Kópavogsblaðið - 01.09.2008, Blaðsíða 2
Vetrarstarf Molans
hafið
Vetrarstarf Molans, menning-
ar- og tómstundahúss að Hábraut
2, beint á móti Salnum og Gerð-
arsafni, er nýhafið Molinn tók til
starfa á Kópavogsdögum sl. vor.
Molinn er samkomustaður með
litlu kaffihúsi, fullkomnum sal til
tónleikahalds, listagalleríi og fund-
araðstöðu. Nýlega stóð yfir sýning
á teikningum Aldísar Davíðsdóttur
í Molanum. Þetta var fyrsta sýning
Aldísar en yfirskrift sýningarinnar
var „One is the lonliest number“ og
er viðfangsefnið fjölbreytt birting-
armynd fjölskyldunnar. Sýningunni
lauk 13. september sl. með því að
haldið var uppboð á verkum Aldís-
ar til styrktar leiklistarnámi sem
hún hefur í haust við Rose Bruford
í London.
Vilji til að auka aðdrátt-
arafl Hálsatorgs
Skipulagsnefnd Kópavogs hefur
samþykkt að fela bæjarskipulagi að
leggja fram hugmyndir um hvernig
stuðla megi að fjölbreyttari notkun
á Hálsatorgi og auka aðdráttarafl
torgsins. Segja má að það sé löngu
tímabært að gera Hálsatorg meira
aðlaðandi og auka áhuga almenn-
ings að koma þangað setjast nið-
ur og njóta þess að dvelja þar. Þar
er hins vegar enginn gróður, engir
bekkir til að setjast á og yfirleitt ekk-
ert um að vera sem vekur áhuga.
Það er helst þegar fyrirtæki efna til
tónleika vegna opnunar eða tíma-
móta og svo kemur jólasveinninn
þar á aðventunni að venju. En auð-
vitað vilja Kópavogsbúar þar meira
líf svo þessi hluti Kópavogs standi
undir þeim væntingum að vera kall-
aður miðbær. Annars flyst hann
einfaldlega eitthvað annað.
Bæta á siðferði
bæjarfulltrúa
Fulltrúar Framsóknar- og Sjálf-
stæðisflokks lögðu til á fundi bæj-
arráðs nýverið að bæjarritara og
gæðastjóra verði falið að vinna
drög að siðareglum sem verði lögð
fyrir bæjarráð til frekari úrvinnslu.
Bæjarráð samþykkti tillöguna með
þremur greiddum atkvæðum en
felldi tillögu Guðríðar Arnardótt-
ur um að málinu yrði frestað með
þremur atkvæðum, en tveir gre-
iddu atkvæði með henni.Ólafur Þór
Gunnarsson, bæjarfulltrúi VG lét
bóka eftirfarandi: ,,Við fögnum við-
leitni meirihlutans til að bæta vinnu-
brögð og siðferði í Kópavogi, en
þykir miður að kjörnir fulltrúar allra
flokka komi ekki að mótun þessara
reglna á fyrstu stigum. Við vísum
til niðurstöðu starfshóps í Reykja-
vík er undirbjó mótun siðareglna
fyrir borgina. Það sé lykilatriði að
siðareglur séu settar af meðlimum
þess hóps sem þær ná yfir og þeir
líti á sem sínar eigin. Gunnar Ingi
Birgisson bæjarstjóri benti á að
afgreiðsla og fullvinnsla siðareglna
verði á höndum bæjarráðsfulltrúa,
sem eru kjörnir fulltrúar.
Óskað byggingaleyfis
að Álfhólsvegi 111
Lagt hefur verið fram erindi á
fundi skipulagsnefndar þar sem
gert er ráð fyrir að fjarlægja hús á
lóðinni Álfhólsvegur 111 og reisa
þess í stað þriggja hæða hús með
4 íbúðum auk niðurgrafinnar
bílageymslu fyrir fjórar bifreiðar.
Enn fremur er gert ráð fyrir vagna-
geymslu og útigeymslu með sorp-
geymslu sambyggðri við göngubrú
sem liggur frá þaki bílageymslu að
innkomupalli annarrar hæðar húss-
ins. Gert er ráð fyrir tveimur íbúð-
um á jarðhæð og einni íbúð á hvor-
ri hæð þar fyrir ofan. Heildarstærð
húss utan bílageymslu og kaldra
geymslurýma á lóð verður allt
að 590 m? og nýtingarhlutfall allt
að 0,6. Skipulagsnefnd hefur sam-
þykkt að lóðarhafi vinni deiliskipu-
lagstillögu fyrir umrædda lóð og
geri húsakönnun í samræmi við
23. gr. skipulags- og byggingarlaga
nr. 73/1997. Fulltrúar Samfylking-
arinnar ítrekuðu ósk um skriflegt
álit skrifstofustjóra framkvæmda-
og tæknisviðs og Skipulagsstofn-
unnar um lögmæti deiliskipulags
– almennt á einni lóð í hverfum þar
sem deiliskipulag liggur ekki fyrir.
