Dagblaðið Vísir - DV - 22.04.2009, Blaðsíða 2

miðvikudagur 22. apríl 20092 Fréttir
Bjarni Ármannsson, þáverandi for-
stjóri Glitnis, ýtti undir það að ís-
lenska ríkið hæfi undirbúning á sölu
á rúmlega 15 prósenta hlut sínum
í Hitaveitu Suðurnesja (HS) í árs-
lok 2006. Bankastjórinn sendi Jóni
Sveinssyni, formanni framkvæmda-
nefndar um einkavæðingu, bréf
þann 29. nóvember árið 2006 þar
sem hann óskaði eft-
ir viðræðum við
nefndina um
kaup á þessum
hlut ríkisins
sem metinn
var á ríflega
1,3 milljarða
króna að nafn-
virði. Í bréfinu
rökstuddi Bjarni
tillögu sína með
því að í fjárlög-
um ríkisins væri
að finna
heimild fyrir iðnaðarráðherra til að
selja hlutinn og að hann hefði fyrr
á árinu 2006 lýst þeim áhuga yfir að
Glitnir myndi hefja viðræður um
kaupin.
Eftir að söluferli hafði farið fram
á hlutnum á fyrri hluta árs 2007 var
gengið að tilboði Geysis Green En-
ergy, félags í eigu FL Group, Glitnis
og VGK-Hönnunar, upp á rúmlega
7,6 milljarða króna í lok apríl. Sam-
komulagið var háð því að aðrir hlut-
hafar í Hitaveitu Suðurnesja ákvæðu
að nýta ekki forkaupsrétt sinn í veit-
unni.
Ýtt á eftir söluferlinu
Í samtali við DV segir Bjarni að hann
hafi sent bréfið til einkavæðingar-
nefndar því að hlutur ríkisins í Hita-
veitu Suðurnesja hafði lengi verið
á sölulista en ekkert verið gert í því
að selja hann. „Mig minnir að ég hafi
sent bréfið til að ýta á eftir þessu,“
segir Bjarni og bætir því við að aug-
ljóslega hafi verið áhugi fyrir því inn-
an bankans að kaupa
hlutinn þar sem
Glitnir hafi síðar
stofnað Geysi
Green ásamt
FL Group.
Hann seg-
ist ekki geta
tjáð sig um
hvort hann
hafi sent
bréfið fyrir
hönd Glitn-
is eða fyrir
hönd einhvers
viðskiptavinar
bankans. Bjarni
segist ekki hafa
komið nærri
kaupum Geys-
is Green á
hlut ríkisins
í Hitaveitu Suðurnesja. Hann hætti
sem forstjóri Glitnis þann 30. apr-
íl, sama dag og Árni Mathiesen tók
tilboði Geysis Green í hlut ríkisins í
hitaveitunni.
Af bréfi Bjarna að dæma var það
hins vegar Glitnir banki sem hafði
áhuga á hlutnum en bankinn var á
þessum tíma í miklum útrásarhug
í orkumálum og hafði ráðið Árna
Magnússon, fyrrverandi þingmann
og ráðherra Framsóknarflokksins,
til liðs við bankann til að stýra þeirri
útrás. Bjarni segir að bankinn hafi
á þessum tíma verið byrjaður að
fókusera á jarðvarma sem viðskipta-
svið, meðal annars opnað hitaveitu í
Kína í nóvember. „Við vorum byrjað-
ir að horfa á það hvaða tækifæri voru
hvar á þessu sviði,“ segir Bjarni.
Arðsemi nr. 1
Í bréfinu til einkavæðingarnefnd-
ar útskýrir Bjarni áhuga Glitnis á
hlut ríkisins í Hitaveitu Suðurnesja
á þann hátt að í fyrsta lagi sé hann
arðvænleg fjárfesting auk þess sem
bankinn telji að það þjóni hagsmun-
um íslenska orkugeirans að inn í
hann komi öflugir einkaaðilar og þar
að auki horfi bankinn til „útrásar ís-
lensku orkufyrirtækjanna á næstu
árum og áratugum“.
Önnur bréf frá áhugasömum
kaupendum að hlut ríkisins í Hita-
veitu Suðurnesja er hins vegar ekki
að finna í gögnum einkavæðingar-
nefndar um söluna á hlutnum í hita-
veitunni.
Einkavæðing íslenskra
orkufyrirtækja hafin
Í svari einkavæðingarnefndar til
Bjarna þann 20. desember kemur
fram að Árni Mathiesen fjármálaráð-
herra og Jón Sigurðsson iðnaðarráð-
herra hafi nýlega falið nefndinni að
undirbúa söluferli á hlutnum og því
muni nefndin ekki eiga viðræður við
einstaka áhugasama kaupendur fyrr
en eftir að búið sé að ákveða hvernig
staðið verði að sölunni.
Bréfið var samið í kjölfar fyrsta
fundar einkavæðingarnefndar um
söluna á hlut ríkisins í Hitaveitu Suð-
urnesja þar sem saman voru komnir
fyrir hönd ráðherra í ríkisstjórninni
þeir Jón Sveinsson, Baldur Guð-
laugsson, Illugi Gunnarsson, Sævar
Þór Sigurgeirsson og tveir af starfs-
mönnum nefndarinnar. Þar var rætt
um bréf Bjarna, drögin að svari til
hans sett fram og ákveðið að hefja
söluferlið á hlutnum.
