Skessuhorn - 05.09.2007, Blaðsíða 14
14 MIÐVIKUDAGUR 5. SEPTEMBER
Nýir eigendur, þau Heimir Jónasson og Helga Dís Daníelsdóttir og fyrrverandi eigendur,
Nína Áslaug Stefánsdóttir og Daníel Daníelsson.
Umhverfisráðuneytið kvað
sl. föstudag upp úrskurð vegna
starfsleyfis Laugafisks ehf. á
Akranesi. Eins og Skessuhorn
hefur greint frá barst ráðuneytinu
þann 3. apríl sl. bréf frá 17 íbúum
á Akranesi þar sem þeir krefjast
þess að ráðuneytið beiti sér
fyrir því að starfsemi Laugafisks
verði stöðvuð og að starfshættir
Heilbrigðisnefndar Vesturlands
verði teknir til athugunar vegna
útgáfu á starfsleyfi til fyrirtækisins
1. nóvember 2006. „Þykir
verða að virða umrætt erindi
sem stjórnsýslukæru,“ segir
m.a. í úrskurði ráðuneytisins
31. ágúst sl. Í úrskurðarorðum
umhverfisráðuneytisins segir
orðrétt: „Ákvörðun Heilbrigðis
nefndar Vesturlands um endurnýjun
starfsleyfis Laugafisks ehf. frá 1.
nóvember er hér með felld úr
gildi. Krafa kærenda um stöðvun
atvinnurekstrar Laugafisks ehf. er
ekki tekin til greina.“
Athugasemdir þeirra 17 kærenda
sem skrifuðu ráðuneytinu um
að endurnýjun leyfisins hafi ekki
verið í samræmi við gildandi lög
og reglur, lúta að lyktarmengun
frá starfsemi fyrirtækisins. Var
starfsleyfi Laugafisks upphaflega
veitt til fjögurra ára en nokkrum
mánuðum áður en gildistími
þess starfsleyfis rann út, tók
heilbrigðisnefnd ákvörðun
um endurnýjun þess. Töldu
kærendur að þeir stjórnsýsluhættir
heilbrigðisnefndarinnar að
auglýsa ekki til athugasemda
þá leyfisendurnýjun, standist
ekki gildandi lög og reglugerðir
og kröfðust þess að starfsemi
fyrirtækisins yrði stöðvuð og
vinnubrögð heildbrigðisnefndar
tekin til athugunar.
Bráðabirgðaleyfi veitt
Í niðurstöðu ráðuneytisins er
vísað í 1. grein laga nr. 7/1998 um
hollustuhætti og mengunarvarnir
þar sem fram kemur að markmið
þeirra laga sé að búa landsmönnum
heilnæm lífsskilyrði og vernda
þau gildi er felast í heilnæmu
og ómenguðu umhverfi. Telur
ráðuneytið að gögn málsins upplýsi
að starfsemi Laugafisks sé líkleg til
að hafa í för með sér áhrif á loftgæði
og hafa lyktarmengandi áhrif, sbr.
skilgreiningu á hugtakinu mengun.
Telur því ráðuneytið að endurnýjun
starfsleyfisins varði hagsmuni íbúa
í nágrenni verkunarinnar. Telur
ráðuneytið að heilbrigðisnefnd
Vesturlands hafi ekki gefið íbúum
kost á að koma að athugasemdum
fyrir endurnýjun starfsleyfisins
og tekur því kröfu um ógildingu
starfsleyfisins gilda. Ráðuneytið
snuprar því heilbrigðisnefnd og gerir
nefndinni að taka nýja ákvörðun í
málinu. Slíkt mun vafalaust fela það
í sér að heilbrigðisnefnd þarf að
auglýsa eftir athugasemdum við nýtt
starfsleyfi Laugafisks á Akranesi,
telji nefndarmenn að nægjanlegar
forsendur séu til staðar fyrir að
slík lyktarmengandi starfsemi verði
áfram til staðar á Neðri Skaga á
Akranesi, nærri íbúðabyggð.
