1, 2 og 3
Kæri Hafnfirðingur. Hafnar-fjörður er bærinn minn og þar vil ég starfa. Ég var kosin
í bæjarstjórn fyrir fjórum árum og
á sæti í Fræðsluráði og Umhverfis-
og framkvæmdaráði. Einnig hef ég
á kjörtímabilinu tekið þátt í vinnu
starfshópa um fjölmörg mál meðal
annars, hjólasamgöngur, Umhverfis-
og auðlindastefnu og byggingu
hjúkrununarheimilis.
Mín helstu stefnumál fyrir næsta
kjörtímabil eru ábyrg fjármálastjórn
með áherslu á aðhald í rekstri og ný-
fjárfestingum. Niðurgreiðsla skulda er
forgangsmál því þannig skapast svig-
rúm til að lækka álögur á bæjarbúa og
unnt verður að framkvæma fyrir eigið
fé án kostnaðarsamrar lántöku.
Ég legg áherslu á atvinnu upp-
byggingu þar sem styrkleikar sveitarfé-
lagsins fá notið sín sem felast til dæmis
í að nýta hafnaraðstöðuna betur, hlúa
að miðbænum sem er hjartað í bænum
okkar, bæta þjónustu við ferðamenn
og laða fyrirtæki að bænum með því
að bjóða hagkvæmar lóðir og góða
þjónustu.
Leik- og grunnskólar eru grunn-
stoðir sem ber að hlúa að með höf-
uðáherslu á innra starf og framþróun
með það að leiðarljósi að frumkvæði
fagfólks innan skólanna fái að njóta sín
og einnig ber að styðja við fjölbreytt
starf íþrótta- og tómstundafélaga og
öflugt lista og menningarlífi með
ábyrgum hætti.
Ég vil skoða fleiri leiðir varðandi
búsetukosti ungs fólks og hinna
tekjulægri og athuga með hvaða hætti
sveitarfélagið gæti beitt sér en örugg
búseta er ein af grunnþörfum okkar.
Einnig vil ég leita að leita leiða til að
fjölga atvinnutækifærum og sporna við
langtímaatvinnuleysi.
Ég vil endurskoða stefnumótun í
málefnum aldraðra og fatlaðra með
tilliti til þeirrar þróunar sem hefur
verið í málaflokknum til að tryggja að
sem best sé búið að þessum hópum og
ólíkum þörfum þeirra mætt.
Ég vil útrýma kynbundinn launa-
mun hjá Hafnarfjarðarbæ. Það er for-
gangsmál að taka upp jafnlaunavottun
og útrýma óskilgreindum launamun
kynjanna.
Greiðar samgöngur og góðar al-
menningssamgöngur eru mikilvægt
samfélagsleg verkefni sem þurfa stöð-
ugt að vera í mótun. Skoða þarf hvort
núverandi þjónustuframboð sé viðun-
andi. Ég nefni sem dæmi mikilvægi
þess að Ásvallabraut verði sett í forgand
til að bæta samgöngur frá Völlunum og
þjónusta innanbæjarstrætó verði bætt.
Umhverfismál eru mál okkar allra,
stuðla ber að því að allar stofnanir
bæjarins móti umhverfisstefnu og sýni
þannig gott fordæmi.
Ég óska eftir stuðningi þínum í eitt
af þremur efstu sætunum í prófkjörinu
og vonast til að þú nýtir rétt þinn til að
taka þátt í að setja saman lista af hæfu
fólki sem þú treystir til þess að vinna af
heilum hug að hag Hafnarfjarðarbæjar.
Bestu kveðjur
Höfundur er
Helga Ingólfsdóttir
bæjarfulltrúi
Sterkari Hafnarfjörður
Kæri lesandi. Ég, Sævar Már Gústavsson, vil hjálpa til við að styrkja samfélagið okkar
og gef því kost á mér í 4. sæti i próf-
kjöri Sjálfstæðisflokksins í Hafnarfirði
1. febrúar næstkomandi. Í aðdraganda
prófkjöra og sveitastjórnakosninga þá
ber yfirleitt á fallegum loforðum um
betrumbætur í hinum ýmsu mála-
flokkum. Kjósendur og frambjóð-
endur í Hafnarfirði búa hins vegar við
þær sérstöku aðstæður að við höfum
ekki efni á loforðum um aukin útgjöld
í málaflokka sem almennur vilji er til
að styrkja. Fjárhagsstaða bæjarsjóðs
leyfir einfaldlega ekki frekar útgjöld.
