Fréttir - Eyjafréttir - 22.03.1988, Síða 5

5
FRÉTTIR — Þriðjudaginn 22. mars 1988
99
Þarna er ég
þekkt sem æxlið
hennar Siggu
— Rætt við mæðgurnar Sigríði Sigurðardóttur frá
Vatnsdal og Önnu Kolbeinsdóttir, sem í gærmorgun
héldu utan til Svíþjóðar í nýrnaskiptaaðgerð.
44
• Mæðgurnar Sigríður Sigurðardóttir og Anna Kolbeinsdóttir sem héldu utan til Svíþjóðar í
gærmorgun i nýmaskiptaaðgerð.
Fyrir tæpum 33 árum eða árið 1955, tilkynntu læknar
Sigríði Sigurðardóttur frá Vatnsdal að hún gengi með
tvíbura. Einnig komu læknarnir auga á æxli í móður-
kviði, en þeir treystu sér ekki til að segja hvers kyns eða
hvers konar æxli þarna væri um að ræða. Þegar kom að
því að fæða tvíburana þann 24. nóv. 1955, kom í ljós að
æxlið reyndist „góðkynja“ ef þannig má að orði komast,
því það var fyrsta barnið af þrem sem Sigríður fæddi
þann dag. Sigríður á nú 6 börn.
Árið 1974 uppgötvaðist það að nýrun í Sigríði
störfuðu ekki eins og vera ber. 10 árum síðar eða 1984
hættu nýrun alveg að starfa en eftir að hafa farið í
nýrnahreinsunarvél, fóru þau að starfa á nýjan leik. En
tveimur árum síðar, 1986, veiktist Sigríður aftur og að
þessu sinni tókst ekki að koma nýrunum af stað aftur.
Síðan hefur Sigríður meira og minna verið á fartinu milli
lands og Eyja því þrisvar sinnum í viku hefur hún þurft
að fara í nýrnahreinsunarvél á Landsspítalanum.
Mikil leit hefur staðið yfir s.l. tvö ár að nýrnagjafa
fyrir Sigríði, og í nóvember s.l. var það úrskurðað eftir
miklar rannsóknir að „æxlið hennar Siggu“, þríburinn
sem enginn vissi um á sínum tíma, Anna Kolbeinsdóttir,
væri vænlegasti nýrnagjafínn fyrir Sigríði. I gær héldu
þær mæðgur til Gautaborgar í Svíþjóð og á morgun, 23.
mars fer aðgerðin fram.
Lífsgleðin geislar af þeim
mæðgum þegar blm. hittir þær
mæðgur að máli en bjartsýnin
og létt lund hefur fleytt Sigríði
yfir mjög erfiða hjalla í veikind-
um sínum s.l. tvö ár.
Pað sem er þeim mæðgum
efst í huga er þakklæti til ætt-
ingja sem voru tilbúnir að gefa
Sigríði nýra. Einnig til ætt-
ingja, vina og kunningja í
Reykjavík sem hlupu undir
bagga með húsaskjól og annað
sem gerði Sigríði dvölina í
Reykjavík léttari, til Braga
Ólafssonar á fluginu fyrir ólýs-
anleg liðlegheit og til ættingja
og vina í f?yjum. Síðast en ekki
síst 'tij .Uekna og starfsfólks
Landspítalans.
Leitin
Leitin að nýrnagjafanum
hófst fyrir'tveim árúrnT Þar var
útilokuaraðferðinni beitt og í
haust eftir tilraunir á fjölda
ættingja, voru tveir af þríbur-
unum eftir. í nóvember varð
það ofan á að Anna yrði fyrir
valinu og síðan hefur hún geng-
ið í gegnum allskyns tilraunir,
búið að dæla heilu pottunum af
blóði úr henni, eins og Anna
kemst sjálf að orði og einnig
hefur hún farið í þræðingu og
þá lá hún á Borgarspítalanum í
2 vikur til frekari rannsókna.
Litlar líkur á höfnun
Eftir uppsk.urðinn á morgun,
23. mars, munu Sigríður og
Anna dvelja áfram í Svíþjóð í
4-6 vikur þar sem þær verða
undir ströngu eftirliti, til að
fylgjast m.a. með höfnunar-
einkennum.
En hve miklar líkur eru á
höfnun?
„Þær eru mjög litlar. Við
höfum gengið í gegnum miklar
tilraunir og læknarnir taka enga
áhættu vegna þess sem á undan
er gengið. Þá hafa ný höfnunar-
lyf komið til sögunar og þau
hafa mikið að segja,“ sögðu
Sigríður og Anna.
