Víkurfréttir - 10.10.2013, Qupperneq 4
fimmtudagurinn 10. október 2013 • VÍKURFRÉTTIR4
vf.is
Víkurfréttir ehf., kt. 710183-0319
Krossmóa 4, 4. hæð, 260 Reykjanesbæ, sími 421 0000
Páll Ketilsson, sími 421 0004, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Jón Júlíus Karlsson, jjk@vf.is, GSM 849 0154
Sigfús Aðalsteinsson, sími 421 0001, fusi@vf.is
Víkurfréttir ehf.
Þórgunnur Sigurjónsdóttir, sími 421 0006, thorgunnur@vf.is
Þorsteinn Kristinsson, steini@vf.is, sími 421 0006
Rut Ragnarsdóttir, sími 421 0000, rut@vf.is
og Aldís Jónsdóttir, sími 421 0000, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
afgreiðsla og ritstjórn:
ritstjóri og ábm.:
fréttastjóri:
blaðamenn:
auglýsingadeild:
umbrot og hönnun:
auglýsingagerð:
afgreiðsla:
Prentvinnsla:
uPPlag:
dreifing:
dagleg stafræn Útgáfa:
Tekið er á móti auglýsingum á póstfangið fusi@vf.is. Auglýsingar berist fyrir
kl. 17 á þriðjudegi fyrir útgáfudag sem er almennt á fimmtudögum. Móttaka
smáauglýsinga fer fram á vef Víkur-frétta, vf.is. Smáauglýsingar berist fyrir kl. 15 á
þriðjudögum. Sé fimmtudagur frídagur þá kemur blaðið út á miðvikudögum og þá
færist skilafrestur auglýsinga fram um einn sólarhring.
Efni til Víkurfrétta skal sendast á póstfangið vf@vf.is. Aðsendar greinar birtast á
vef Víkur-frétta, vf.is. Það er mat ritstjórnar hvaða aðsendu greinar birtast í prent-
aðri útgáfu blaðsins. Ekki er greitt fyrir aðsent efni, texta eða myndir, hvort sem það
birtist í blaðinu eða á vefsíðum Víkurfrétta.
auglýsingasíminn
er 421 0001
PÁLL KETILSSON
RITSTJÓRNARBRÉF
Skemmtilegheit með vinnunni
Það er óhætt að segja að mannlífið sé ið-
andi þessa dagana hér á Suðurnesjum og
ekki skemmir að atvinnulífið er á stöðugri
uppleið þó hún sé ekki hröð.
Mannlífið birtist í ýmsum myndum. Um
síðustu helgi var 50 ára Hljóma-afmælis
minnst með tónleikum í Hörpu í Reykja-
vík en 5. okt. 1963 kom hljómsveitin
Hljómar fram í fyrsta sinn opinberlega,
í félagsheimilinu Krossinum í Njarðvík.
Hljómar urðu vinsælasta hljómsveit
landsins og Keflavík fékk í kjölfarið nafnið „bítla-
bær“. Alla tíð síðan hefur tónlistin átt upp á pall-
borð Suðurnesjamanna og það er skemmtilegt frá
því að segja að sömu helgi og hálfrar aldrar afmælis
Hljóma var minnst í höfuðborginni var frumsýndur
söngleikurinn GRÍS í Frumleikhúsinu í Keflavík.
Og hver er tengingin þarna? Jú, Júlíus Guðmunds-
son, annar tveggja sona Rúnar Júlíussonar heitins,
var á báðum stöðum, í hlutverki bassaleikara (í
stað föður síns) með gömlu Hljómaköppunum
og síðan í framlínunni með Guðnýju eiginkonu
sinni í Frumleikhúsinu með GRÍS. Undirritaður
sótti báðar skemmtanirnar og þær voru báðar frá-
bærar. Það fór um mann unaðstilfinning og Suður-
nesja-stolt þegar Hljómaævintýrið var rifjað upp í
einu stærsta og glæsilegasta tónlistarhúsi Evrópu.
