Ægir - 01.08.2012, Blaðsíða 22
22
F R É T T I R
„Ástæðan fyrir þessum breyt-
ingum er fyrst og fremst sú að
það eru mikil verkefni fyrir-
liggjandi og sýnileg áfram-
haldandi eftirspurn. Fyrir
nokkrum árum voru allir að
kaupa nýjan búnað en núna
snýst áhuginn á markaðnum
um að gera við og endurbæta
vélbúnaðinn fremur en kaupa
nýtt. Við erum að mæta þeirri
þróun,“ segir Hjalti Sigfússon,
eigandi og framkvæmdastjóri
MD véla ehf. sem er sérhæft
fyrirtæki á sviði túrbínusölu,
varahluta- og viðgerðaþjón-
ustu fyrir túrbínur. Fyrirtækið
tók nýlega í notkun rösklega
200 fermetra verkstæðissal
að Vagnhöfða 12 í Reykjavík,
sem er þreföldun verkstæðis-
rýmis.
„Þessum breytingum fylgir
að við aukum verulega við
okkur í tækjabúnaði og get-
um nú tekið stærri vélahluti
hingað inn á gólf til viðgerða.
Við erum að taka í notkun
fullkomnar vélar, til að
mynda tvo ballanseringar-
bekki, rennibekk, ultraconik
þvottabúnað og fleira,“ segir
Hjalti en hann fagnar því um
þessar myndir að hafa starfað
í vélaviðgerðum í hálfa öld.
Fyrst í bílaviðgerðum en síð-
ari ár í véla og túrbínuvið-
gerðum.
„Við erum umboðsaðilar
hér á landi fyrir Mitsubishi
dieselvélar fyrir skip og báta
og þeir fylgjast með þessari
breytingu hjá okkur. Sömu-
leiðis erum við hluti af Turbo
Ned keðjunni í Hollandi og
veitum í gegnum það fyrir-
tæki sérhæfða viðgerða- og
varahlutaþjónustu fyrir túrb-
ínur. Þetta er mjög þekkt fyr-
irtæki á heimsvísu í þjónustu
við skipatúrbínur og á þeirra
vegum er gerð úttekt á nýju
aðstöðunni og tækjabúnaði til
að tryggja að allt sé fyrsta
flokks. Samstarf okkar við
Turbo Ned hefur verið mikill
fengur fyrir túrbínunotendur
hér á landi og skilað hag-
stæðara verði á túrbínuíhlut-
um hér á landi,“ segir Hjalti
en starfsmenn MD véla eru
nú orðnir þrír og reiknar
hann með meiri fjölgun.
„Mér sýnist verkefnin fyrir
hendi og þó við séum bara
þessa dagana að komast í
fullan gang eftir breytingarnar
þá höfum við fengið mjög
góð viðbrögð og fyrirspurnir
um verkefni. Enda mjög
þekkt fyrirtæki á þessu sviði
hér á landi,“ segir Hjalti.
Þjónustufyrirtækið MD vélar:
Þreföldun verkstæðisrýmis
og fjölgun starfsmanna
Miklar breytingar eru hjá fyrirtækinu þessa dagana með þreföldun verstæðisrýmis, nýjum tækjum og fjölgun starfsmanna.
Hjalti Sigfússon, eigandi og framkvæmdastjóri MD véla ehf.