Bæjarins besta - 07.04.2011, Page 19
FIMMTUDAGUR 7. APRÍL 2011 19
Sælkeri vikunnar er Esther Ósk Arnórsdóttir á Ísafirði
Tvær góðar með laxi
Sælkeri vikunnar býður upp
á tvær ljúffengar uppskriftir
að laxaréttum. Fyrst er það lax
með mango chutney og síðan
eru það laxatortillur.
Lax með mango chutney
Miðlungs Laxaflak
Mango chutney
Sesam fræ
Salt og pipar
Laxinn settur í eldfast mót
eða á plötu með smjörpappír.
Salt og pipar sett á og svo
mango chutney smurt yfir. Sesam
fræ sett yfir. Hitað í ofni í u.þ.b.
15-20 mín.
Mango sósa
Sýrður rjómi
Mangó chutney
Karrý (má sleppa)
Hrært saman og borið fram
með laxinum. Gott er að hafa
salat og hrísgrjón með.
Laxatortillur
1 pk tortilla
Reyktur lax skorinn í litlar
sneiðar
Rjómaostur
Púrrulaukur
Tortilla smurð með rjómaosti,
laxasneiðum raðað ofan og svo
púrrulaukur settur yfir. Tortill-
unni er rúllað upp og svo skorin
í bita. Færð kannski 6-8 úr hverri
rúllu.
Ég skora á vinkonu mína,
Guðnýju Stefaníu Stefánsdóttur
á Ísafirði að vera næsti sælkeri
vikunnar.
Útboð
Fyrir hönd Húsfélagsins að Pollgötu 4 á Ísa-
firði er óskað eftir tilboðum í viðhaldsverk ut-
anhúss.
Helstu verkþættir eru viðgerðir á steypu-
skemmdum, ryðguðu steypujárni, endurnýj-
un á gleri og lagfæringar á gluggum og opn-
anlegum fögum. Einnig viðgerð á múrhúðun
og málun veggja, glugga og hurða. Flatarmál
veggja að utan er um 630m², gluggakarmar
og póstar eru um 730 metrar og fjöldi opnan-
legra faga er 54 stykki. Verklok eru áætluð 15.
september 2011.
Útboðsgögn verða afhent á skrifstofu Tækni-
þjónustu Vestfjarða ehf., Aðalstræti 26, Ísa-
firði frá og með föstudeginum 8. apríl 2011.
Tilboð verða opnuð á sama stað þriðjudag-
inn 19. apríl 2011 kl. 14:00.
Tækniþjónusta Vestfjarða ehf.,
Aðalstræti 26, Ísafirði.
Fyrstu ruslatunnurnar í nýju
sorphirðukerfi hjá Ísafjarðarbæ
voru afhentar Daníel Jakobssyni
bæjarstjóra og Kristínu Hálfdáns-
dóttur, formanni sorpnefndar
bæjarins í síðustu viku. Einnig
fengu þau afhentan kynningar-
bæklingurinn sem dreift verður í
hvert hús í sveitarfélaginu. Eins
og kunnugt er var samið við Kubb
ehf. um að annast sorphirðu og
förgun í Ísafjarðarbæ að undan-
gengnu útboði og kemur sorp-
hirða til með að breytast töluvert
á næstu vikum. Komið verður
upp svokölluðu tveggja tunnu
kerfi og koma íbúar Ísafjarðar-
bæjar til með að taka þátt í flokk-
un sorps á heimilum. Byrjað var
á því að dreifa tunnum í Selja-,
Tungu- og Holtahverfi í gær og
er reiknað með að því ljúki í þess-
ari viku.
Önnur tunnan verður nýtt til
söfnunar á endurvinnanlegu
sorpi, en hin fyrir almennt heim-
ilissorp sem fer til urðunar.
„Mjög áríðandi er að tunnur
verði aðgengilegar og auðvelt
fyrir starfsmenn Kubbs að koma
þeim að söfnunarbílnum til los-
unar. Tunnur verða að vera þann-
ig frágengnar að þær fjúki ekki
og því mikilvægt að einfaldar
festingar verði á tunnunum,“
segir í tilkynningu. „Heft aðgengi
að tunnum getur leitt til þess að
tunnur verði ekki losaðar og því
er vandaður réttur frágangur og
staðsetning mjög mikilvægur.“
Í tilkynningu segir að með því
að taka upp tveggja tunnu kerfi
er verið að auðvelda íbúum að
taka þátt í umhverfisvænna sam-
félagi og að flokka sorp á sem
þægilegastan hátt.„Samstarf við
íbúa er mjög mikilvægt og nauð-
synlegt að allir finni hjá sér þörf
til að vera hluti af því verkefni
að minnka sorp og auka endur-
vinnslu. Þar með eru íbúar að
sýna í verki vilja sinn til að búa í
umhverfisvænna samfélagi sem
mun auka lífsgæði íbúanna.“
Auk þess að dreifa tunnunum,
fer nú í gang kynningarátak á
nýskipan sorpmála fyrir íbúana,
þeir verða heimsóttir og afhentur
kynningarbæklingur. Kubbur
ehf. hefur ennfremur látið útbúa
segulmiða sem sýnir á mynd-
rænan hátt helstu flokka sorpsins
og frágang þeirra. Að auki verður
boðið upp á kynningarfundi í
öllum byggðakjörnum Ísafjarð-
arbæjar.
„Nú er afar mikilvægt að allir
taki höndum saman, hefji flokk-
un og umgengni um sorpið þann-
ig að það leiði til betri umgengni
okkar um náttúruna og auki virð-
ingu fyrir verðmætum þeim sem
felast í sorpi og vonandi til að
lækka tilkostnað íbúa og fyrir-
tækja,“ segir í tilkynningu.
Nýju ruslatunnurnar komnar
Daníel Jakobsson bæjarstjóri, Kristín Hálfdánsdóttir formaður Sorpnefndar og
Sævar Óli Hjörvarsson starfsmaður Kubbs ehf. við afhendingu ruslatunnanna.