Fagnaðarboði - 01.03.1950, Page 6

6
FAGNAÐARBOÐI
Jesús Kristur er Frelsarinn
Eg var eins og allt annað fólk, var alltaf að
leita að hamingjunni. Eg þrautreyndi, en fann
hana ekki vegna þess að leiðin sem ég fór, var
leiðin sem liggur frá hamingjunni. Eg leitaði
einnig sannleikans, en það fór á sömu leið, ég
fann hann ekki. Eg var á breiða veginum, sem
liggur til glötunar. Satan batt mig alltaf fastar
og fastar í syndafjötrana, en Frelsarinn minn
var alltaf að leita að mér og öðru hvoru talaði
Hann til mín fyrir munn þjónanna sinna, en ég
var svo f jötruð af óvininum að ég sinnti því ekki.
Það var ekki fyr en ég hafði liðið miklar þrautir
og þjáningar að ég sneri mér til Drottins, og þá
var Hann þar blessaður Frelsarinn, með út-
breiddan faðminn og tók á móti mér. Drottinn
sýndi mér syndirnar, sem ég hafði drýgt, ég
hryggðist sárlega og bað Hann að fyrirgefa mér.
Drottinn gaf mér nýja sjón, svo ég gat séð synda-
veginn, sem ég hafði farið. Eg varð undrandi,
svo blinduð hafði ég verið af valdi Satans. —
Drottinn gaf mér einnig nýtt hjarta og allt nýtt.
Og sjá, ég geri alla hluti nýja, segir Drottinn.
Eg hafði fengið allt nýtt. Almáttugur Guð hafði
fyrirgefið mér syndimar. Eg var endurfætt
Guðsbarn fyrir Jesúm Krist, ég gat tileinkað
mér Hans réttlæti vegna þess að Hann dó fyrir
mig á krossinum. Því allt sem ég hafði hugsað,
talað og gjört á meðan ég var Satans barn var
mér allt til dóms. En ég er frelsuð frá dómin-
um fyrir Guðs náð.
Eg hefi skipt um Föður. Áður átti ég Satan
fyrir Föður. En nú á ég: Almáttugan! Heilagan!
Þríeinan! Guð, fyrir Föður og Frelsara og fyrir
læknir og verndara. Eg hef fengið blessaða
Heilaga Andann, Sannleiksandann, sem huggar
og leiðir í allan sannleika. Eg hef fengið Guðs-
barnaréttinn, er erfingi eilífs lífs og samarfi
Krists, fæ að erfa Guðsríkið með Guðssyninum
Jesú Kristi. Hvílík sæla! Hvílík dýrð!
Kristur er upprisinn, Hann er lifandi, Hann
hefir sigrað dauðann og allt vald djöfulsins.
Hann hefur unnið fullkomið verk fyrir mig.
Guði sé lof og dýrð. Hvernig get ég svo þakkað
Guði fyrir allt, sem Hann hefur gefið mér. Eg
get aðeins verið hlýðin, leitast við að gera Hans
vilja og sagt öðrum frá því, sem Hann hefur
gert fyrir mig, því Hann þráir að frelsa. Drottinn
vill ekki dauða syndugs manns, Hann vill að allir
snúi sér og lifi eilíflega. Eftir dauðann kemur
dómurinn, þá er það of seint.
Lofað og vegsamað sé Drottins Heilaga Nafn
frá eilífð til eilífðar.
Sigurbjörg Magnúsdóttir.
Mð Drottins Jesú
En vér trúum því, að vér verðum hólpnir fyrir
náð Drottins Jesú á sama hátt og þeir. Post.15,11.
Það er svalandi fyrir hverja sárþyrsta sál,
sem þráir sannleikann, að heyra hinn hreina
og ákveðna vitnisburð hins stórmerka postula
Péturs, þar sem hann skýrir frá trú sinni, sem
einungis var grundvölluð á náð Drottins Jesú.
Pétur hafði verið alinn upp undir lögmálsþjón-
ustu með fórnum, og musteri þar sem lögmálið
og spámennirnir voru lesnir og útskýrðir hvern
hvíldardag ár eftir ár, án þess þó að veita sál
hans fullnægingu. Því lögmálsfórnirnar megnuðu
ekki að friða samviskuna sem alltaf var sér með-
vitandi um synd. Aftur á móti þegar Guð gaf
Son sinn Eingetinn í fórn fyrir syndir allra
manna, þá fullnægði Hans fórn, í eitt skipti fyrir
öll, til að friðþægja fyrir syndir allra þeirra,
sem á Hann trúa.
Þessa fullvissu hafði Pétur nú öðlast eftir að
hafa fundið Jesúm Krist, og vissi að ekki var
til neins frá Honum að fara, þar sem Hann hafði
Orð eilifs lífs, sem fullnægði sál hans og friðaði
samvisku hans algjörlega.
Nú vissi Pétur að hann mundi ekki verða
hólpinn fyrir lögmálsverk, heldur einungis fyrir
náð Drottins Jesú, á sama hátt og hver annar
iðrandi syndari, sem játaði syndir sínar fyrir
Honum. Hann var fullviss um að Kristur hefði
friðþægt fyrir syndir 'hans í eitt skipti fyrir öll,
svo að þeirra yrði ekki framar minnzt. Heilagur
Andi sannfærði hann nú um hlutdeild hans í rétt-
læti Jesú Krists.