Dagblaðið Vísir - DV - 11.05.2011, Page 2

2 | Fréttir 11. maí 2011 Miðvikudagur
Móðurfélag rekstrarfélags Bang &
Olufsen á Íslandi, Næstu aldamót
ehf., var úrskurðað gjaldþrota í Hér-
aðsdómi Reykjavíkur í apríl síðast-
liðnum. Næstu aldamót ehf. átti
félagið Aldamót ehf. sem var rekstr-
arfélag sem rak verslun í Síðumúla
21 sem seldi dönsku Bang & Oluf-
sen-raftækin á Íslandi. Skiptastjóri
Næstu aldamóta ehf. er Guðmundur
Pétursson lögmaður.
Eigendur félagsins voru þeir Ósk-
ar Tómasson, sem jafnframt var for-
stjóri verslunarinnar, en hann átti
40 prósenta eignarhlut, Bjarni Ósk-
arsson, sem einnig átti 40 prósenta
eignarhlut, og eignarhaldsfélag-
ið Laugaból sem meðal annars er í
eigu Guðmundar Birgissonar, sem
kenndur er við bæinn Núpa í Ölfusi,
Lárusar Blöndal og Aðalsteins Karls-
sonar.
Aðeins Rússar keyptu meira
Engin starfsemi hefur verið í Bang
& Olufsen-búðinni í Síðumúla upp
á síðkastið vegna gjaldþrots móður-
félags verslunarinnar. Þetta er nokk-
ur breyting frá því sem áður var því á
dögum góðærisins íslenska voru Ís-
lendingar sólgnir í Bang & Olufsen-
raftæki og gekk búðin í Síðumúla vel.
Tekið skal fram að Bang & Olufsen-
raftækin eru með þeim dýrari sem
finnast á markaðnum og geta hljóm-
flutningstæki og sjónvörp frá merk-
inu kostað milljónir króna.
Í viðtali við Viðskiptablaðið síðla
árs í fyrra sagði Sigurgísli Bjarnason,
einn af aðstandendum Bang & Oluf-
sen á Íslandi og sonur Bjarna Ósk-
arssonar, að mjög vel hefði gengið
að markaðssetja danska merkið á Ís-
landi á árunum 2005 til 2008. Sagði
Sigurgísli að íslenska verslunin hefði
verið næststærsti söluaðili Bang
Olufsen-tækja í heiminum, aðeins
hinir nýríku Rússar keyptu meira af
Bang & Olufsen á þessu tímabili. Í
máli Sigurgísla kom fram að þetta
hefði verið miðað við hreina sölu en
ekki miðað við kaup á Bang & Oluf-
sen-tækjum miðað við höfðatölu. „Á
Íslandi höfum við verið söluhæstir
innan danska félagsins mörg ár, t.d.
árunum frá 2005 til 2008. Salan hef-
ur þó heldur dvínað síðustu tvö árin,“
sagði Sigurgísli. Íslendingar keyptu
því ótrúlega mikið af Bang & Oluf-
sen-tækjum með íslenskt efnahagslíf
var talið standa í blóma.
Íslendingar fóru líka inn í eig-
endahóp fyrirtækisins í Danmörku
því fjárfestingarfélagið FL Group
keypti um tíu prósenta hlut í því
árið 2006 og greiddi um 7,5 millj-
arða króna fyrir hlutinn. FL Group
seldi þennan hlut svo á vormánuð-
um 2007 með um 100 milljóna króna
tapi.
Þetta dálæti Íslendinga á Bang &
Olufsen-raftækjum í alþjóðlegu sam-
hengi minnir nokkuð á frásagnir af
kaupum Íslendinga á Range Rover-
bifreiðum á árunum fyrir íslenska
efnahagshrunið. Þannig var greint
frá því síðla árs 2007 að framan af ári
hefðu jafnmargar Range Rover-bif-
reiðar verið verið fluttar inn og seld-
ar á Íslandi og samanlagt í Svíþjóð
og Danmörku. Þetta var sérstaklega
merkileg staðreynd í ljósi þess að á Ís-
landi búa 300 þúsund manns á með-
an tæplega 15 milljónir manna búa
samanlagt í Svíþjóð og Danmörku.
„Félagið fór bara illa
á kreppunni“
Samkvæmt ársreikningi Næstu
aldamóta ehf. fyrir árið 2009 nam
tap félagsins rúmlega 188 milljón-
um króna. Eigið fé félagsins í árslok
var neikvætt um nærri 225 milljón-
ir króna. Lárus Blöndal, þáverandi
stjórnarformaður félagsins, Bjarni
Óskarsson og Óskar Tómasson skrif-
uðu undir ársreikninginn. Stjórnar-
mennirnir þrír efuðust um rekstr-
arhæfi félagsins í ársreikningnum
fyrir árið 2009. Í skýrslu stjórnar seg-
ir meðal annars: „Við viljum benda
á að á árinu 2009 nam tap félagsins
188,2 millj. kr. og eigið fé félagsins var
í árslok neikvætt um 224,5 millj. kr.
