Vestfirska fréttablaðið - 06.08.1982, Blaðsíða 6

Bruni að Mjógötu 7
— Eldur í kjallara að Fjarðarstræti 6
f júlímánuöi var slökkvilið
ísafjarðar kallað út tvisvar
sinnum. Laugardaginn 24. júlí
kom upp eldur að Mjógötu 7 á
isafirði og varð af mikið tjón
bæði á húsinu, sem er einlyft
timburhús forskalað með risi,
svo og á innbúi. Tvö ungmenni
sluppu naumlega út úr húsinu
áður en það varð alelda. Að
sögn Guðmundar Helgasonar
slökkviliðsstjóra tók um hálf-
tíma að ráða niðurlögum elds-
ins, en slökkvistöðin er gegnt
Mjógötu 7.
Síðast liðinn föstudag kom
upp eldur f tauþurrkara að
Fjarðarstræti 6, sem er fjölbýl-
ishús, og fylltist kjallarinn af
reyk. Urðu slökkviliðsmenn að
nota reykgrímur til þess að
komast að eldinum. Engar
skemmdir urðu á húsum, en
þurrkarinn hins vegar ónýtur
og það sem í honum var. f
öryggisskyni yfirgaf fólk húsið
meðan á slökkvistarfi stóð.
f.
Frá brunaútkalli
að Fjarðarstræti 6.
Mótmæla
sela-
drápinu
Vilja örva myndun
fyrirtækja í smá-
iðnaði
—Ætti ekki að ganga verr að útvega fjármagn,
segir Halldór Árnason, iðnráðgjafi.
Aðalfundur Búnaðarsam-
bands Vestfjarða 1982 harmar
framkomnar aðgerðir hring-
ormanefndar varðandi sela-
dráp eins og þær eru fram-
kvæmdar, þar sem hverjum og
einum eru greidd verðlaun án
takmarkana. Atelur fundurinn
það m.a. að veiðimönnum skuli
ekki vera gert skylt að eyða
skrokkum þeirra sela sem
skotnir eru, sem verður til þess
að hræ þeirra rekur á fjörur til
mikils óþrifnaðar. Þá er spurn-
ing hvort arnastofnlnum stafar
ekki hætta af slíkum hræjum
vegna fitubrækju.
Þá verður það að teljast ó-
viðeigandi svo ekki sé meira
sagt að eyðingaraðgerðir á sel
með þeim hætti sem að framan
er greint, fari fram við fjörur
friðlýsta svæðisins í Jökul-
fjörðum og Hornströndum.
Staðreynd er að núverandi á-
stand er óviðunandi þar sem
jafnvel hver sem er hefur vaðið
um selalátur, eytt sel og fjar-
lægt kjálka og fleygt hræjum.
Telur fundurinn nauðsynlegt
að verðlaun verði aðeins
greidd sérráðnum veiðimönn-
um og bændum. Einnig að
verðlaun verði hækkuð fyrir
drepna kópa.
Samþykkt í einu hljóði.
Blaðinu hefur borist fréttatil-
kynning frá iðnaðarráðuneyt-
inu þar sem frá því er skýrt, að
ákveðið hafi verið að hrinda af
stað verkefni til að örva mynd-
un smáfyrirtækja í iðnaði og
nýsköpun í starfandi iðnfyrir-
tækjum. f fréttatilkynningunni
segir, að í verkefnið sé ráðist í
framhaldi af setningu laga um
iðnráðgjafa og megi líta á það
sem einn þátt af mörgum til að
stuðla að iðnþróun í landinu.
Þá segir: „Víða um land er fólk
að velta fyrir sér hugmyndum
um smáiðnað, en oft skortir
þekkingu og aðstoð til að fá úr
því skorið hvort um raunhæfa
kosti sé að ræða. Til verkefnis-
ins er m.a. stofnað í samstarfi
við Framkvæmdastofnun rfkis-
ins, Iðnþróunarsjóð og Iðn-
rekstrarsjóð. Verkefnið byggist
jöfnum höndum á miðlun þekk-
ingar og sjálfsnámi. Leitað
verður eftir þátttakendum frá
öllum landshlutum og fyrst og
fremst skírskotað til þeirra sem
búa yfir hugmyndum um ný
viðfangsefni í iðnaði eða ný-
sköpun í starfandi iðnfyrirtækj-
um.“
Undirbúningur að þessu verk-
efni hófst haustið 1981. I sumar
fer fram þjálfun leiðbeinenda,
sem aðstoða munu þátttakendur.
Verkefnið verður síðan kynnt
rækilega í fjölmiðlum og á ýmsan
annan hátt seinna í sumar og þá
jafnframt auglýst eftir þátttak-
endum.
Norska ráðgjafafyrirtækið Ind-
evo a/s mun aðstoða við fram-
kvæmd verkefnisins, en það fyrir-
tæki hefur tekið þátt í hliðstæð-
um verkefnum á öðrum Norður-
löndum, m.a. í Norður — Noregi.
Ráðuneytið hefur falið nýskipaðri
samstarfsnefnd um iðnráðgjöf í
landshlutunum að hafa umsjón
með verkefninu í samvinnu við
iðnráðgjafa, er þar starfa. Einnig
hefur Halldór Árnason, iðnráð-
gjafi, verið ráðinn til starfa við
verkefnið frá l. ágúst.
©
PÓLLINN HF
Isafirði
Sími3792
ASAHI
ÚTVÖRP — SEGULBÖND —
VASADISCO
Topp tæki frá Japan
á mjög góðu verði
1 ÁRS ÁBYRGÐ — VIÐURKENND
VIÐGERÐARÞJÓNUSTA
vestfirska^ I
FRETTABLASID
ERNIR V
ISAFIROI
Símar 3698 og 3898
BILALEIGA
VERSLUNARSTARF
Viljum ráða röskan verslunarmann til
aðstoðar við sölu og afgreiðslu í verslun
vorri, ásamt móttöku á vörum og öðr-
um skyldum störfum.
FJÖLBREYTT
FRAMTÍÐARSTARF
UPPLÝSINGAR VEITIR
ÓSKAR EGGERTSSON
Póllinn hf.
Okkur vantar
starfsfólk
Einnig
góða íbúð
a leigu fyrir kokk

