Tímarit Máls og menningar - 01.01.1978, Side 9

Formáli
Skrá þessi er yfir efni Tímarits Máls og menningar frá 1940 til og með 1976.
Tímaritið er orðið til við samruna Rauðra penna og „litla tímaritsins" eins og
það er oft kallað og gefið var út af Máli og menningu 1938—1939. Tímaritinu
er ætlað að flytja einkum sögur, kvæði, ritdóma og greinar um hvers konar
menningar- og þjóðfélagsmál.
Ritstjórar Tímaritsins 1940—1976 voru þeir Kristinn E. Andrésson (1940—
1970), Jakob Benediktsson (1946—1975) og Sigfús Daðason (1960—1976).
1. Efnisskrá
Aðalhluti skrárinnar er efnisskrá. Svo til allt efni tímaritsins er tekið í skrána,
aðeins er sleppt því sem í tímaritinu er kallað „úrklippur" og „bókafregnir". Þó
eru teknar þær greinar sem kynna nýjungar í útgáfu hjá Máli og menningu.
Greinar eru flokkaðar eftir efni og efnisorðum raðað í stafrófsröð. Innan
hvers efnisflokks er greinum raðað í stafrófsröð eftir nöfnum höfunda, þ. e.
fornöfnum fslendinga og eftirnöfnum erlendra höfunda. — Þar sem enginn
höfundur er nefndur, eða höfundar eru fleiri en þrír, er skráð á titil. í efnis-
flokknum Ævisögur er skráð og raðað á þann sem ritað er um. Skráð er á dul-
nefni þar sem ekki reyndist unnt að finna rétt nöfn. — Þegar tiltekinn höfund-
ur á fleiri en eina grein innan sama efnisflokks, er greinunum raðað í aldurs-
röð, þ. e. eftir því hvenær þær birtast í tímaritinu.
Greinarnar eru tölusettar frá byrjun til Ioka, og er í nafnaskrá (sjá síðar) vísað
til þessara talna. Einnig kemur tölusetningin í góðar þarfir, þegar greinarnar
eru blandaðar að efni, þar eð sama grein er aldrei færð undir meira en einn
7