Dagblaðið Vísir - DV - 11.05.2011, Qupperneq 18

18 | Umræða 11. maí 2011 Miðvikudagur
„Það er virkilega
sárt að horfa
upp á dómar-
ann gera í
brækurnar í
leiknum og jafnframt dýrt
fyrir okkur. Gunnar Jarl
ofmetnaðist í fyrra og
mér finnst hann í raun
verri í ár og frammistaðan
hans í kvöld var sorgleg,“
n Willum Þór Þórsson, þjálfari
knattspyrnuliðs Keflavíkinga, um
dómarann eftir jafntefli við KR. – Vísir
„Ég skammast mín fyrir
að vera Íslendingur. Bæði
Samfylking og Vinstri
græn höfðu það á stefnu-
skrá sinni fyrir síðustu
kosningar að gefa hand-
færaveiðar frjálsar. Ég er
alveg klár á því að þeir
hefðu ekki fengið meiri-
hluta ef þeir hefðu ekki
lofað þessu.“
n Níels A. Ársælsson, skipstjóri má
veiða í fimm daga í maí. – DV.is
„Nína eldist ekki
neitt. Hún er
dáin í laginu og
hefur verið það í
20 ár.“
n Eyjólfur Kristjánsson og Stefán
Hilmarsson fagna því með þrennum
afmælistónleikum að 20 ár er liðin frá því
að þeir slógu í gegn með Eurovision-
laginu Nína. – DV
„Skipið er alelda og það
logar stafnanna á milli.“
n Færeyski þingmaðurinn Kári P.
Højgaard sem býr í Rúnavík, skammt frá
þar sem færeyski togarinn Athena brann
á mánudaginn. – mbl.is
Uppnefni Þráins
Þ
ráinn Bertelsson, þingmaður
Vinstri grænna, hefur varið
rétt sinn til að nota orðin
„fasistabeljur“, „íhaldsbelja“,
„kúlulánabelja“ og „Horgerður“ um
þingkonur Sjálfstæðisflokksins.
Þrír kostir eru í stöðunni. Fyrsti
kosturinn er að Þráinn hafi hrein-
lega rétt fyrir sér. Að Þorgerður Katr-
ín Gunnarsdóttir og Ragnheiður Elín
Árnadóttir séu í reynd fasistabeljur.
Það liggur hins vegar ljóst fyrir að
hvorug þeirra er belja. Fátt bendir til
þess að stjórnmálaskoðanir þeirra
eða atferli sýni fram á samsemd
þeirra við fasista. Nú mætti segja að
Þráinn meini þetta ekki bókstaflega,
en það leiðir okkur að valkosti tvö.
Annar möguleikinn er að yfirlýs-
ing Þráins hafi verið eins konar upp-
hrópun. Hann hafi ekki meint hana
sem fullyrðingu. En ef upphrópun
sem þessi er almennt réttlætan-
leg er orðið ásættanlegt að úthrópa
flokkssystur Þráins „kommatíkur“ og
„kommatruntur“ við viðeigandi til-
efni.
Þriðji möguleikinn er að þetta
sé sérstakt tilfelli; Þráinn megi upp-
nefna sjálfstæðiskonurnar, en ekki
aðra, vegna þess hversu sérstaklega
ómögulegar sjálfstæðiskonurnar
eru. Þær hafi áunnið sér nafnbótina
fasistabeljur með störfum sínum á
þingi og ábyrgð sinni á hruninu, auk
þeirrar afstöðu sinnar að Andri Snær
Magnason rithöfundur sé of um-
deildur fyrir nefnd um uppbyggingu
við Þingvelli.
Þrískiptur vandi mætir okkur ef
við samþykkjum að Þorgerður og
Ragnheiður hafi þá sérstöðu að gæða
hugtakið „fasistabeljur“ merkingu
og vera þannig réttilega uppnefndar.
Ef slík uppnefni eru leyfileg þarf að
hafa í huga að það er gjarnan póli-
tískur andstæðingur sem veitir hana.
Rannsóknir hafa margoft sýnt að
fólk telur sig almennt hafa rétt fyrir
sér, en andstæðingarnir síður. Þetta
magnast upp í stjórnmálum, þar sem
hagsmunir stjórnmálamanna eru að
láta líta þannig út. Þegar opnað verð-
ur á réttmæti orðsins „fasistabelja“
mun það margoft verða notað af fólki
sem telur sig ranglega hafa rétt fyr-
ir sér. Hinn uppnefndi verður í kjöl-
farið líklegur til að svara með öðru
uppnefni. Hvort það verður svo aftur
réttmætt er annar vandinn.
Annað vandamálið við að hleypa
tilfinningaþrungnum uppnefnum í
flokk ásættanlegra samskipta er að
illmögulegt er að sannreyna þau.
Hvenær verður kona fasistabelja og
hvenær ekki?