Upplýsingar hjá Úlfari,
símar 3166 — 3777
HAMRABORG HF.
HÓTEL HAMRABÆR
Veislumatseðill
um helgina
Pantið borð
tímanlega

Opið daglega frá kl. 9:00 — 21:00
HÓTEL HAMRABÆR
Mánagötu 1 — Sími 3777 — ísafirði
BLÓÐ, SVITI OG TÁR
í tilefni þessa verkefnis hafði
Vestfirska fréttablaðið samband
við Halldór Árnason, sem starfað
hefur sem iðnráðgjafi á Austur-
landi síðustu misseri, og innti
hann nánar eftir þessu máli.
Sagði Halldór meðal annars, að
nú væri hópur væntanlegra leið-
beinenda á förum til Noregs til að
undirbúa sig undir verkefnið.
„Við sækjum þessar hugmyndir
til Noregs all rnikið," sagði Hall-
dór, „og einnig til Svíþjóðar.
Menn hafa náð nokkuð góðum
árangri í Norður — Noregi, þar
sem aðstæður eru líkar og hér,
bæði á Austfjörðum og fyrir vest-
an, en þar hefur sams konar að-
ferður verið beitt og við erum að
fara út í hér.“
Þá var Halldór inntur eftir því,
hvort þarna væri á döfinni aukin
fjármagnsfyrirgreiðsla til handa
þeim sem tækju þátt í þessu verk-
efni og hygðust notfæra sér þekk-
inguna þegar heim væri komið:
„Við höfum sagt fólki, að það
eina sem við lofum því er blóð,
sviti og tár, það er ekkert sem
gefur fyrirheit um fjármagnsfyrir-
greiðslu, hins vegar er ætlunin að
kanna allar þær hliðar sem snerta
eitt fyrirtæki, frá hráefnisöflun til
markaðar og allt þar á milli. Hins
vegar ætti það ekki að ganga verr
fyrir mönnum að útvega fjármagn
eftir að hafa unnið að verkefnum
í líkingu við það sem við erum að
gera. Þátttaka í þessu er hins
vegar ekki ávísun á neinn sjóð,“
sagði Halldór Árnason að lokum.
f.
BÍLALEIGA
Nesvegi 5 — Súðavik — 94-Wll — 6932
Grensásvegi 77 — Reykjavík — 91-37688
Sendum bílinn
Opið allan sólarhringinn