Maður varð einnig stoltur að sjá Hljóma/Rúnna
Júll tengingu í GRÍS þar sem yfir tuttugu unglingar
sungu, dönsuðu og léku. Í þeim hópi eru líklega
framtíðar leikarar eða tónlistarfólk. Rúnar heitinn
hefði örugglega líka orðið stoltur á þeirri sýningu
þar sem sonur, tengdadóttir og barnabarn voru í
framlínunni.
Menningin og tónlistin hafa verið áberandi
í sumar. Í síðustu viku flutti Kór Keflavíkur-
kirkju söngleikinn Jesus Christ Superstar og
þar voru í framlínunni Eurovisoin-farinn
Eyþór Ingi, Skúli Ólafsson sóknarprestur í
Keflavík ásamt Arnóri Vilbergssyni, organ-
ista og kórstjóra. Og sýningin fór alla leið
til Akureyrar þar sem hún var flutt í troll-
fullri Akureyrarkirkju. Tónlist, menning og
listir eru í hávegum höfð á Ljósanótt og þá
voru snemma sumars tvær stórar tónlistarhátíðir í
Reykjanesbæ. Miðað við þessa upptalningu sem er
hvergi nærri tæmandi hlýtur þessi staðreynd að fara
að detta inn á borð þeirra sem vilja vekja athygli á
svæðinu og draga þangað gesti. Ekki ólíkt því sem
Akureyringar gera. Þeir eru duglegir að draga til sín
gesti allt árið um kring.
Það hefur oft verið sagt að menning og listir ættu
undir högg að sækja á svæði þar sem fiskur var í
áratugi miðdepill atvinnulífs og flugið nú í seinni
tíð. Þessir tveir þættir eru reyndar enn burðar-
ásar atvinnulífsins og þarna hefur vöxturinn verið
mestur, sérstaklega í fluginu en fiskvinnsla hefur
verið að sækja í sig veðrið á ný þó hún sé langmest í
Sandgerði og í Grindavík. Samhliða mikilli áherslu
á styrkingu atvinnulífs sem er jú undirstaða alls, er
nauðsynlegt fyrir okkur að sinna mannlega þætt-
inum líka. Það eru til staðir úti á landi þar sem næg
atvinna er en fólk vill ekki búa þar vegna skorts
á skemmtilegheitum utan vinnu. Þessu megum
við ekki gleyma. Það þarf að vera gaman að búa á
Suðurnesjum!
ALLSHERJAR
ATKVÆÐAGREIÐSLA
Allsherjaratkvæðagreiðsla verður viðhöfð við kjör
fulltrúa á landsþing LÍV sem haldið verður á Akureyri
dagana 8. – 9. nóvember nk.
Kosið er um 4 fulltrúa og 4 til vara.
Framboðslistum sé skilað á skrifstofu Verslunarmanna-
félags Suðurnesja, Vatnsnesvegi 14, Reykjanesbæ,
eigi síðar en kl. 12:00, föstudaginn 18. október nk.
Öðrum listum en lista stjórnar skulu fylgja
meðmæli 50 fullgildra félagsmanna.
Kjörstjórn
„Á þessu ári höfum við í stjórn
Ferðamálasamtakanna unnið að
ýmsum verkefnum. Það sem ber
kannski hæst er stefnumótum
samtakanna sem lögð verður fyrir
aðalfundinn. Til þess að við vitum
hvert við ætlum að fara verður
stefnan að vera á hreinu, hún er
grunnur starfsemi félagasamtaka
á borð við þessi, við getum ekki
verið eins og stefnulaust rekald.
Við höfum lagt mikla vinnu í
stefnumótunina og ætlum að
kynna hana fyrir félagsmönnum á
aðalfundinum og fá umræður um
hana áður en við tökum ákvörðun
um næstu skref,“ sagði Sævar
Baldursson formaður Ferðamála-
samtaka Reykjaness.
Óhætt er að segja að þriðjudagur-
inn 15. október nk. verði helgaður
ferðaþjónustu á Reykjanesi því kl.