Þriðji vandinn er augljóslega að
uppnefni, eins og „kommatík“, eru
andlegt ofbeldi, sérstaklega þeg-
ar það kemur frá valdafólki eins
og þingmönnum í ríkisstjórn. Með
því er verið að stimpla fólk, án þess
að það eigi sér vörn, vegna þess að
sönnun eða afsönnun er ómöguleg.
Uppnefni án staðfestanlegrar merk-
ingar eru blindgata umræðunnar
sem leiðir til vítahrings merkingar-
leysu og upphrópana.
Umræðan þjónar síður þeim til-
gangi sínum að nálgast skynsam-
lega niðurstöðu ef uppnefni eru
leyfð. Þegar litið er á málið út frá sið-
ferðislegu sjónarhorni er niðurstað-
an líka ljós. Ein sú fullyrðing sem
kemst næst því að vera siðferðisleg
sannindi er kenning heimspekings-
ins Immanúels Kant, um að við eig-
um að gera öðrum það sem við vilj-
um að þeir geri okkur. Ef uppnefni
væru almenn regla yrði upplausn í
umræðunni. Þess vegna hefur upp-
nefnum verið úthýst í flestum mann-
legum samskiptum, nema í einstaka
grunnskóla og á Alþingi. Þráinn er
því annaðhvort meðvitað að valda
upplausn eða gera kröfu um að hann
einn megi úrskurða fólk óæskilegt og
uppnefna það. Nýja valdafólkið þarf
að átta sig á því að það er ekki eðlis-
lægt betra en forverar þess og getur
ekki leyft sér að brjóta gegn grund-
vallaratriðum.
Það er hvorki praktískt né siðlegt
að umbera uppnefni Þráins Bertels-
sonar, hvort sem við styðjum stjórn-
mál Þorgerðar og Ragnheiðar eða
ekki, enda snýst þetta um grundvall-
aratriði en ekki persónur.
Leiðari
Verður hátíð að
Hlíðarenda?
„Ungir sem aldnir
Valsarar munu
flykkjast að
Hlíðarenda frá
morgni til mið-
nættis,“ segir Þor-
grímur Þráins-
son, sem lék um
árabil með Val.
Knattspyrnufélagið Valur fagnar í
dag, miðvikudag, 100 ára afmæli
og má búast við mikilli veislu fyrir
Valsara að Hlíðarenda.
Spurningin
Bókstaflega
Jón Trausti Reynisson ritstjóri skrifar.
Söknuður að Sigmari
n Hrafnhildur Halldórsdóttir sá um að
lýsa því sem fyrir augu og eyru bar í
Eurovision-keppninni á þriðjudag.
Frammistaða
hennar sem kynn-
ir þótti vera frekar
flöt og tilþrifalítil
í samanburði við
frammistöðu for-
vera hennar, Sig-
mars Guðmunds-
sonar, sem hefur
staðið vaktina í
söngvakeppninni undanfarin ár. Sig-
mar þykir hafa einstakt lag á kaldhæðni
og beitti henni óspart í lýsingum sínum
á furðufuglum keppninnar. Sigmar
þótti hins vegar grófur og umdeildur og
það er spurning hvort hann hafi verið
fjarlægður og kurteisari lýsandi settur í
hans stað. Ljóst er að margir söknuðu
Sigmars á þriðjudag.
Illfygli gleðjast
n Það blæs ekki byrlega fyrir tenglasíð-
unni Eyjunni undir eignarhaldi Björns
Inga Hrafnssonar. Vefsíðan glímir við
stöðugt minni að-
sókn þrátt fyrir að
státa af bloggur-
unum Agli Helga-
syni og Eiríki Jóns-
syni sem þykja
vera magnaðir
fulltrúar sinnar
stéttar. Báðir eru
þeir ágætlega
launaðir og stóðu vonir til þess að vef-
síðan myndi slá í gegn. Nú blasir við að
í vikubyrjun náði Eyjan þeim áfanga að
vera í sögulegu lágmarki með rúmlega
63 þúsund gesti. Hæst fór aðsóknin í 96
þúsund gesti í tíð fyrri eigenda. Illfyglin
sem telja Eyjuna vera í þágu Samfylk-
ingar og útrásarmanna gleðjast nú.
Umdeildur vinur
n Logi Geirsson handboltakappi var í
dálitlu klandri eftir að hann lýsti því
yfir á heimasíðu Jóns Hallgrímssonar að
hann langaði í bol merktan samtök-
unum Semper Fi. Logi er samkvæmt
þessu vinur Jóns foringja samtakanna
á Facebook líkt og Sölvi Tryggvason
sjónvarpsmaður sem tengist Jóni stóra
vinaböndum ásamt tæplega 5 þúsund
öðrum. Logi hefur nú lýst yfir því að
orðsending hans hafi verið innihalds-
laust grín. Og ljóst er að hvorugur þess-
ara dáðadrengja er í raunverulegu vin-
fengi við þann umdeilda Jón.
Messufall Bjarna
n Bjarni Benediktsson, formaður Sjálf-
stæðisflokksins, getur þessa dagana
fagnað því að flokkur hans mælist með
gríðarlegt fylgi.