Skipulagsnefnd samþykkti að tillag-
an verði auglýst. Fulltrúar Samfylk-
ingarinnar óskuðu að bókað yrði:
„Í þéttbýli skal deiliskipulag að
jafnaði ekki taka yfir minna svæði
en götureit. Álit Skipulagsstofnun-
ar sem Samfylkingin óskaði eftir
staðfestir að reglugerðina ber að
skilja eftir orðanna hljóðan. Fulltrú-
ar Samfylkingarinnar leggjast gegn
þessu máli.”
Deiliskipulag án
deiliskipulags!
Á fundi skipulagsnefndar 26.
ágúst sl. var lagt fram bréf Skipu-
lagsstofnunar frá 4. júlí sl. en erind-
ið varðar lögmæti deiliskipulags
almennt á einni lóð í hverfum, þar
sem deiliskipulag liggur ekki fyrir.
Erindið var lagt fram en umræðu
frestað.
Elísabet Sveinsdóttir
kynningarstjóri
Salarins
Á fundi stjórnar Tónlistarhúss
Kópavogs (Salarins) í lok ágústmán-
aðar var samþykkt tillaga forstöðu-
manns og starfsmannastjóra að
Elísabet Sveinsdóttir, Fífuhvammi
29 verði valin í starf kynningar-
stjóra Salarins. 64 umsöknir bárust.
Samþykkt var tillaga tæknimanns
Salarins um endurnýjun á tæknibún-
aði Salarins upp á ríflega 2 milljónir
króna. Rætt var um að gefa út hljóm-
disk með Terem kvartettinum frá
Rússlandi, en tónlist á þeim diski
höfðar til barna. Áætlaður kostnað-
ur við gerð disksins (2.500 eintök)
er 1,5 - 2 milljónir króna. Diskurinn
mun verða til sölu í Salnum, einnig
verður hann boðinn grunn- og leik-
skólum á höfuðborgarsvæðinu til
sölu. Kynningarstjóra var falið að
markaðssetja hljómdiskinn. Talið
er aðkallandi að endurnýja borð
og stóla í forrými Salarins en tillaga
þess efnis verður lögð fyrir næsta
fund.
Hringtorg við
Nýbýlaveg verður fært
Tekist hefur sátt um breytingar á
Nýbýlavegi í samræmi við tillögur
bæjarráðs Kópavogs 12. júní sl. um
færslu á veglínu í suður frá fjölbýlis-
húsi við Lund 1. Með úrskurði sýslu-
mannsins í Kópavogi 23. júní sl. var
að kröfu húsfélagsins að Lundi 1
lagt lögbann við vegaframkvæmd-
um næst húseigninni. Við þingfest-
ingu í héraðsdómi Reykjaness 3.
september sl. var lögð fram dóms-
sátt sem kveður á um að veglína
Nýbýlavegar og Lundarbrautar og
hringtorg á Nýbýlavegi suðaustan
við fasteignina Lund 1 verði færð
fjær húsinu um sem nemur u.þ.b. 6
metra. Strætisvagnabiðskýli verður
auk þess fært lengra til vesturs en
ákveðið hafði verið og gerð hljóð-
vistarmannvirkja flýtt. Með dóms-
sáttinni féll lögbannið niður.
Lausar kennslustof-
ur samþykktar við
Waldorfskóla
Á fundi skipulagsnefndar var
lagt fram erindi Ásmegin sjálfs-
eignastofnunnar þar sem óskað er
eftir bráðabirgðaleyfi fyrir lausum
kennslustofum fyrir Waldorfskóla í
Lækjarbotnalandi vegna þrengsla
sem fyrir eru. Ekki er gert ráð fyrir
fjölgun nemenda.
Skipulagsnefnd vísaði erindinu til
umsagnar sviðstjóra framkvæmda-
og tæknisviðs og Heilbrigðiseftirlits
Kópavogs og fékk þær til baka. Á
grundvelli þeirra var erindið sam-
þykkt.
Loksins hillir undir
vinnureglur um
auglýsingaskilti
Á fundi skipulagsnefndar
12. ágúst sl. var lagt fram erindi
umhverfisráðs þar sem óskað er
eftir að skipulagsnefnd skipi tvo
aðila í vinnuhóp til að ákvarða
vinnureglur um merkingar og skilti
í Kópavogi, en með fylgdu drög að
,,leiðbeinandi viðmiðum varðandi
uppsetningu auglýsingaskilta í lög-
sögu Kópavogs.” Skipulagsnefnd
skipaði þá Einar Kristján Jónsson
og Hreggvið Norðdahl í vinnuhóp
um vinnureglur um merkingar á
skilti í Kópavogi.
2 Kópavogsblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Ritstjóri: Geir A. Guðsteinsson, Sími 564 5933, 898 5933
Netfang: geirgudsteinsson@simnet.is
Auglýsingasími: 511 1188 • 561 1594 • 895 8298
Netfang: borgarblod@simnet.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Landsprent ehf.