Ráðuneytið telur loks skorta
á lagaskilyrði til að unnt sé að
taka kröfu kærenda um stöðvun
atvinnurekstrar Laugafisks til
greina. Fyrirtækið hefur sótt um
undanþágu frá starfsleyfi og hefur
umhverfisráðuneytið fallist á að
veita þá undanþágu eða þar til
ný ákvörðun heilbrigðisnefndar
Vesturlands um starfsleyfi
Laugafisks ehf. liggur fyrir.
Hljóta að þurfa að færa
starfsemina
Guðmundur Sigurbjörnsson, einn
hinna 17 sem sendu ráðuneytinu
kæruna, sagði í samtali við Skessuhorn
að hópurinn muni gera allt sem í hans
valdi standi til að fyrirtækið fái að
óbreyttu ekki endurnýjun starfsleyfis.
„Við erum fyrir löngu síðan búin
að fá upp í kok af lyktarmengun
frá Laugafiski og munum nú beina
spjótum okkar að heilbrigðisnefnd.
Ég trúi því ekki að óreyndu að kjörnir
fulltrúar og embættismenn fólksins,
sem sitja í heilbrigðisnefnd Vesturlands
ætli áfram að taka hagsmuni þessa
fyrirtækis fram yfir hagsmuni
hundruða íbúa á Neðri Skaga sem geta
ekki opnað glugga á híbýlum sínum
vegna ólyktar. Heilbrigðisnefndin
fékk núna rækilega ofanígjöf frá
ráðuneytinu og niðurstaðan hlýtur
að verða sú í málinu að starfsleyfi
Laugafisks verði ekki endurnýjað og
því gert að flytja út fyrir íbúðabyggð,“
sagði Guðmundur Sigurbjörnsson í
samtali við Skessuhorn.
mm
Byggðaráð Borgarbyggðar hefur
ákveðið að áfrýja dómi sem felldur
var í Héraðsdómi Vesturlands 8. júní
síðastliðinn þar sem sveitarfélaginu
var gert að greiða bætur vegna
landamerkjadeilu er varðar jörðina
Búrfell annars vegar og sameign
Steindórsstaða og Borgarbyggðar
hins vegar sem nefnt er Búrfell
fjalllendi. Forsaga málsins er sú
að eigendur Búrfells höfðuðu
mál vegna þess að þeir töldu að
landamerki væru ekki í samræmi
við það sem þeir töldu sig vera að
kaupa og því ekki stærð jarðarinnar.
Þeir gerðu aðallega þá kröfu að
viðurkennt yrði að landamerki milli
jarðarinnar Búrfells annars vegar og
Búrfells fjalllendis hins vegar lægi
um beina línu frá Merkjafossi að
Moskeldubotni. Borgarfjarðarsveit
var í upphafi aðili að málinu en
við sameiningu hefur Borgarbyggð
tekið við. Eigendur og ábúendur
Steindórsstaða voru sýknaðir í
dómi héraðsdóms en Borgarbyggð
gert að greiða eina og hálfa milljón
til eigenda Búrfells sem bætur fyrir
meint tapað land. Byggðaráð hefur,
eins og áður sagði, ákveðið að áfrýja
málinu til Hæstaréttar.
bgk
Tónlistarskóli Borgarfjarðar
fagnar nú 40 ára afmæli, en 7.
september árið 1967 var skólinn
stofnaður. Í tilefni afmælisins verður
skólinn með ýmsa atburði í vetur
og verður sá fyrsti á afmælisdaginn
sjálfan. Að sögn Theodóru
Þorsteinsdóttur, skólastjóra
verður opið hús að Borgarbraut
23 í Borgarnesi á föstudaginn frá
klukkan 14 18. Gestum verður þá
velkomið að fylgjast með kennslu,
ganga um skólahúsnæðið og fá
upplýsingar um starfsemina.