Formaðurinn
er því sterkur á
meðal almennra
flokksmanna.
Undanfarið hefur
hann, ásamt vara-
formanni sínum,
verið á funda-
ferð um landið. Á
fundunum hefur verið fremur dauflegt.
Fáir hafa mætt til að hlýða á foryst-
una. Á Selfossi var ástandið svo slæmt
að einungis sex hræður mættu. Þar af
voru tveir fyrrverandi oddvitar í hér-
aðinu. Þetta mun þó ekki halda vöku
fyrir Bjarna sem ótrauður heldur áfram
að huga að grasrótinni.
Sandkorn
tRyggVAgötU 11, 101 REyKjAVíK
Útgáfufélag: DV ehf.
Stjórnarformaður:
Lilja Skaftadóttir
Ritstjórar:
jón trausti Reynisson, jontrausti@dv.is
og Reynir traustason, rt@dv.is
Fréttastjóri:
Ingi Freyr Vilhjálmsson, ingi@dv.is
Ritstjórnarfulltrúi:
jóhann Hauksson, johann@dv.is
Umsjón helgarblaðs:
Ingibjörg Dögg Kjartansdóttir, ingibjorg@dv.is
Umsjón innblaðs:
Ásgeir jónsson, asgeir@dv.is
DV á netinu: dv.is
Aðalnúmer: 512 7000, Ritstjórn: 512 7010,
Áskriftarsími: 512 7080, Auglýsingar: 512 7050.
Smáauglýsingar: 512 7004.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
Stjórnvöld hafa ákveðið að grasalæknar megi ekki upp-lýsa almenning um náttúrulyf.
Á sama tíma er verið að banna sölu
heilsubótarefna nema í apótekum.
Er verið að gera okkur gott? Nei,
það er verið að gera okkur illt. Fyrri
tegund illvirkjanna er góðhrottar.
Þeir hugsa í öfund, afskiptasemi
og óvild og vilja láta banna þeim
sem þeim er illa við. En þeir þykjast
vera að gera gott. Þetta er eins og
óvildarfólk fátækra og varnarlausra
barna, sem sendi „svoleiðis“ börn á
hæli, en ekki börn þeirra, sem gátu
skákað þeim. Þetta fólk er ekki að
tala um amafetamín, kókaín, hass
og annað skaðlegt, það er vegna
þess að dópsalar eru hættulegir
og góðhrottar eru gungur. En þeir
geta ráðist á þann sem selur eitt-
hvert ginsengið. Það er vegna þess
að það fólk er ekki hættulegt. En
kannski það ætti að verða góðhrott-
um hættulegt, þráspyrja af hverju,
vaða upp á pólitískum fundum og
spyrja hvort spillingaratriði séu á
bak, hringja og kvarta og áreita eins
og lög leyfa.
Hinir illvirkjarnir eru menn sem
vilja koma á veðráðum og einokun
fyrir veð, til þess að ávaxta peninga
á því frumkvæði óhemju fjölda ein-
staklinga víða um heim, sem hafa
verið að benda á heilsubætur jurta,
berja, barkar, róta og svo framvegis.
Markaðurinn er til, nú er rétti tíminn
að ýta hinum minni út af markaði,
minnka framleiðslukostnað á ætluð-
um heilsubótarefnum upp á mikinn
hagnað. Svona eins og lyfjafyrirtæki
sum hver selja fölsuð lyf tíl fátækra
landa. Góðhrottarnir eru gargandi öf-
undarmenn á vinstrivængnum, sem
vilja ekki frelsi, því heimsmynd þeirra
er skorpnuð við trú á orðhengils-
hátt. Sósíalisminn hitt og sósíalism-
inn það, en engin virðing fyrir fólki.
Þó ekki allir, þar eru og umburðar-
lyndir velvildarmenn. Veðráðarnir
búa til stjórn á markaði til að hagn-
ast. Þeir kaupa yfirleitt ráðamenn,
eins og Hæstiréttur Bandaríkjanna
hefur gefið fyrirtækjasamsteypum,
sem eru sambærileg við vélar, rétt til
pólitískra afskipta upp á hagnaðar-
von. Það gildir að fjarlægja minni að-
ila af markaði og ná markaðsyfirráð-
um. Þetta er að gerast gegn konum í
Bangladess, sem hafa vaxið til fram-
legðar við svokallaða smálánabanka.
Stórkapítalið vill nú hirða markað,
sem þær hafa búið til. Sama er hér í
eðlisatriðum. Svei ykkur, stjórnvöld,
þið ráðið við gott frumkvæðisfólk, en
ekki dópsalana, sveiattan. Og hverjir
eru í þessum heilsuvörum? Konur,
auðvitað.
góðhrottar og veðráðar
Kjallari
Þorsteinn
Hákonarson„Þetta fólk er ekki
að tala um am-
fetamín, kókaín, hass og
annað skaðlegt, það er
vegna þess að dópsalar
eru hættulegir og góð-
hrottar eru gungur.