Dagblaðið Vísir - DV - 19.03.2009, Blaðsíða 14

Réttarkerfið á Íslandi er líklega óþarft. Einungis þarf að fylgj-ast með nokkrum ofurblogg-urum og mál einstaklinga og
félaga upplýsast með það sama. Engin
ástæða er til þess að setja her manna
í rannsóknir og dómsmál þegar rétt-
sýnir bloggararar eru tilbúnir með
kærur, ákærur og dómsúrskurði. Frek-
ari vitnanna þarf ekki við og aðeins
þarf að læsa menn inni.
Augljóst er til dæmis að allir sem flokkast sem auðmenn eru meira og minna sekir. Þar nægir að þeir séu út-
rásarvíkingar og þá örugglega með
heimahöfn á aflandseyju. Svarthöfði
er handviss um að glæpirnir eru til
staðar. Aðeins þarf að hnykkja betur á
þeim og uppfæra ásakanir á vefsíður
og þaðan í vinsælan sjónvarpsþátt.
Íslenskir útrásarvíkingar eru auðvit-
að gyðingar norðursins og þá ber að
afgreiða sem slíka. Enginn tími er til
þess að eyða tímanum í rannsóknir
eða óþarfa gauf. Við dæmum, sakfell-
um og fangelsum á mettíma.
Sjálfsagt að stórefla löggæslu í landinu og handtaka sem allra flesta þegar grunur eða kvittur er uppi er um lögbrot. Og það
á ekki að fyrirgefa minnstu yfirsjónir.
Löggæslumyndavélum þarf að koma
upp sem víðast og velta við öllum
steinum. Ekki á að líða neitt röfl um að
menn séu saklausir uns sekt sannast.
Ef fólk hefur tengst útrásarvíkingum
eða unnið í bönkum er sjálfsagt að
það afsanni sekt sína. Þannig munum
við ná árangri. Ákveðnir þjóðfélags-
hópar eiga að ganga með ökklabönd
með GPS-sendi þannig að hægt
sé að fylgjast með hverju skrefi
þeirra.
Innantóm orð um að rannsaka beri fólk duga ekki. Við verðum að fylgjast grannt með öllum einstaklingum. Hægt er að skapa
þúsundir atvinnutækifæra með því að
efla lögreglu og allt eftirlit í landinu.
Nú eru 17 þúsund manns atvinnu-
lausir en sú tala gæti snarlækkað með
eflingu eftirlitsgeirans. Fæst fólk hefur
ekkert að fela þannig að gjörðir þess
þola að vera öllum opinberar. Mönn-
um líður betur ef þeir fá sakleysisvott-
orð. Og þeir sem uppvísir verða að
misferli einhvers konar verða sérstak-
lega merktir í öllum eftirlitskerfum.
Hugsanlega mætti gera þeim skylt
að ganga með gula stjörnu á flíkum
sínum þannig að allir geti varað sig og
vaktað þá.
Sögur um misferli ein-staklinga sem þykja sennilegar geta verið grundvöllur frelsis-
sviptingar. Við eigum að af-
nema trúnað á milli fólks
og hefja þá til skýjanna
sem dreifa upplýsing-
um. Allir verða að leggja
sitt á vogarskálarnar
til að uppræta afbrot og
siðblindu í samfélaginu.
Það gerist ekki öðruvísi en
að allt verði opinbert
og heildarsýn
náist. Hin
nýja
ís-
lenska lögregla verður að fá til þess
allar mögulegar heimildir.
Tafarlaust þarf að setja neyðar-lög svo ráðast megi fyrirvara-laust inn á heimili grunaðra án þess að dómarar komi þar
að málum. Handtökur verða leyfilegar
og beita má þrýstingi við yfirheyrslur.
Einnig á lögreglan að fá fulla heim-
ild til að koma fyrir myndavélum og
GPS-sendum sem víðast. Enginn má
sleppa undan armi laganna.
Innan skamms tíma geta Íslend-ingar komið upp svo öflugu kerfi að enginn geti ástundað siðleysi eða glæpi. Þjóðin á þess kost
að verða fullkomin. Auðvitað þarf að
svipta marga frelsinu en nóg er
af húsnæði í landinu. Að-
alatriðið er að koma
böndum á sem
flesta og stöðva
allt siðleysið. Eng-
um verður hlíft.
Tími er kominn til
þess að viðurkennt
verði að einstakl-
ingar eru breyskir
og ríkið á að vera
alsjáandi.
fimmtudagur 19. mars 200914 Umræða
Fyrirmyndarríkið
svarthöfði
spurningin
„Ég myndi aldrei
semja lag um
bankahrunið en
það væri örugglega
húmor í því,“ segir
Jóhanna Guðrún,
Eurovision-fari. til
stendur að senda
hana á sérstakt
námskeið um
efnahagshrunið á
Íslandi. Þar á að fræða hana um hrunið
og undirbúa hana fyrir spurningar sem
hún gæti fengið frá blaðamönnum í
keppninni sem fram fer í moskvu í maí.
