Framkvæmdafréttir Vegagerðarinnar - 11.01.2016, Blaðsíða 2
2
Vaðlaheiðargöng, staða framkvæmda 21. desember 2015. Búið er að sprengja samtals 4.619 m sem er 64,1% af heildarlengd.
3.144 m
Eyjafjörður
Vegskáli
Frá Rannsóknasjóði Vegagerðarinnar
Vegagerðin veitir árlega styrki til rannsóknaverkefna, en
samkvæmt vegaglögum skal a.m.k. 1,5% af mörkuðum
tekjum stofnunarinnar varið til rannsókna.
Aðilar innan og utan Vegagerðarinnar geta sótt um fjár
framlög til rannsóknaverkefna. Rannsóknarráð stofnunar
innar sér um úthlutun styrkja.
Hlutverk rannsókna Vegagerðarinnar er m.a. að stuðla að
því að hún geti uppfyllt þau markmið sem henni eru sett á
hverjum tíma sem og að afla nýrrar þekkingar á starfssviði
hennar.
Rannsóknum Vegagerðarinnar er skipt í fjóra megin
flokka: Mannvirki; Umferð; Umhverfi; Samfélag. Innan
Vegagerðarinnar starfa þrjár fagnefndir sem eru til ráðgjafar
um rannsóknir innan þessara flokka. Ein um mannvirki,
önnur um umferð og sú þriðja um umhverfi og samfélag.
Eins og undanfarin ár munu fagnefndirnar skilgreina, eða
láta skilgreina verkefni á sínu sviði og mun hluta sjóðsins
árið 2016 verða varið til slíkra verkefna. Annars eru áherslur
nefndanna eins og fram kemur hér á eftir.
Fagnefnd um mannvirki leggur áherslu á rannsóknir
tengdar slitlögum (malarslitlögum, klæðingarslitlögum
og malbiksslitlögum). Jafnframt er lögð áhersla á fram
kvæmda eftirlit og sjávarrannsóknir (flóð, öldufarsupp lýs
ing ar o.s.frv.).
Fagnefnd um umferð leggur áherslu á umferðar og
Styrkir til rannsóknaverkefna 2016
Frestur til að skila umsóknum
rennur út 3. febrúar 2016
um ferðar öryggismál sem tengjast erlendum ferðamönnum,
sem og hjólreiðum.
Fagnefnd um umhverfi og samfélag leggur fram víðtæk
áhersluatriði tengd báðum málaflokkum. Má þar nefna: leiðir
til að draga úr losun CO2 frá umferð á landi og sjó; röskun og
mengun umhverfis vegna framkvæmda og viðhalds vega og
hafnamannvirkja; vegagerð og ferðamennska; hagfræðilegar
greiningar (s.s. mat á arðsemi, verðmat og vísitölur); miðlun
upplýsinga.
Við skilgreiningar rannsóknaverkefna skal í upphafi áætla
hverjir koma til með að nota niðurstöður úr verkefnunum
og gefa þeim tækifæri á að koma að mótun verkefnisins og
innleiðingu niðurstaðna ef þurfa þykir. Þá er einnig bent á
að mikilvægt er að kanna heimildir um fyrri rannsóknir, sem
hugsanlega hafa verið gerðar, tengdar viðkomandi umsókn
um verkefnastyrk.
Vegagerðin er í samstarfi við systurstofnanir sínar á
Norðurlöndunum um rannsóknir. Því má gjarnan velta fyrir
sér hvort verkefnahugmynd hafi norræna skírskotun, þ.e.
er líklegt að það sem fjalla á um í verkefninu sé einnig
áhugavert fyrir hin Norðurlöndin? Það má gjarnan koma
fram í umsókninni, en ekki er gerð krafa um það.
Umsækjendur þurfa að fylla út umsóknareyðublað sem
finna má á vef Vegagerðarinnar (www.vegagerdin.is) undir
liðnum „Beint að efninu“, sem finna má á forsíðunni,
neðarlega til hægri. Frestur til að skila umsóknum rennur út
á miðnætti miðvikudaginn 3. febrúar 2016.
Upplýsingar um verkefni sem fá fjárveitingu verða birtar á
vef Vegagerðarinnar.
Hringvegur (1) á Meleyri í Breiðdal. Helgustaðavegur (954).