15:00 verður fundur í Eldey við
Grænásbraut þar sem Íslandsstofa
ætlar að kynna áherslur í markaðs-
setningu erlendis og Samtök ferða-
þjónustunnar munu fara yfir helstu
hagsmunamál greinarinnar. Strax
í kjölfarið, eða kl. 17:00, verður
svo aðalfundur Ferðamálasamtaka
Reykjaness á sama stað en dag-
skrá þess fundar verður samkvæmt
lögum félagsins.
„Ég vek athygli á nýrri heimasíðu
Ferðamálasamtakanna en þar er
að finna ýmsar upplýsingar um
starfsemi þeirra. Þar má m.a. finna
drög að stefnumótun samtakanna
og eru aðildarfélagar hvattir til
þess að kynna sér hana og taka
þátt í umræðum á aðalfundinum.
Stefnumótunin á að vera lifandi
plagg sem uppfæra þarf reglulega.
Í stefnumótuninni er að finna gildi,
hlutverk og framtíðarsýn Ferða-
málasamtaka Reykjaness og svo
aðgerðaráætlun til að ná þessum
markmiðum. Vonandi sjá flestir
sér fært að mæta,“ sagði Sævar.
Heimasíða samtakanna er www.
ferdamalasamtokreykjaness.is
Stjórn Ferðamálasamtakanna
samþykkti til bráðabirgða í vor að
breyta seinna nafni samtakanna
úr (Ferðamálasamatökum) Suður-
nesja í (Ferðamálasamtök) Reykja-
ness. Lagabreyting um nafna-
breytingu liggur einnig fyrir fund-
inum. Að sögn Sævars var þetta
gert í ljósi þess að Markaðsstofa
Suðurnesja breytti nafni sínu fyrr
á árinu í Markaðsstofu Reykjaness.
Þetta er líka í takt við Reykjanes
Geopark jarðvanginn sem hefur
verið í undirbúningi undanfarin
misseri. Með því að gera þetta
svona er samhljómur á milli þess-
ara aðila. Að sögn Sævars hefur
samstarfið þarna á milli verið mjög
gott en sem kunnugt er voru gerðar
skipulagsbreytingar hjá Markaðs-
stofunni Reykjaness í upphafi árs
og nýr verkefnastjóri, Þuríður Hall-
dóra Aradóttir, ráðin til starfa. Ekki
verður stjórnarkosning að þessu
sinni þar sem Sævar og stjórnin var
í fyrra kosin til tveggja ára.
Vakin er athygli á því að aðeins
fullgildir aðilar að FSR eiga at-
kvæðisrétt á aðalfundinum. Nýir
félagar eru velkomnir. Félagaskrá er
hægt að nálgast á heimasíðu FSR.
Athugasemdir við félagaskrána skal
senda á bgb59@simnet.is
Til að vera gjaldgengur í FSR og
eiga m.a. atkvæðisrétt á aðal-
fundinum 15. október nk. þarf að
greiða 5.000 kr. félagsgjald, annað
hvort fyrir aðalfundinn eða á fund-
inum sjálfum. Hægt er að leggja
gjaldið beint inn á reikningsnúmer
0154-26-10766, kt. 620592-2269
Fundur Íslandsstofu kl. 15:00 er
öllum opinn og er sérstaklega fyrir
þá sem hafa áhuga á erlendri mark-
aðssetningu og hagsmunamálum
ferðaþjónustunnar. Skráning á
þann fund fer fram hjá Markaðs-
stofu Reykjaness á netfangið
thura@visitreykjanes.is.
Unnið að stefnumótun Ferða-
málasamtaka Reykjaness
- Þriðjudaginn 15. október helgaður ferðaþjónustunni á Reykjanesi
IQ massager pro
er rafbylgjunuddtæki á stærð við ipod.
Hentar öllum með vöðvabólgu,
verki eða önnur stoðkerfis vandamàl.
Verð 14.900 kr.
Nánari upplýsingar á www. komfort.us eða í
síma 898-3062.