Frjáls verslun - 01.08.2007, Page 156

156 F R J Á L S V E R S L U N • 8 . T B L . 2 0 0 7
300 STÆRSTU
R íflega 70 milljarða yfirtaka Milestone á sænska fjármálafyrirtækinu Invik & Co. AB var óumdeilanlega hápunktur
ársins, segir Guðmundur Ólason, forstjóri
Milestone. „Við réðumst í þá fjárfestingu
aðeins þremur vikum eftir að Milestone
seldi 13% hlut í Glitni í apríl síðastliðnum
og samþætting félagsins við Milestone hefur
gengið snurðulaust fyrir sig. Í upphafi árs
stóðum við einnig að stofnun fjárfestinga-
bankans Askar Capital og vöxtur hans hefur
stutt við þær væntingar sem við gerum til
hans,“ segir hann.
Helsti styrkur Milestone er framsýnn
og yfirvegaður hluthafi, segir Guðmundur
jafnframt aðspurður. „Að sama skapi er
mikið samstarf og samhugur á milli dóttur-
félaga okkar og samstæðuhugsunin er rík í
starfsmönnum okkar. Innan samstæðunnar
erum við með traust rekstrarfélög sem
tryggja okkur mikið fjárstreymi og það er
mikill slagkraftur til góðra verka innan
Milestone. Við höfum verið þeirrar gæfu
aðnjótandi, að fá mjög hæfa einstaklinga til
að starfa hjá félaginu og innan okkar raða
er tiltölulega flatur og skilvirkur strúktúr,“
segir hann.
Hagnaður og arðsemi Milestone hefur
líka verið afbragðsgóð frá upphafi. „Á fyrri
hluta þessa árs var hagnaður félagsins fyrir
skatta um 32,8 milljarðar og um 27,2 mill-
jarðar eftir skatta. Á sama tíma var arðsemi
eigin fjár ríflega 160% á ársgrundvelli.
Félagið hefur vaxið hratt og heildareignir
Milestone námu í lok júní 387 milljörðum
og eigið fé 74 milljörðum. Félagið hefur
frá upphafi vaxið mjög hratt og við höfum
agað rekstur okkar mikið. Þótt við séum
óskráð félag birtum við uppgjör okkar í
Kauphöllinni og göngum miklu lengra í
upplýsingagjöf til markaðarins en nauð-
synlegt er.“
Yfirlýst markmið Milestone er að auka
hlutdeild sína og áhrif á norrænum fjár-
málamarkaði. „Í þessu samhengi höfum við í
auknum mæli horft út fyrir landsteina, enda
eru hóflegir möguleikar til frekari vaxtar á
Íslandi. Eftir kaup okkar á Invik eru um
70% eigna Milestone á erlendri grundu og
ég geri ráð fyrir að það hlutfall muni hækka
á næstu árum. Meginstefna okkar hefur frá
upphafi verið að byggja Milestone í kringum
sterk dótturfélög með öflugum stjórnendum.
Sú stefna hefur reynst okkur vel og verður
áfram kjarninn í stefnu félagsins. Milestone
styður hins vegar ötullega við bakið á stjórn-
endum dótturfélaga sinna og við vinnum vel
við hlið þeirra.“
Guðmundur segist þeirrar skoðunar að
frekari samþjöppun á norrænum fjármála-
markaði sé óhjákvæmileg. „Hins vegar teljum
við að ein mikilvægasta breytingin, og sú sem
við sjáum mest tækifæri í, sé aukinn sparn-
aður og breytt sparnaðarform einstaklinga
og fyrirtækja. Þessu tengist einnig aukin
áhersla á tryggingar og samspil sparnaðar og
trygginga. Á þessum markaði munu stórar
fjármálastofnanir keppa við minni og sér-
hæfðari einingar.“
Spurt er hvort hægjast muni á útrás
íslenskra fyrirtækja á næstunni og svarar hann
því bæði játandi og neitandi. „Mörg íslensk
fyrirtæki eru alþjóðleg og því varla hægt að
tala lengur um útrás í þeirra vexti. Hins vegar
eru alltaf að koma upp ný og spennandi
MILESTONE • GUÐMUNDUR ÓLASON
„Eftir kaup okkar á Invik eru um 70% eigna Milestone á erlendri grundu
og ég geri ráð fyrir að það hlutfall muni hækka á næstu árum.“
YFIRLÝST MARKMIÐ
MILESTONE AÐ AUKA HLUT-
DEILD SÍNA Á NORRÆNUM
FJÁRMÁLAMARKAÐI
TEXTI: HELGA KRISTÍN EINARSDÓTTIR • MYND: GEIR ÓLAFSSON