Semurðu ekki bara
lag um hrunið?
sandkorn
n Kristinn H. Gunnarsson alþing-
ismaður varð að þola háðulega
útreið í prófkjöri Framsóknar-
flokksins um liðna helgi. Kristinn
er einn mesti flokkaflakkari allra
tíma og var
að hefja sinn
annan hring
með því að
ganga aftur
í Framsókn-
arflokkinn.
„Það er rétt
að þetta var
djöfulleg
útkoma,“ sagði hann við bb.is um
brotlendingu sína. Hann skýrir
fall sitt með því að Skagfirðingar
hafi margir tekið þátt og hann hafi
verið of seinn að skipta um flokk.
n Björgvin G. Sigurðssyni alþing-
ismanni er nóg boðið vegna sögu-
burðar um að hann hafi fengið af-
skrifuð lán í bankakerfinu. Hann
skrifaði um þetta blaðagrein og
þvertekur
fyrir afskriftir
og fordæm-
ir rógburð-
inn. Þar
vísar hann
sérstaklega til
Sveins Andra
Sveinssonar
lögmanns
sem ýjaði að þessu í sjónvarps-
þætti. Meðal þeirra sem hafa
haft Björgvin á heilanum og látið
ýmislegt flakka er Guðmundur
Gunnarsson, formaður Rafiðnað-
arsambandsins, sem hefur verið
með stórar yfirlýsingar um ráð-
herrann fyrrverandi.
n Líklegt er að Þorgerður Katrín
Gunnarsdóttir, varaformaður
Sjálfstæðisflokksins, fái mótfram-
boð á landsfundinum sem nú
styttist í. Vangaveltur hafa verið
uppi um að Illugi Gunnarsson,
sigurvegari í prófkjörinu í Reykja-
vík, taki slag-
inn en líkur á
því eru litlar.
Kristján Þór
Júlíusson,
oddviti í
Norðaustur-
kjördæmi, er
aftur á móti
líklegur til að
bjóða sig fram gegn Þorgerði eins
og á síðasta landsfundi. Þá fékk
hann um þriðjung atkvæða en
staða hans er mun sterkari nú og
hann gæti allt eins velt varafor-
manninum.
n Össur Skarphéðinsson ráð-
herra er með mildasta móti í
pistli á heimasíðu sinni þegar
hann réttir fram sáttahönd í
áttina að Jóni Baldvin Hanni-
balssyni. Jón Baldvin var með
úfnasta móti eftir að í ljós kom
að kjósendur í prófkjöri höfðu
kastað honum niður í kjallara.
„Samfylkingin á að ná sáttum við
Jón Baldvin. Hann er of öflugur
málsvari, og hefur of mikla sögu
sem einn af leiðtogum jafnað-
armanna fyrir stofnun Samfylk-
ingarinnar til að það sé hægt að
réttlæta að hann eða flokkurinn
setji upp hundshaus gagnvart
hvorum öðrum,“ bloggar Össur
og rekur ætt Jóns Baldvins að
Halli á Horni, „sem drap ísbirni
með slöngvivað“.
LyngháLs 5, 110 rEykjavÍk
Útgáfufélag: Útgáfufélagið Birtíngur ehf.
Stjórnarformaður: hreinn Loftsson
framkvæmdaStjóri: Elín ragnarsdóttir
ritStjórar:
jón trausti reynisson, jontrausti@dv.is
og reynir traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
ásmundur helgason, asi@birtingur.is
dv á netinu: dv.is
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: dv. Prentvinnsla: Landsprent. dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„Þetta gengur út
að menn eru að
horfa á létt
klæddar stelpur.“
n Ásgeir Davíðsson eigandi Goldfinger um að
hann óttist ekki aðgerðir stjórnvalda um að
banna nektarstaði. Staðurinn hans gangi ekki út á
það. – DV.
„Henni verður gert kleift
að koma vel fram fyrir
hönd þjóðarinnar.“
n María Björk Sverrisdóttir, umboðsmaður
Jóhönnu Guðrúnar, en söngkonan fór á námsskeið
til þess að svara spurningum um efnahagshrun
Íslands. – Fréttablaðið.
„Við erum að
vinna að þessu
með mikilli
gleði og með
mikilli samstöðu..“
n Jakob Frímann Magnússon um nýtt lag
Stuðmanna sem heitir Samstaða og kemur út á
næstunni. Sveitin vinnur að plötu sem kemur út í
haust. – DV.
