Hagskýrslur um utanríkisverslun - 1931, Page 21

Verzlunarskýrslur 1929
19
4. Viðskifti við einstök lönd.
L’échange avec les pays étrangers.
5. yfirlit (bls. 20*) sýnir, hvernig verðupphæð innfluttu og útfluttu
varanna hefur skifzt 4 síðustu árin eftir löndunum, þar sem vörurnar
hafa verið keyptar eða seldar. Síðari hluti töflunnar sýnir, hvern þátt
löndin hafa tekið hlutfallslega í verzlunni við ísland samkvæmt íslenzku
verzlunarskýrslunum.
Langmestur hluti innfluttu vörunnar kemur frá Danmörku og Bret-
landi, eða um 3/5 hlutar alls innflutningsins. Venjulega hefur Danmörk
verið heldur hærri en Bretland, en á síðari árum hefur Bretland þó
stundum verið hærra, svo sem 1928. Næst þessum löndum ganga Þýzka-
land og Noregur með 15 og 12 °/o af öllum innflutningnum 1929. Því
næst kemur Svíþjóð og Spánn með 4—5 °/o og Bandaríkin og Holland
með 2—3 °/o.
Af verðmagni útflutningsins hefur árið 1929 rúmlega lh komið á
Spán og er hann langhæstur af útflutningslöndunum, enda útflutningur
aukizt þangað afarmikið. Fyrir stríðið var útflutningur aftur á móti lang-
mestur til Danmerkur (um 2/s af öllum útflutningnum), en á stríðsárun-
um síðari tók að mestu fyrir allan útflutning þangað og síðan hefur hann
ekki náð sér aftur í hið fyrra horf. Síðustu árin hefur hann jafnvel farið
síminnkandi og árin 1928 og 1929 fóru aðeins 7 °/o af útflutningnum til
Danmerkur, en aftur á móti tók Bretland við 17 °/o af útflutningnum.
Ítalía er einnig komin fram úr Danmörku og tók hún við 12 °/o af út-
flutningi 1929, en ámóta við Danmörku eru Noregur og Þýzkaland með
7 o/o af útflutningnum, en þar næst Svíþjóð og Portúgal með 5 °/o og
Bandaríkin með 3 °/o af útflutningnum.
A 5. yfirliti sést, að miklu meira er flutt út frá Islandi til Spánar
og Ítalíu heldur en innflutt er frá þessum löndum, en aftur á móti er
miklu meira innflutt frá Danmörku, Bretlandi og Þýzkalandi heldur en
útflutt er þangað.
í töflu IV A og B (bls. 38—80) eru taldar upp allar helztu inn-
fluttar og útfluttar vörutegundir og sýnt hvernig inn- og útflutningsmagn
hverrar vöru skiftist eftir löndum. í töflu III (bls. 34—37) er verðmæti
innflutningsins frá hverju landi og útflutningsins til þess skift eftir vöru-
flokkum. Og loks eru í töflu V (bls. 81—97) taldar upp með magni og
verði helztu vörutegundirnar í innflutningnum frá hverju landi og í út-
flutningnum til þess.