Ægir - 01.03.2011, Blaðsíða 38
38
S J Á V A R Ú T V E G U R
K R O S S G Á T A
Sjávarútvegsráðstefnan 2011
verður haldin á Grand Hótel í
Reykjavík 13.-14. október
næstkomandi og ber hún yfir-
skriftina ,,Frá tækifærum til
tekjusköpunar“. Helstu nýj-
ungar frá síðustu Sjávarút-
vegsráðstefnu er kynning á
framúrstefnuhugmyndum og
jafnframt munu bestu hug-
myndirnar fá verðlaun á ráð-
stefnunni.
Guðrún Ólafsdóttir, sem
sæti á í matsnefnd sem fer
yfir innsendar hugmyndir,
segir enga hugmynd sem
snerti íslenskan sjávarútveg
fyrirfram dæmda. Allt eigi er-
indi inn í þessa samkeppni.
„Við erum að sækjast eftir
nýjum leiðum, nýjum nálgun-
um og allt verður skoðað
gaumgæfilega. Það má segja
að grunnhugsunin sé sú að
hugmyndirnar geti stuðlað að
því að bæta ímynd landsins,
sjávarútvegsins sem atvinnu-
greinar og stuðli að því að
styrkja landið sem heild,“
segir Guðrún en frestur til að
skila inn umsóknum er til 16.
maí næstkomandi. Upplýsing-
ar um samkeppnina er að
finna á heimasíðu Sjávarút-
vegsráðstefnunnar, www.
sjavarutvegsradstefnan.is.
Eins og þar kemur fram skal
setja fram hugmynd á hnit-
miðaðan hátt þar sem fram
kemur lýsing á hugmynd, til-
laga að framkvæmd, væntan-
legur afrakstur og áhrif til
góðs fyrir ímynd íslenskra af-
urða. Einstaklingar geta sent
inn eigin hugmyndir og/eða
tilnefnt hugmyndir annarra í
umboði þeirra. Allar hug-
myndir þurfa að uppfylla þau
skilyrði að vera framúrstefnu-
legar og raunhæfar.
Eins og áður segir verða
valdar hugmyndir kynntar á
Sjávarútvegsráðstefnunni í
haust en verðlaunafé er 400
þúsund krónur.
Sem fyrr er Sjávarútvegs-
ráðstefnan öllum opin og
drög að dagskrá eru fyrirliggj-
andi. Haldin verða 35 erindi
á ráðstefnunni og efnt til
fjölda málstofa um fjölbreytt
viðfangsefni tengd sjávarút-
vegi.
Sjávarútvegsráðstefnan 2011 efnir
til verðlaunasamkeppni:
Kallað eftir
framúrstefnu-
hugmyndum Frá Sjávarútvegsráðstefnunni 2010.