Þegar heim kemur ganga þær
undir reglubundið eftirlit og ef
allt gengur að óskum ættu
mæðgurnar að geta lifað góðu
og eðlilegu lífi.
Algengar aðgerðir
„Þessar aðgerðir eru algeng-
ari en fólk gerir sér grein fyrir.
Þrátt fyrir það er ég mjög hepp-
in að komast í aðgerð svona
fljótt því margir einstaklingar
á deildinni á Landsspítalanum
sem komu langt á undan mér,
eru enn að bíða eftir réttum
nýrnagjafa. Eina von þeirra er
sérstakur nýrnabanki í Evrópu.
Það hefur myndast góður
kunningsskapur við aðra sjúk-
linga á deildinni og við lækna
og hjúkrunarfólk á Landspítal-
anum, þetta er svolítið sérstakt
þjóðfélag sem þarna hefur
myndast. Mikil tilfinninga-
tengsl, þarna er deilt sorg og
gleði," segir Sigríður.
„Þegar ég kem þarna er ég
þekkt sem æxlið hennar Siggu,“
bætir Anna við.
Alla vega einn einstaklingur
í Eyjum hefur gengið í gegnum
svipaða aðgerð og Sigríður fer
í, og von er á að fleiri munu
fylgja í kjölfarið.
Bjartsýnar
Sjúkratryggingarnar borga
ferðirnar-og eitthvað af uppi-
haldi erlendis fyrir mæðgurnar
þannig að kostnaðurinn fyrir
þær er í minnsta lagi.
„Þessi mikla eldraun sem
maður hefur gengið í gegnum
s.l. tvö ár hefur auðvitað haft
Æh
Vestmanna-
eyjabær

Opnunartími
Náttúrugripasafns
um
Safnið verður opið frá skírdegi til 2.
páskadags frá kl. 15-17 dag hvern yfir
páskahelgina.
Opnunartími
Byggðarsafns yfir
páskana:
Byggðarsafnið verður opið á skírdag,
laugardaginn fyrir páska og annan í pásk-
um frá kl. 13:00-15:00 en lokað verður á
föstudaginn langa og páskadag.
Stöður á
Hraunbúðum
Sjúkraliða vantar á næturvaktir. Um er að
ræða 40% starf.
Starfsmann vantar í 50% stöðu. Vinnu-
tími 10:30-14:30.
Upplýsingar eru gefnar hjá forstöðukonu
í símum 1915 og 1087.
AÐAL-
FUNDUR
H.S.V.
Aðalfundur Hjálparsveitar skáta verður
haldinn í Skátaheimilinu laugardaginn 26.
3. nk. kl. 14:00.
STJÓRNIN
mikil áhrif á fjölskyldulífið. En
við höfum fengið ómetanlegan
stuðning úr öllum áttum sem
við fáum seint fullþakkað.
Við erum hressar og bjart-
sýnar. Ég veit hreinlega ekki
hvar maður væri staddur ef
maður væri ekki svona létt í
lund. Bjartsýnin hefur fleytt
manni áfram yfir marga erfiða
hjalla, og ég held að hún sé
besta veganestið sem hægt er
að hugsa sér í þessa ferð,“
sagði Sigríður Sigurðardóttir
frá Vatnsdal að lokum.
„Til bestu mömmu
í heimi“
Hugur Vatnsdalsfjölskyld-
unnarf dvelur þessa dagana í
Gautaborg í Svíþjóð þar sem
þær mæðgur dvelja nú.
Elva Kolbeinsdóttir, næst
yngsta barn Sigríðar, orti eftir-
farandi vísur, sem hér koma á
eftir, en blaðið fékk góðfúslega
leyfi hennar til að birta þær.
Þær segja ef til vill meira en
flest annað.
TIL BESTU MÖMMU í HEIMI
Elsku besla móðir blíða,
sem framar stendur öllum hér.
Við sjúkdóm slæman ert að stríða,
svo djúpa sorg þaðfœrir mér.
En eitt er víst í þessum heimi,
ég örugg er í þeirri trú.
Að heilbrigt blóð brátt um þig streymi,
égfullvissa þig um það nú.
Trúna máttu aldrei missa,
því mikilvœg hún verður þér.
Já mikið skaltu verða hissa,
þú skalt nú bara trúa mér.
En ástin sterk hún sigrar alla,
með Guð að bakhjarl vinnur stríð.
Við saman sjáum sjúkdóm falla,
þú alheil verður móðir blíð.
Þín dóttir
Elva
VIÐTAL - AUGLÝSINGAR - VIÐTAL - AUGLÝSINGAR - VIÐTAL - AUGLÝSINGAR - VIÐTAL -