Frjáls verslun - 01.08.2007, Page 205
AÐALLISTINN
F R J Á L S V E R S L U N • 8 . T B L . 2 0 0 7 205
HVAÐ BLASIR VIÐ?
halda áfram að vaxa á næstu árum að okkar mati þó að það verði
ekki með sama hraða og undanfarið. Auk þess eru líkur á því að
langtímavextir lækki. Aðgengi að lánsfé ætti áfram að vera nokkuð
gott en talsvert framboð af nýju húsnæði mun draga húsnæðisverð
niður. Samhliða því að úr þenslunni í efnahagslífinu dregur á næst-
unni ætti að hægja á þeim mikla hraða hækkana fasteignaverðs sem
einkennt hefur síðustu ár.
Hversu líklegt er að það hægi á útrás íslensku fyrirtækjanna á
næsta ári?
Ekki líklegt. Sá óróleiki sem einkenndi alþjóðlega fjármálamarkaði
síðustu mánuðina er í rénun og forsendur eru nú fyrir hendi til þess
að innlend fyrirtæki geti áfram sótt á erlenda markaði. Aðgangur
að lánsfjármagni er orðinn greiðari á ný, en þann brunn höfum við
sótt mjög í við útrásina á undanförnum árum. Mörg fyrirtækjanna
hafa það sem yfirlýst markmið að vaxa með ytri vexti og þá utan
landsteinanna. Þar eru mörg spennandi dæmi í gangi. Framundan
er til að mynda samrunaferli á norrænum fjármálamarkaði og
reyndar tryggingamarkaði einnig sem má reikna með að íslensku
bankarnir og fjárfestingarfélögin verði virkir þátttakendur í. Ljóst er
að miklir möguleikar eru á þessu sviði. Íslensku bankarnir hafa enn
fremur leitað inn í Austur-Evrópu og er útrás þar líkast til einungis
rétt að hefjast. Frekari uppbyggingar er einnig að vænta í Bretlandi
og víðar. Annað dæmi er orkugeirinn en þar er margt á döfinni í
erlendum fjárfestingarverkefnum íslenskra fyrirtækja. Ég tel því
ekki miklar líkur á því að það hægi á þessari útrás á næsta ári.
Hvernig er líklegt að verð á hlutabréfum þróist á næstu tólf mán-
uðum?
Á næstu tólf mánuðum munu lækkandi vextir ásamt aukinni áhættu-
sækni og tiltölulega hagfelldu efnahagsástandi innanlands sem utan
styðja við verðþróun hlutabréfa. Afkoma félaganna í bráð verður
lituð af þeim óróleika sem verið hefur á alþjóðlegum fjármálamörk-
uðum undanfarið. Litið til næsta árs eru horfur í rekstri félaga sem
skráð eru í Kauphöllina hins vegar almennt góðar. Undanfarið hefur
hræðsla fjárfesta dregið virði einstakra félaga nokkuð langt niður og
nægjanlega langt niður til að skapa þar góð kauptækifæri. Ég tel því
nokkuð góðar líkur á hækkun á verði hlutabréfa á næstu tólf mán-
uðum. Í nýrri afkomuspá Greiningar Glitnis spáum við að Úrvals-
vísitalan hækki um 30% á næsta ári eftir talsverðar hækkanir í ár.
Hvernig telur þú að hagvöxtur verði á næstu tveimur árum?
Ný þjóðhagsspá Greiningar Glitnis kom út fyrir stuttu. Samkvæmt
þeirri spá mun hagvöxturinn vera 2,6% í ár, 2,0% á næsta ári og
2,1% á árinu 2009. Hagstæð þróun utanríkisviðskipta ber uppi
þennan milda hagvöxt en við reiknum með því að talsvert dragi úr
fjárfestingum á tímabilinu, sérstaklega atvinnuvegafjárfestingu, og
að einkaneysla aukist lítið. Hagkerfið ætti því að færast nær jafnvægi
á þessu tímabili þar sem verðbólgan er viðunandi og viðskiptahall-
inn ekki jafn uggvænlegur og verið hefur. Í spánni felst að hagvöxtur
næstu tveggja ára verði tiltölulega hægur, bæði í sögulegu og alþjóð-
legu samhengi. Það þarf hins vegar að skoða í ljósi þess mikla hag-
vaxtar sem verið hefur hér undanfarin ár og hve brýnt er að draga úr
þenslunni.
Ingólfur Bender, forstöðumaður greiningardeildar Glitnis.