Í dag skuldar Hafnarfjarðarbær um 40
milljarða króna eða um 8 milljónir á
fimm manna fjölskyldu.
Næstu bæjarstjórn í Hafnarfirði ber
skylda til að laga ástand bæjarsjóðs
því það kemur niður á samfélaginu
okkar í dag og mun gera það af enn
meiri krafti í framtíðinni ef ekkert
verður að gert. Það á því að vera for-
gangsmál að greiða niður skuldir og
endursemja um ýmis lánakjör. Nú er
það þannig að ekki er hægt að láta
þá stjórnmálamenn, sem tóku lánin
í „þágu“ bæjarbúa, greiða niður
skuldina, en það er hægt að láta þær
fjármálastofnanir sem lánuðu bæj-
arsjóði axla ábyrgð. Það er áhætta
fyrir fjármálastofnanir að lána bæj-
arfélagi sem hefur engar tekjur í þeim
myntum sem lánað er í. Þær eiga því
að sjálfsögðu að bera ábyrgð á því ef
skuldastaða bæjarfélagsins versnar svo
að það getur ekki staðið í skilum við
skuldbindingar sínar. Það er með öllu
fráleitt að láta bæjarbúa borga fyrir
áhættusamar ákvarðanir stjórnmála-
manna og lánveitanda. Þess vegna á
næsta sveitarstjórn að koma saman
sterkri samninganefnd sem mun tala
máli sveitarfélagsins við lánveitendur
með það að markmið að fá afskriftir
á lánum bæjarsóðs.
Hafnarfjörður er í dag brothætt
samfélag vegna skulda bæjarsjóðs.
Kjörnum bæjarfulltrúum ber skylda
að koma í veg fyrir að samfélög séu
brothætt en þeir hafa svo sannarlega
brugðist þeirri skyldu undanfarinn ár.
Höfundur er
Sævar Már Gústavsson, og sækist
eftir fjórða sæti í prófkjöri
Sjálfstæðisflokksins í Hafnarfirði
Hafnarfjörður til framtíðar
Næstkomandi vor fáum við Hafnfirðingar tækifæri til að ganga inn í nýja tíma, tæki-
færi til að snúa vörn í sókn og sýna
hvað í okkur býr. Bæjarbúar munu
kalla eftir nýrri pólitík með nýjum
áherslum og nýjum markmiðum. Til
þess að það geti orðið þarf nýja, fram-
sækna og metnaðarfulla einstaklinga
til starfa.
Ég tel að kraftar mínir, menntun og
áhugi geri Sjálfstæðisflokkinn sterkari
og áhugaverðari kost þegar bæjarbúar
ganga til kosninga nú í vor. Hafnar-
fjörður þarf kraftmikla einstaklinga til
að taka á málum hér í bænum þannig
að hægt verði að byggja upp samfé-
lag sem við bæjarbúar getum verið
stoltir af.
Tækifærin eru fjölmörg, hvort sem
horft er til atvinnumála, ferðamála,
og hlúa að hafnfirskum fjölskyldum.
Stefna Sjálfstæðisflokksins á einkar
vel við á tímum stöðnunnar og úr-
ræðaleysis. Fólk þarf frelsi til athafna
og það vill hafa val um það hvernig
samfélagi það býr í og þannig aukum
við hagsæld okkar. Virkja þarf krafta
okkar og verum óhrædd við að stíga
skrefið þegar að vali okkar Hafn-
firðinga kemur, nýtum það.
Hafnarfjörður er mér hugleikinn,
hér er ég fædd og uppalin og sem
móðir, Hafnfirðingur og einn hlekkur
í samfélagi okkar býð ég fram krafta
mína til að vinna að viðsnúningi
hér í Hafnarfirði svo bæta megi hag
okkar. Tryggjum Sjálfstæðisflokknum
lista sem endurspeglar hafnfirskt
samfélag. Ég óska eftir 2. -3. sæti í
prófkjöri Sjálfstæðismanna þann 1.
febrúar. Byggjum saman upp framtíð
Hafnarfjarðar.
Þú og ég erum Hafnarfjörður !
Höfundur er
Kristín Thoroddsen,
ferðamálafræðingur og býður
sig fram í 2. -3. sæti í prófkjöri
Sjálfstæðismanna í Hafnarfirði