Dreifing: Íslandspóstur
9. tbl. 4. árgangur
Kópavogsblaðinu er dreift frítt í öll hús í Kópavogi.
S T U T T A R
B Æ J A R F R É T T I R
Í búar Kópavogs voru um mitt þetta ár 29.300 samkvæmt bráðabirgða-tölum Hagstofunnar, og fer stöðugt fjölgandi, töluvert meira en lands-meðaltal eins og mörg undanfarin ár. Ef fjölgunin verður eins mikil
umfram landsmeðaltal og hún hefurverið síðustu misseri verða Kópavogs-
búar orðnir 37.000 talsins innan næstu 10 ára en varlegt er að reikna með
því þar sem búast má við að eitthvað dragi úr þessum öra vexti bæjarins,
a.m.k. tímabundið. Kópavogur hefur alveg stungið önnur sveitarfélög af
í óopinberri keppni um að vera næst stærsta sveitarfélag landsins því
íbúar í Hafnarfirði eru liðlega 25.000 þrátt fyrir umtalsverðan vöxt þar og
íbúum á Akureyri fjölgar mjög hægt, eru nú um 17.000. Landsmenn eru
nú um 316 þúsund talsins svo íbúar Kópavogs eru 9,2% landsmanna. Ald-
urssamsetning íbúa ber merki þessa öra vaxtar nokkur merki. Tveir íbúar
eru eldri en 100 ára, um 400 urðu fimmtugur á þessu ári og sami fjöldi
fermdist á þessu ári. Um 470 Kópavogsbúar eru á fyrsta ári og á þessu ári
ná nærri 70 íbúar þeim áfanga að verða 67 ára, þ.e. að komast á eftirlaun.
Þeim íbúum sem komast á eftirlaun á næstu árum mun hins vegar fjölga
mun hraðar. Gunnar I. Birgisson bæjarstjóri gerir ráð fyrir að Kópavogsbú-
ar verði orðnir 30 þúsund í febrúar eða mars á næsta ári, og náist það hef-
ur íbúum fjölgað um 1.200 á rúmu ári. Á bæjarskrifstofunni er fylgst náið
með hækkandi íbúatölu, bæði nýfæddra og aðfluttra, en hugmyndin er að
heiðra 30.000 íbúann, en árið 1998 var íbúi 20.000 heiðraður. Bæjarstjóri
segir ekkert gert af hálfu bæjaryfirvalda til að lokka fólk til búsetu í Kópa-
vogi, það komi af sjálfsdáðun enda viti allir landsmenn að það sé gott að
búa í Kópavogi.
Fullkomið eftirlitsmynda-
vélakerfi loks í notkun
Ómar Stefánsson, formaður bæjarráðs Kópavogs, tók nýlega í notk-un nýtt og fullkomið eftirlitsmyndavélakerfi í Sundlaug Kópavogs með formlegum hætti. Kerfið er eina sinnar tegundar hérlendis og
nemur hreyfingarleysi líkama á sundlaugarbotni og er því löngu tímabært
að slíkt kerfi sé nýtt. Hörmuleg slys sem hafa orðið í lauginni undirstrika
það með afdráttarlausum hætti. Vonandi verður slíkt kerfi einnig sett upp
í Versalalaug í Salahverfi, sundiðkendum þar til frekara öryggis. Mynda-
vélakerfi sem nemur hreyfingarleysi hefur gefið mjög góða raun erlendis
og orðið mörgum til bjargar sem af einhverjum ástæðum hafa sokkið til
botns og ekki getað bjargað sjálfum sér.
Íþrótta- og félagsandi
N ú er að hausta, hefðbundnar haustrigningar og rok hafa hafið inn-reið sína. Knattspyrnuvertíðinni er senn að ljúka og við taka íþrótt-ir sem stundaðar eru innanhús að mestu, að undanskilinni skíðaí-
þróttinni. Stöðugt fleiri stunda einhverja líkamsrækt yfir vetrarmánuðina,
ýmist í líkamsræktarstöðvum, með því að nota íþróttahúsin með þátttöku
í einhverjum hópíþróttum til keppni eða til skemmtunar eða stunda sund,
en frábærar sundlaugar í Kópavogi hafa verkað mjög hvetjandi á alla
sundiðkun. Sumir láta sér það nægja að fylgjast með íþróttum, t.d. með
því sjá leiki Kópavogsliðanna í handknattleik, körfuknattleik og blaki eða
sjá fimleika sem eru orðnir í fremstu röð í Kópavogi. Það er að vissu leiti
hreyfing ef tekið er þátt í leiknum af lífi og sál frá áhorfendabekkjunum.
Vonandi koma sem flestir í vetur til þess að fylgjast með keppni í bolta-
íþróttum, fimleikum, karate eða öðrum íþróttagreinum, sjálfum sér og
keppendum til ánægju. Það er viss tegund félagsþroska, og mjög gefandi.
Geir A. Guðsteinsson
Kópavogsbúar
30 þúsund í byrjun
næsta árs
SEPTEMBER 2008