Bæjarins besta - 06.11.2014, Blaðsíða 4

4 FIMMTUDAGUR 6. NÓVEMBER 2014
Útgefandi: Gúttó ehf., kt. 680501-2620
Afgreiðsla og ritstjórn: Silfurgötu 1, Ísafirði, sími 456 4560
Ritstjóri BB og bb.is: Sigurjón J. Sigurðsson, 892 5362, bb@bb.is
Ábyrgðarmaður: Sigurjón J. Sigurðsson.
Blaðamenn: Sæbjörg Freyja Gísladóttir, 843 0077, sfg@bb.is
Smári Karlsson, 866-7604, smari@bb.is
Auglýsingar: Gústaf Gústafsson Sími 456 4560, auglysingar@bb.is
Prentvinnsla: Litróf ehf.
Upplag: 2.200 eintök
Dreifing: Íslandspóstur. Dreift án endurgjalds inn á öll heimili
á norðanverðum Vestfjörðum
Stafræn útgáfa: www.bb.is / facebook.com/pages/bbis
Önnur útgáfa: Á ferð um Vestfirði
ISSN 1670-021X
Tekið er á móti auglýsingum á póstfangið bb@bb.is.
Auglýsingar þurfa að berast fyrir kl. 17 á mánudögum
fyrir útgáfudag sem er almennt á fimmtudögum.
Ritstjórnargrein
Einn fyrir alla
- allir fyrir einn
Spurning vikunnar
Ertu fylgjandi því að hríðskotabyssur verði í öllum lögreglubílum?
Netspurningin er birt vikulega á bb.is og þar geta lesendur
látið skoðun sína í ljós. Niðurstöðurnar eru síðan birtar hér.
Alls svöruðu 549.
Já sögðu 182 eða 33%
Nei sögðu 367 eða 67%
Hrafnhildur Ýr Rafnsdóttir. Ljósm: Skjáskot úr viðtalinu í Íslandi í dag.
„Samfélagið sneri blinda aug-
anu að gjörðum mannsins“
Í byrjun síðasta árs kærðu sex
konur mann á Þingeyri fyrir kyn-
ferðisbrot sem eiga að hafa átt
sér stað á löngu tímabili. Ein
kvennanna sem kærði, Hrafnhild-
ur Ýr Rafnsdóttir, segist hafa
verið barn að aldri þegar brotið
var á henni. Hún segir orðróminn
um kynferðisbrot mannins lengi
hafa verið á vörum fólks en sam-
félagið í bænum hafi snúið blindu
auga að gjörðum mannsins.
Hrafnhildur segir alltaf rétta
tímann til að segja frá, þó mál af
þessum toga séu fyrnd. Ítarlegt
viðtal var við Hrafnhildi Ýr í
þættinum Ísland í dag á Stöð 2.
Málið vatt upp á sig þegar móð-
ir Hrafnhildar og systir hennar
tjáðu dætrum sínum að þær hefðu
orðið fyrir kynferðisofbeldi af
hálfu bróður síns. Í kjölfarið á
því máli kom í ljós að dætur
þeirra sögðust einnig hafa orðið
fyrir kynferðislegri misnotkun af
hálfu annars manns í fjölskyld-
unni. Hrafnhildur hafði í rúm 20
ár burðast með leyndarmál sem
hún sagði fyrst frá eftir símtal
við móður sína í ársbyrjun
2013. „Þetta er náttúrulega búin
að vera bara hræðileg sorg, fjöl-
skyldan er algjörlega splundruð
öll, og ekki bara út frá einu máli
heldur út frá tveimur málum,“
segir Hrafnhildur.
Hrafnhildur, systur hennar
tvær og frænka kærðu manninn
sem hafði misnotað þær til lög-
reglu. Í kjölfarið á þessum kærum
bárust tvær kærur til viðbótar.
Mál Hrafnhildar, systra hennar
og frænku eru fyrnd. Þrátt fyrir
að Hrafnhildur hafi vitað að svo
væri þegar hún lagði kæruna fram
átti hún von á að sú ákvörðun
myndi hafa meiri áhrif.
„Það samfélag sem hann lifir
í, á Þingeyri, það er eins og það
snúi bara blindu auga að honum.
Maðurinn fær bara að halda
áfram sínu daglega lífi og hann
gengur bara sáttur um. Barn
hlaupandi upp stigann hjá honum
og öllum finnst þetta eðlilegt. Ég
var orðin svo reið vegna þess að
hann gæti bara haldið áfram lífinu
eins og ekkert hefði í skorist. Ef
þú kemur bara fram við einstakl-
inginn eins og hann hafi gert neitt
rangt þá er það bara það sama og
að samþykkja þetta,“ segir Hrafn-
hildur. Hún segir að þó enginn
vilji bera ábyrgð þá beri samfé-
lagið allt ábyrgð í svona málum.
Í viðtalinu í Íslandi í dag var
einnig rætt við aðra af konunum
sem lögðu fram kærur í málinu,
Maríu Rós Valgeirsdóttur.