„Stafræna byltingin
verður ekki kæfð.“
n Dr.Gunni um að það þýði lítið fyrir Bubba að
tuða yfir ólöglegu niðurhali. Það sé álíka vonlaust
að reyna læsa stafrænu efni eins og að reyna gera
vatn ekki blautt. – this.is/drgunni.
„Ég held að þessi
ágæti hagfræð-
ingur lifi í
einhverjum
öðrum efnahagslegum
veruleika.“
n Steingrímur J. Sigfússon um hugmyndir
Tryggva Þórs Herbertssonar hagfræðings og
framsóknarmanna um 20% niðurfellingu skulda
á Íslandi. – DV.
Dópsalar í bönkunum
Leiðari
Lán hafa svipuð áhrif á fólk og fíkni-efni. Þau veita þér tímabundna gleði, en þú þarft að borga marg-falt á endanum. Fíkniefni veita
þér skammvinna gleði, en þú borgar lík-
lega á endanum með þunglyndi. Í báðum
tilfellum hlýst langtíma frelsissvipting af
skammvinnri gleði. Einu sinni var kókaín
löglegt og álitið kraftaverkalyf.
Fíkniefni eru ekki bönnuð vegna vím-
unnar sem þau veita, heldur vegna þess
að þau leiða fólk smám saman út í frelsis-
sviptingu. Frelsi einstaklingsins er eitt mik-
ilvægasta gildi vestrænna samfélaga, en
ekki frelsið til fjötra. Skuldsetning er líka
frelsissvipting. Sérstaklega þegar skuld-
ir hækka og hækka, hvort sem fólk borg-
ar af þeim eða ekki. Þeir sem skulda mikið
standa til dæmis frammi fyrir því að vinna
myrkranna á milli, vera sviptir tíma með
fjölskyldu sinni, sviptir orku og alls þess
sem krefst hennar. Skuldsetningin vinnur
gegn möguleikunum á að lifa fjölbreyttu
og innihaldsríku lífi.
Hagkerfið helst varla samkeppnishæft
án lánastarfsemi. Rétt eins getur samfé-
lagið illa verið án apóteka. En bankarnir
voru ekki apótek. Þeir voru eiturlyfjasalar.
Þeir sendu sölumenn sína út um landið til
að tala fyrirtæki inn á að veðsetja allt sitt
fyrir lánum með von um ofsagróða. Þeir
létu grunlausa starfsmenn sína hala spari-
fé eldri borgara inn í peningamarkaðssjóði
sem dældu fé í illa stödd fyrirtæki eigenda
bankanna. Þeir þrifust á því að setja fólk í
skuldafjötra.
Bankarnir hafa komist upp með að vera
blóðsugur á lífæð samfélagsins – í stað þess
að vera lífæðin sjálf, eins og hugsjónin seg-
ir um þá. En á sama tíma rísa bankabygg-
ingarnar hæst í öllum borgum heims, fjár-
magnaðar af vöxtum fyrir lánsfé sem þeir
áttu aldrei sjálfir. Þeir fá sparifé fólks og
lána út tífalt á móti. Það eru einmitt lánin
sem hækka verðið á fasteignum. Lán valda
því að fólk þarf að taka hærri lán.
Íslensku bankastjórarnir voru sumir
eins og fíkniefnabarónar sem ánetjuðust
sjálfir. Þeir tóku allt að hundruð milljóna
króna lán hjá eigin banka til að reyna að
græða meira og meira. En þeir sluppu við
að borga, ólíkt öðrum.
Margir segja að það sé fólki sjálfu að
kenna að nota frelsið til að taka lán. En
þótt fólk hafi frjálsan vilja hefur það ekki
forsendur til að meta hættuna á að lán
hækki um 20-100 prósent á nokkrum mán-
uðum. Fólk er frjálst, en fólk vill og þarf að
eiga heimili. Samfélag sem gerir heimili
að áhættufjárfestingu er vont samfélag. Að
uppfylla grunnþarfirnar á ekki að kosta þig
frelsið, hvað sem hver segir.
Í yfirvofandi endurskoðun stjórnar-
skrárinnar ætti að skerpa á frelsi einstakl-
ingsins. Samkeppnishæfni Íslands snýst
ekki aðeins um að vera góður við fjármagn
og stórfyrirtæki, heldur líka um að vera
mannvænt. Frelsi snýst ekki um rétt þræla-
haldara til að gera það sem hann vill.
Ný stjórnarskrá þarf að tryggja tilfærslu
réttinda frá bönkunum til fólksins.
Jón TrauSTi reyniSSonriTSTJóri SkriFar. Íslensku bankastjórarnir voru sumir eins og fíkniefnabarónar sem ánetjuðust sjálfir.
bókstafLega