Jafnframt nema skammtímaskuldir
félagsins 230 millj. kr. Við slíkar að-
stæður kann að leika vafi á rekstrar-
hæfi félagsins. Af þessum tölum að
dæma þarf gjaldþrot félagsins ekki
að koma á óvart.“
DV hafði samband við Óskar
Tómasson til að ræða við hann um
gjaldþrot félagsins. Óskar vildi hins
vegar lítið segja um það. „Það er í
raun og veru ekkert meira um þetta
að segja. Félagið fór bara illa á krepp-
unni eins og öll önnur félög,“ sagði
hann.
Uppskrúfuð viðskiptavild
Næstu aldamót ehf. eignaðist Alda-
mót ehf., rekstrarfélag Bang & Oluf-
sen, árið 2007. Þá keypti Næstu
aldamót félagið fyrir nærri 376 millj-
ónir króna, en bókfært verð Alda-
móta ehf., samkvæmt ársreikningi
fyrir árið 2007, var nærri 123 millj-
ónir. Mismunurinn á kaupverðinu
og bókfærðu verði á Aldamótum ehf.
var bókfærður sem viðskiptavild í
fyrsta ársreikningi Aldamóta. Um
þetta segir í ársreikningnum: „Við-
skiptavild varð til við mismun á bók-
færðu verði dótturfélags og kaup-
verði og nemur hún 253,0 millj. kr.“
Tekið skal fram að sömu aðilar áttu
félögin tvö.
Næstu aldamót tók meðal annars
205 milljóna króna langtímalán til að
fjármagna kaupin á Aldamótum ehf.
Ekki er vitað hvaða aðili það var sem
Ingi Freyr Vilhjálmsson
fréttastjóri skrifar ingi@dv.is
Móðurfélag
Bang & Olufsen
gjaldþrOta
Lokað Bang &
Olufsen-versl-
unin í síðumúla
hefur verið lokuð
upp á síðkastið.
Mynd RóbeRt Reynisson
n Íslendingar voru næststærstu kaupendur bang & olufsen í heiminum í góðærinu n Aðeins
Rússar keyptu meira n eigendur félagsins seldu rekstrarfélagið aftur með uppskrúfaðri við-
skiptavild 2007 n Forstjórinn segir félagið hafa farið illa út úr kreppunni
einn af eigendunum
Guðmundur á Núpum var einn
af eigendum Næstu aldamóta
ehf. sem nú hefur verið tekið
til gjaldþrotaskipta.
„Félagið fór
bara illa á
kreppunni eins og
mörg önnur félög.
Bang & Olufsen er danskt fyrirtæki sem framleiðir hljómflutningstæki, síma, sjónvörp
og önnur raftæki. Fyrirtækið var stofnað af þeim Peter Bang og Svend Olufsen árið
1925. Raftækin eru afar dýr, ódýrustu sjónvörpin frá Bang & Olufsen kostuðu um 500
þúsund krónur á meðan þau dýrustu kostuðu um fjórar milljónir króna. Hönnun Bang &
Olufsen-tækjanna þykir afar falleg og smekkleg og yfirleitt fer frekar lítið fyrir tækjunum
á heimilum þar sem reynt er að hafa þau eins látlaus og mínímalísk og hugsast getur.
Á árunum fyrir íslenska efnahagshrunið urðu Bang & Olufsen-raftæki að ákveðnu stöðu-
tákni meðal ákveðins hóps á Íslandi sem hafði mikla fjármuni á milli handanna. Líkt og
kemur fram í máli Sigurgísla Bjarnasonar í greininni fjárfestu Íslendingar næstmest allra
þjóða í heiminum í Bang & Olufsen-raftækjum á árunum 2005 til 2008. Þannig greindi
Bolli Ófeigsson, þáverandi verslunarstjóri í Bang & Olufsen-búðinni í Síðumúla, frá því í
viðtali við Viðskiptablaðið í maí 2005 að sala á Bang & Olufsen-raftækjum hefði aukist í
versluninni og vinsælasta tækið hefði kostað 750 þúsund krónur. „Mest selda sjónvarpið
hér kostar 750 þúsund krónur.“
Vinsældir Bang & Olufsen á Íslandi byrjuðu að dala eftir hrunið 2008. Þó greindu for-
svarsmenn verslunarinnar frá því um jólin í fyrra að 300 þúsund króna Bang & Olufsen-
hljómflutningstæki hefðu verið vinsæl jólagjöf. Bang & Olufsen-versluninni hefur nú
verið lokað vegna gjaldþrots móðurfélagsins.
Sjónvörp fyrir fjórar milljónir króna
FL Group, fjárfestingarfélag sem Hannes
Smárason stýrði á þeim tíma, keypti
sig inn í Bang & Olufsen í Danmörku í
febrúar 2006 fyrir 7,5 milljarða króna.
Um var að ræða kaup á rúmlega 8
prósenta hlut. Félagið bætti síðan við
sig rúmum 2,5 prósentum. FL Group
seldi síðan hlut sinn í Bang & Olufsen
til danskra og alþjóðlegra fjárfesta í
maí. Þá hafði hlutabréfaverð í Bang &
Olufsen lækkað um sjö prósent frá því
FL Group kom inn í hluthafahópinn árið
áður. FL Group tapaði um það bil 100
milljónum króna á viðskiptunum sam-
kvæmt fréttum á þeim tíma.
Tapaði á Bang & Olufsen