Framkvæmdafréttir Vegagerðarinnar - 26.08.2002, Side 1
29. tbl. /02
Ritstjórn
og umsjón útgáfu:
Viktor Arnar
Ingólfsson
Ábyrgðarmaður:
Gunnar Gunnarsson
Prentun: Gutenberg
Vegagerðin gefur út Framkvæmdafréttir til að kynna útboðs-
framkvæmdir fyrir verktökum. Fyrirhuguð útboð eru kynnt,
útboðsauglýsingar eru birtar og greint er frá niðurstöðum og
samningum. Auk þess er í blaðinu annað það fréttaefni sem
verður til hjá stofnuninni og talið er að eigi erindi til verktaka.
Áskrifendur eru m.a. verktakar, verkfræðistofur og fjölmiðlar.
Áskrift er endurgjaldslaus.
Ósk um áskrift sendist til:
Vegagerðin
Framkvæmdafréttir
Borgartúni 7
105 Reykjavík
(bréfsími 522 1109)
eða vai@vegag.is
Framkvæmdafréttir Vegagerðarinnar 29. tbl. 10. árg. nr. 312 26. ágúst 2002
Samskipti við Lettland
Þann 12. ágúst var skrifað undir samkomulag vegagerða Íslands
og Lettlands um samvinnu þessara stofnana næstu þrjú árin.
Þetta er framlenging á samkomulagi sem var undirritað 4. júní
1999 í Lettlandi.
Markmiðið er að skiptast á upplýsingum og tækniþekkingu,
meðal annars á sviði áætlana, hönnunar, viðhalds, framkvæmda
og gagnagrunna.
Samskiptin verða að nokkru leyti í tengslum við fundi Norræna
vegtæknisambandsins og Baltneska vegtæknisambandsins en
einnig verða gagnkvæmar heimsóknir tæknimanna á milli land-
anna. Þá munu tæknimenn verða í tölvupóstsambandi.
Helgi Hallgrímsson sitjandi til vinstri og Olafs Kronlaks til
hægri skrifa undir samninginn. Standandi frá vinstri: Rögn-
valdur Jónsson, Gunnar Gunnarsson, Jón Rögnvaldsson,
Daiga Mezapuke og Martins Dambergs.
Þórsmerkurvegur (F249) 02-085
Vegagerðin, Suðurlandsumdæmi, óskar eftir tilboðum í
gerð Þórsmerkurvegar (F249) frá varnargarði og út fyrir
Nauthúsagil, um 2,5 km.
Helstu magntölur eru: neðra burðarlag, óunnið efni
22.100 m3, ræsi 48 m, malarslitlag 1.600 m3.
Verki skal að fullu lokið 15. nóvember 2002.
Útboðsgögn verða seld hjá Vegagerðinni á Selfossi og í
Borgartúni 7, Reykjavík (móttaka), frá og með mánudeg-
inum 26. ágúst 2002, Verð útboðsgagna er kr. 1.500.
Skila skal tilboðum á sömu stöðum fyrir klukkan 14:00
mánudaginn 9. september 2002 og verða þau opnuð þar
kl. 14:15 þann dag.
Auglýsingar útboða
Vegflokkar, sjá kort í opnu
Í opnu þessa blaðs er kort sem sýnir hvernig þjóðvegakerfinu er
skipt upp í flokka, þ.e. stofnvegi, tengivegi og landsvegi. Fjórði
flokkurinn safnvegir eru ekki merktir á kortið. Vegaskrá og
upplýsingar um skiptingu vegakerfis í vegflokka og vegalengdir
er að finna á vegagerdin.is undir „vegakerfið“.
Samkvæmt vegalögum (nr.45/1994) er vegakerfi landsins
skipt í þjóðvegi annars vegar og almenna vegi, einkavegi, reið-
vegi og hjólreiða- og göngustíga hins vegar.
Þjóðvegir
Vegagerðin er veghaldari þjóðvega en veghald merkir forræði
yfir vegi (vegagerð, þjónusta og viðhald). Þjóðvegir eru þeir
vegir sem ætlaðir eru almenningi til frjálsrar umferðar, haldið er
við af fé ríkisins og upp eru taldir í vegáætlun, safnvegaáætlun
og landsvegaskrá. Þeir skulu mynda eðlilegt, samfellt vegakerfi
til tengingar byggða landsins. Þjóðvegum er skipað í flokka eftir
eftirfarandi reglum.
Stofnvegir
Vegir sem ná til 1.000 íbúa svæðis og tengja slík svæði saman.
Víkja má frá reglunni um íbúafjölda ef um er að ræða tengingu
kaupstaða eða kauptúna sem mynda samræmda heild frá
atvinnulegu eða félagslegu sjónarmiði. Sama gildir um vegi
sem hafa mikla árstíðabundna umferð eða þar sem innan 10 ára
má búast við 1.000 bíla umferð á dag yfir sumarmánuðina. Við
það stofnvegakerfi sem þannig fæst skal tengja með stofnvegi
þéttbýli 400 íbúa eða fleiri enda sé tengingin ekki lengri en 20
km, svo og þéttbýli með 200-400 íbúa ef tenging er ekki lengri
en sem svarar 5 km fyrir hverja 100 íbúa í þéttbýlinu. Þar sem
stofnvegur endar í þéttbýli skal hann ná til þess svæðis sem
mikilvægast er fyrir athafnalíf þéttbýlisins.
Tengivegir
Vegir sem tengja safnvegi við stofnvegi og ná að þriðja býli frá
vegarenda þar sem búseta er. Þetta ákvæði gildir þó ekki ef um
er að ræða veg í kaupstað eða kauptúni. Einnig má telja tengiveg
að innsta býli þar sem landsvegur liggur úr byggð. Þar sem
tengivegur tengir þéttbýli við stofnvegakerfið skal hann ná til
þess svæðis sem mikilvægast er fyrir athafnalíf þéttbýlisins.
Vegir að flugvöllum þar sem starfrækt er reglubundið áætlunar-
flug og vegir að höfnum og bryggjum, ef þaðan eru stundaðar
áætlunarsiglingar, skulu einnig vera tengivegir ef þeir eru ekki
stofnvegir samkvæmt skilgreiningu um þann vegflokk.
Framhald texta á baksíðu og kort í opnu
Untitled-2 22.8.2002, 9:401