Framkvæmdafréttir Vegagerðarinnar - 22.07.2002, Blaðsíða 2

Vígsla gatnamóta Hringvegar (Vesturlandsvegar) og Víkurvegar 5. júlí. Frá vinstri: Helgi Hallgrímsson vegamálastjóri, Sturla
Böðvarsson samgönguráðherra, Ingibjörg Sólrún Gísladóttir borgarstjóri, Stefán Hermannsson borgarverkfræðingur.
Heiðursmenn Vegagerðarinnar voru Guðmundur Vignir Þórðarson og Hörður Þór Ástþórsson. Skæravörður var Margrét Arna
Viktorsdóttir.
Ný mislæg gatnamót Hringvegar (Vesturlandsvegar) og Víkur-
vegar er samvinnuverkefni Vegagerðarinnar og Reykjavíkur-
borgar.
Forsendur og umhverfi
Verið er að byggja upp nýtt íbúðahverfi í Grafarholti, sem kallar
á afkastameiri umferðatengingu að hverfinu. Umferðatenging
frá íbúðabyggðinni í Grafarvogi um Víkurveg á Hringveginn
mun einnig batna með nýju gatnamótunum.
Í þessum fyrsta áfanga sem nú var tekinn í notkun, er Hring-
vegur tvöfaldaður að Úlfarsá. Ljósagatnamót við Víkurveg eru
lögð af og Víkurvegur lagður á brú yfir Hringveginn með til-
heyrandi römpum. Nýi Víkurvegurinn tengist núverandi Víkur-
vegi í hápunkti á Keldnaholti vestan Hringvegar, en að austan-
verðu tengist hann við ný ljósagatnamót Þúsaldar og Reynisvatns-
vegar.
Öryggi gangandi vegfarenda mun einnig aukast. Stofnstígur
(göngu- og hjólastígur) ásamt reiðstíg, sem þegar ná norður
fyrir Grafarlæk, verða framlengdir að Úlfarsá.
Stígarnir fara undir nýju brúna að vestanverðu og síðan í
göngum undir tengirampa. Gönguleiðin tengist með rampa og
tröppum yfir brúna og tengir Grafarholt við Grafarvog. Stígarnir
eru þriggja metra breiðir og liggja nánast saman í undirgöngum
og undir brú en eru aðgreindir þar með handriði eða vegg.
Annars eru þeir mest aðskildir.
Í síðari áföngum verður brúin yfir Hringveginn tvöfölduð og
römpum fjölgað í samræmi við það. Árið 2000 var umferð um
Víkurveg um 10.000 bílar á sólarhring að meðaltali en árið 2008
er áætlað að umferð um Víkurveg verði u.þ.b. 16.000 bílar á
sólarhring og umferð á Hringvegi undir brúna um 20.000 bílar
á sólarhring.
Mannvirki
Nýja brúin er sú syðri af tveim fyrirhuguðum. Hún er staðsteypt,
eftirspennt plötubrú. Hún myndar 21° horn við Hringveg og
hvílir á landstöplum hvoru megin og einum stöpli í miðeyju. Öll
hönnun miðar að því, að halda þversniði opnu til að mynda
léttleika í ásýnd mannvirkisins.
Helstu magntölur: Vegagerð: gröftur 100.000 m3,
fyllingar 130.000 m3, malbikaðir fletir 25.000 m2.
Brúargerð: mótafletir 4.000 m2, steinsteypa 1.500 m3.
Að verkinu standa Vegagerðin og Reykjavíkurborg. Samtímis
þessari framkvæmd var unnið við endurnýjun og lagfæringar á
stofnlögnum Orkuveitu Reykjavíkur á svæðinu.
Áætlaður kostnaður: 445 m.kr. Þar af er hlutur Vegagerðarinn-
ar 69% eða 307 m.kr. og hlutur Reykjavíkurborgar 31%, eða
138 m.kr. Kostnaður Orkuveitu Reykjavíkur vegna færslu lagna
er 18.kr.
Helstu hönnuðir og ráðgjafar: VSO – Ráðgjöf. samræming
hönnunar, Almenna verkfræðistofan hf. veghönnun,
Gláma-Kím arkitektar, Landark ehf. landslagsarkitektar,
Fjarhitun hf. lagnir, Orkuveita Reykjavíkur götulýsing,
Vinnustofan Þverá ehf. umferðarljós.
Aðalverktakar: Sveinbjörn Sigurðsson ehf. brúarsmíði,
Jarðvélar sf. jarðvinna. Eftirlit: Línuhönnun hf.
Einnig hafa fjölmargir starfsmenn Vegagerðarinnar, Reykja-
víkurborgar og Orkuveitu Reykjavíkur komið að þessu verki.
Yfirlit framkvæmda - kort
Að gefnu tilefni er rétt að eftirfarandi komi fram. Á kortum
yfir framkvæmdir 2002 sem hafa birst í þessu blaði í vor og
sumar eru vegir merktir inn sem stofnvegir, tengivegir og
landsvegir. Kortagrunnurinn sem notaður hefur verið er ekki
nákvæmlega réttur með tilliti til þessa og hafa borist
ábendingar um villur. Reynt verður hafa þetta réttar á næsta
ári en þessi kort eru fyrst og fremst til að gefa nokkra yfirsýn
yfir framkvæmdir en ekki ábyggilegar heimildir um vega-
kerfið að öðru leyti.
Untitled-1 18/7/02, 2:14 am2