Fjárlaganefnd gert ljóst um
vanda hjúkrunarheimilisins
Bæjarráð Ísafjarðarbæjar og
fjárlaganefnd Alþingis funduðu
fyrir stuttu í gegnum fjarfunda-
búnað. Þar lagði bæjarráð fram
marga minnispunkta fyrir fjár-
laganefnd um atriði við fjárlaga-
gerð sem snerta Ísafjarðarbæ
beint. Eitt af stærri málunum er
rekstur hjúkrunarheimilisins Eyr-
ar en eins og áður hefur verið
greint frá er ekki gert ráð fyrir
fjárframlögum til þess í fjárlög-
um sem nú eru til meðferðar í
þinginu. Meðal þess sem kom
fram í minnispunktum bæjarráðs
var að heilbrigðisráðuneytið hafi
bent á að rekstrarfé til Eyrar muni
koma frá öldrunardeild Heil-
brigðisstofnunar Vestfjarða á Ísa-
firði en þar eru 19 hjúkrunarrými
en rýmin á Eyri verða 30. Bæjar-
anum. „Enda er ekki hægt að
þræta fyrir þetta. Þetta mál er
bara óleyst og hvernig sem rekstr-
arformið verður, mun þetta kosta
peninga. Það er ljóst að 30 rými
duga ekki á norðanverðum Vest-
fjörðum, það verður ekki skellt í
lás á Þingeyri og áfram verða
notuð einhver rými á Heilbrigð-
isstofnuninni,“ segir Gísli Halldór.
Ísafjarðarbær og heilbrigðis-
ráðuneytið hafa ekki samið um
rekstur Eyrar. „Það eru fjölmörg
hjúkrunarheimili sem eru ekki
kominn með samning við ráðu-
neytið vegna þess að daggjöldin
sem ráðuneytið hefur lagt fram
eru allt of lág, þar stendur hníf-
urinn í kúnni. Við erum á byrjun-
arstigi í okkar samningum,“ segir
Gísli Halldór. – smari@bb.is
ráð gerði fjárlaganefnd ljóst að
gera þurfi ráð fyrir að minnsta
kosti 50 milljónum króna til við-
bótar reksturs Eyrar á næsta ári.
Gísli Halldór Halldórsson,
bæjarstjóri Ísafjarðarbæjar, segir
að fjárlaganefndin hafi ekki mót-
mælt eða gert athugasemdir við
framsetningu bæjarráðs á vand-
Áætlanir gera ráð fyrir
að Eyri verði tilbúið um
mitt næsta ár.
Íslandi allt! Kjörorð Ungmennafélagshreyfingarinnar (UMFÍ) kjarn-
yrt vegasnesti í baráttu samtaka fyrir fegurra og betra mannlífi, þar sem
hver og einn fengi notið sín, sem einstaklingur og í samskiptum við
aðra. Tuttugasta öldin var nýhafin. Miklir umbrota- og framfaratímar
fram undan. ,,Eftir súðbyrðings för / kom hinn seglprúði knörr / eftir
seglskipið vélknúin skeið,“ (Örn Arnarson) 1902 sigldi fyrsti vélbáturin
um Ísafjarðardjúp. Tíminn frá því Íslendingar knúðu fleytur sínar með
árum til þeirra velbúnu glæsiskipa, sem nú sækja þann Gula og annað
sjófang í dúp hafsins, er örstuttur, miðað er við sögu þjóða. Þeir róa
sem réttinn hafa.
Allt frá upphafi hefur staðið styr um stjórnun fiskveiða, kvótakerfið.
Vart fer á milli mála, horft til margra síðari tíma játninga manna er að
því komu, að býsna mörg og afdrifarík mistök hafa verið gerð, sem sum
hver hafa torveldað ásættanlegar lausnir. Átökin um kvótakerfið hafa á
köflum verið vægðarlaus, ekki að undra þegar horft er til gífurlegrar til-
flærslu fjármuna, sem áttu sér stað í skjóli þess; menn löbbuðu með
hundruð milljóna í rassvasanum út úr kerfinu, með dyggri aðstoð
Alþingis sem samþykki sölu og veðsetningu á óveiddum fiski; afglöp
sem kostað hafa marga þeirra sem nú stunda útgerð, og orðið hafa að
kaupa sig inn í kerfið, morðfjár. Í átökunum hefur þó annað slagið verið
flaggað hvítum vasaklúti: friðarákalli um sjávarútveginn.
Nú hefur heldur betur dregið til tiðinda. LÍÚ og Samtök fiskvinnslu-
stöðva eru gengin í eina sæng: Samtök fyrirtækja í sjávarútvegi, (SFS).
Og fyrir liggur að sölu- og markaðsfyrirtækin Icelandic Group og
Iceland Seafood International munu deila með þeim hvílunni. Markmiðið
er ,,að sameina fyrirtæki í sjávarútvegi í ein öflug samtök, hvort sem
þau starfa við veiðar, vinnslu, markaðssetningu eða sölu á sjávarafurð-
um.“ Sem sagt: Breiðfylking hagsmunaðila, einn fyrir alla og allir fyrir
einn, í öllu er viðkemur sjávarútvegi.
Ekki skal dregin dul á að með stofnun samtaka eins og SFS, verður
margt einfaldara (væntanlega) en verið hefur, þegar hagsmunasamtökin
voru hvert í sínu horni að ota sínum tota. Eðlilegt er þvi að nú sé spurt:
Þegar þar að kann að koma, hver semur þá fyrir fyrir hvern og við
hvern, innan batteríisins?
Yfirlýst stefna hinna nýju samtaka er að hafa umhverfismál alltaf í
forgangi. Fer vel á því, ekki seinna vænna að umgengnin um auðlindir
hafsins sé efst á blaði. Umhverfið i öndvegi. Flott eins og hjá UMFÍ, Ís-
landi allt.
s.h.