Viku áður, þann 13. desember,
hafði einkavæðingarnefnd borist
bréf frá Árna Mathiesen og Jóni Sig-
urðssyni þar sem fram kom að und-
anfarið hefði vaknað áhugi einstakra
aðila á kaupum á hlut ríkisins í Hita-
veitu Suðurnesja og að einkavæðing-
arnefnd væri falið að hefja söluferl-
ið á bréfum ríkisins í hitaveitunni. Í
bréfi ráðherranna var heimildin fyrir
sölu bréfanna sögð vera í fjárlögum
ársins 2006 og 2007.
Með bréfinu hófst formlegur und-
irbúningur ríkisins á sölu hlutarins
í Hitaveitu Suðurnesja og stóð ferlið
út apríl þegar Árni Mathiesen fjár-
málaráðherra gekk að tilboði Geys-
is Green fyrir hönd íslenska ríkisins.
Undirbúningurinn að einkavæðingu
orkufyrirtækja á Íslandi var hafinn
vegna þrýstings frá áhugasömum að-
ilum úr viðskiptalífinu.
BRÉF BJARNA VAR BYRJUNIN
Bjarni Ármannsson, forstjóri Glitnis, sendi einkavæðingarnefnd bréf í
lok nóvember árið 2006 þar sem hann óskaði eftir viðræðum við nefndina
um kaup á hlut ríkisins í hitaveitu Suðurnesja. Bjarni segist hafa skrifað
bréfið til að ýta á eftir því að söluferli á hlutnum í Hitaveitu Suðurnesja
hæfist. Glitnir var á þessum tíma í miklum útrásarhug í orkugeiranum.
Með söluferlinu hófst einkavæðingarferli íslenskra orkufyrirtækja.
„Mig minnir að ég hafi
sent bréfið til að ýta á
eftir þessu.“
Bréf Bjarna Ármannssonar,
forstjóra glitnis, berst til
einkavæðingarnefndar.
Bjarni lýsir yfir áhuga á hlut
ríkisins í Hitaveitu Suður-
nesja fyrir hönd glitnis.
Árni mathiesen fjármála-
ráðherra og Jón Sigurðsson
iðnaðarráðherra skrifa bréf til
einkavæðingarnefndar þar
sem henni er falið að taka
15,2 prósenta hlut ríkisins
í Hitaveitu Suðurnesja til
sölumeðferðar.
Fyrsti fundur einkavæðingar-
nefndar um söluna. Stefán Jón
Friðriksson skrifar bréf fyrir hönd
nefndarinnar til Bjarna Ármanns-
sonar þar sem fram kemur
að ekki verði farið í viðræður
við áhugasama kaupendur á
hlutnum fyrr en söluferlið hafi
verið ákveðið.
geysir green
Energy er stofnað
af Fl group, glitni
og vgk-Hönnun.
Niðurstaða um
þátttakendur
í forvali vegna
kaupa hlutarins
liggur fyrir.
Capacent, ráðgjafi
ríkisins vegna sölunnar,
sendir einkavæðingar-
nefnd bréf þar sem sagt
er frá því að tíu fjár-
festar standist skilyrðin
vegna kaupanna.
Árni mathiesen
gengur að 7,6
milljarða tilboði
geysis green
í hlut ríkisins.
Bjarni Ármanns-
son hættir sem
forstjóri glitnis.
29. nóvEmBEr 2006 13. dEsEmBEr 2006 20. dEsEmBEr 2006 5. jAnúAr 2007 29. mArs 2007 4. Apríl 2007 30. Apríl 2007
EinkAvæðing HitAvEitu suðurnEsjA
1. Hluti
dv mun í næstu tölublöðum fjalla ítarlega um sölu ríkisins á 15,2 prósent hlut sínum í Hitaveitu Suðurnesja árið 2007. Forsætisráðuneytið hefur veitt dv aðgang að öllum gögnum einkavæðingarnefndar um söluna á hlutnum, fundargerðum og öllum fylgiskjölum. í fyrsta hluta er fjallað um aðdraganda þess að söluferlið á hlutnum hófst og þar með einkavæðing í íslenska
orkugeiranum.
ingi F. vilHjÁlmsson
blaðamaður skrifar ingi@dv.is
EINkAVæðINg hItAVEItU SUðURNESJA
Ýtti á eftir einkavæðingarferlinu Bréf Bjarna Ármannssonar, þáverandi forstjóra
glitnis, ýtti á eftir því að einkavæðingarnefnd hæfi söluferli á 15,2 prósenta hlut
ríkisins í Hitaveitu Suðurnesja. Bjarni varð síðar stjórnarformaður geysis green
Energy og rEi, dótturfélags Orkuveitu reykjavíkur.
lykilmaður Árni mathiesen var lykilmaður í
því að 15,2 prósenta hlutur ríkisins í Hitaveitu
Suðurnesja yrði seldur. ráðherrann fól einka-
væðingarefnd að hefja söluferlið á hlutnum og
gekk að tilboði geysis green Energy nokkrum
mánuðum síðar.