„Við verðum með heitt á
könnunni og gestum verður boðið
að taka lagið með okkur. Vonum
við að Borgfirðingar og aðrir gestir
hafi tök á að kíkja á okkur og fá
andlega næringu fyrir helgina,“
sagði Theodóra.
mm
Verslunin Nína skiptir
um eigendur
Nína Áslaug Stefánsdóttir,
kaupmaður og eiginmaður
hennar Daníel Daníelsson eru að
láta af störfum sem eigendur og
rekstraraðilar verslunarinnar Nínu
á Akranesi. Verslunin helst þó innan
fjölskyldunnar því nýju eigendurnir
eru dóttir Nínu og Daníels, Helga
Dís og eiginmaður hennar Heimir
Jónasson.
Verslunin Nína var stofnuð
þann 20. ágúst 1982. Aðspurð um
hvernig henni hafi dottið það í
hug að hefja verslunarrekstur segir
Nína að henni hafi bara langað til
þess að prófa þetta og sjá hvort hún
gæti þetta ekki sjálf. Hún segist
hafa skipt við Gulla í Karnabæ fyrst
um sinn en fljótlega farið að vinna
að því að koma upp sínum eigin
samböndum erlendis. Nína segist
hafa farið í sína fyrstu verslunarferð
á öðru ári verslunarinnar og hafi
verið að koma sér upp fínu neti
viðskiptavina síðan þá og í dag séu
flestar vörur í búðinni fluttar inn
milliliðalaust. Dóttir Nínu, Helga
Dís, byrjaði snemma að fara með í
slíkar verslunarferðir og á sýningar
með móður sinni, þannig að hún
tekur við góðu búi og hefur nú
þegar góð sambönd erlendis.
Engar
grundvallarbreytingar
Nína segir að hún hafi engar
áhyggjur af dóttur sinni í þessum
rekstri, Helga Dís hafi í raun alist
upp í búðinni, en hún var sex ára
þegar Nína stofnaði verslunina
ásamt Daníeli eiginmanni sínum.
Helga Dís tók svo við rekstrinum af
foreldrum sínum um mánaðamótin
ágúst/september og eru hennar
börn í raun að alast upp í búðinni
eins og mamma þeirra. Heimir og
Helga Dís segjast ekki ætla að vera
með neinar grundvallarbreytingar
á rekstri fyrirtækisins en þau
byggi á mjög góðum grunni og
eigendaskiptin leggist vel í þau.
Heimir segir þó að það verði
náttúrulega erfitt að fylla skó Nínu
í þessu, en þau komi til með að gera
sitt besta.
Á innsafnað orlof
Nína segist fara ánægð frá
rekstrinum. Hún hafi starfað í 25
ár í verslunarrekstri, segist aldrei
hafa leiðst að fara í vinnunna og
hafi alltaf haft mikinn áhuga á tísku.
Hún segir einnig að þegar aðrir
hafi minnkað við sig, t.a.m. með
komu Hvalfjarðarganganna, hafi
hún alltaf bætt í. „Þegar ég byrjaði
í þessu vorum við í um 35 fermetra
húsnæði en núna er þetta eitthvað
um 600700 fm,“ segir Nína. Þegar
blaðamaður spyr hvað taki við hjá
henni er fátt um svör. „Veistu ég
hef ekki hugmynd um það,“ segir
Nína, „ætli maður dundi sér ekki
meira í hestunum.“ Nína segist
vonast til þess að geta slitið sig
frá rekstrinum og látið hina nýju
eigendur um hann. En nú er Nína
að minnsta kosti opinberlega hætt í
verslunarbransanum. „Já, núna um
mánaðamótin verður maður bara
Nína í orlofi,“ segir hún og hlær
dátt. Helga Dís bætir við og beinir
orðum sínum til móður sinnar: „Já,
þú átt nú sennilega orðið eitthvað
inni.“
hög
Húsnæði Tónlistarskóla Borgarfjarðar í gamla apótekshúsinu við Borgarbraut 23 í
Borgarnesi.
Tónlistarskóli Borgar
fjarðar fertugur
Borgarbyggð áfrýjar
landamerkjamáli
Umhverfisráðuneytið fellir úr gildi ákvörðun
heilbrigðisnefndar um starfsleyfi Laugafisks á Akranesi