Vestfirska fréttablaðið - 08.03.1984, Síða 1
10. tbl. 10. árg.
vestíirska
8. mars 1984
FRETTABLADIS
FLUGLEIÐIR
ÍSAFJARÐARFL UG VELLI
SÍMI 3000 OG 3400 ^
FLUGLEIDIR
Það er ekki ofseint að panta
FERMINGARFÖTIN
En það er vissara að gera það strax,
því síðasta sendingin kemur í nœstu viku.
Verslunin
ísafirði sími 3103
Rœkjuveiðamar
í Djúpinu:
388 tonna
viðbót
—fiskifræðingar mæltu
með 200 tonnum
Ráðuneytið hefur látið þau
boð út ganga að hífa megi 388
tonn af rækju til viðbótar upp-
úr ísafjarðardjúpi. Er þetta
næstum tvöfalt það magn sem
fiskifræðingar mæltu með,
sem var 200 tonn og byggt á
góðri útkomu ársgamallar
rækju, en menn höfðu óttast að
fá annan jafn slæman árgang
og í fyrra, þ.e.a.s. tvo slæma
árganga í röð.
„Okkur finnst þetta heldur
mikil viðbót," sagði Guðmundur
Skúli Bragason hjá Rannsóknar-
stofnun fiskiðnaðarins þegar við
spurðum hann álits, og kvað hann
fiskifræðinga nokkuð uggandi.
Hann gat þess og að töluvert væri
af síld í Djúpinu og nefndi ‘82
árganginn í því sambandi. Mest
sagði hann vera á ákveðnum
svæðum og reyndu menn að forð-
ast þau.
Reiknað er með að þessi 388
tonna viðbót dugi fram í apríl en
þá bætast við 60 — 70 tonn utan
kvóta sem menn fá til að veiða í
sjóði. Það má því segja að hagur
rækjumanna hafi vænkast svolít-
ið.
Þingeyri:
Endurbótum
á frystihús-
inu að ljúka
Sfðan sumarið 1982 hafa
staðið yfir endurbætur á frysti-
húsi Kaupfélags Dýrfirðinga á
Þingeyri, og er þeim nú að
mestu leyti lokið, að sögn
Bjarna Grímssonar kaupfé-
lagsstjóra.
Breytingarnar hófust með
því að byggð var ný fiskmóttaka
og var hún tekin í notkun í sept-
ember s.l. Nýr vélasalur var
byggður og sá gamli tekinn undir
lausfrysti. Og núna eftir áramótin
var síðan tekinn í notkun nýr
snyrti- og pökkunarsalur.
Um þessar mundir er ennfrem-
ur verið að setja upp nýja frysti-
vél.
„Þetta er gert til að fá fram
ákveðna hagræðingu og hag-
kvæmni í húsinu, þannig að ekki
þurfi sifellt að vera að hlaupa
fyrir horn,“ sagði Bjarni Gríms-
son. „Við erum núna að safna
kjarki til að Ijúka þessum fram-
kvæmdum," sagði Bjarni og kvað
hinn litla kvóta togaranna koma
illa við þá. „Hefðum við verið
látnir í friði, ef svo má að orði
komast, þá hefðum við kraflað
okkur út úr þessu á stuttum tima.
Þegar maður er bæði með dýr og
mikil skip og er að endurskipu-
leggja frystihúsið, þá kemur þetta
eins og hnífur í bakið,“ sagði
Bjarni Grímsson, kaupfélagsstjóri
á Þingeyri.
Þeir eru ekki stórir skammt-
arnir sem litlu bátunum er ætl-
að að veiða næsta sumar.
Margir þeirra fá kringum 20
tonna kvóta, en það getur einn
maður dregið á færi á þremur
vikum í góðu tíðarfari. Bersýni-
lega munu því margir neyðast
til að leggja bátum sínum í
lengri eða skemmri tíma og
óvíst hvernig mönnum reiðir af
fjárhagslega þegar það dæmi
verður gert upp. Heyrst hafa
hugmyndir um að safna kvót-
um nokkurra báta saman á
einn, en margir hugsa sér þó
að róa einir.
„Við fengum I71/: tonn og ég sé
ekki fram á annað en ég verði að
vera einn á bátnum, það er ekkert
hægt að skipta þessu,“ sagði Rafn
Oddsson, eigandi bátsins Gunn-
ars Sigurðssonar.
„Það fer nú eftir tíðarfari hvað
maður verður lengi að ná þessu
inn, en það ætti ekki að vera
nema fjórir túrar. Það eru 16
dagar í góðu tíðarfari," sagði
Rafn.
— Hvað gerirðu þá að því loknu?
„Það er nú þannig með mig að
ef mér dettur ekkert í hug þá get
ég lagt bátnum, því ég hef lagt
áherslu á að standa í skilum og
er nokkurn veginn búinn að
borga bátinn niður, svo ég er ekki
eins illa settur og margir aðrir.
Fyrir þá sem skulda í bátum er
ekkert annað að gera en að fara á
kúpuna. Þeir geta ekki farið á
úthafsrækju á svona litlum bátum
og ekki selt, því enginn kaupir bát
sem ekki má fiska. Aftur get ég
lagt mínum bát og fengið mér
aðra vinnu þangað til rækjuveið-
arnar hefjast aftur. Ef það verður
mjög gott veður og mér leiðist í
sumar, þá væri sá möguleiki fyrir
hendi að fara á lúðuveiðar, ef ég
má það. Ég á allar græjur til þess
og dálítið af efni í lóðir," sagði
Rafn Oddsson.
„Við fáum 27 tonn af þorski og
500 kg af ufsa,“ sagði Torfi
Björnsson og kvaðst verða einn á
sínum bát. „Við höfum verið þrír,
en ég sé ekki að þetta verði til
skiptanna. Það er líka augljóst að
ég verð að leggja bátnum stóran
part úr ári,” sagði Torfi, sem
rekur Örn ÍS.
„Við höfum undanfarin ár ver-
ið með 90 — 100 tonn og komist
hæst í um 150 tonn, þannig að
þetta er mikill niðurskurður. Og
þó maður vildi fara á síld þá
borgar það sig ekki vegna þess að
það er svo lítið borgað fyrir hana.
Við fengum ekki nema 3 kr. á
kílóið í fyrra og það fyrir þessa
fallegu síld “ sagði Torfi og kvað
hafa verið töluvert af síld í Djúp-
inu í fyrra.
Þegar við spurðum hvort hann
mundi fá sér aðra vinnu sagði
Torfi að þrengjast mundi á vinnu-
markaðnum þegar sjómenn af
litlu bátunum færu að leita sér
annarrar vinnu og því óvíst hvort
hann fengi vinnu sjálfur. Hins
vegar sagði hann að sér stæði til
boða að vera með bát á úthafs-
rækju í sumar, en væri ekki búinn
að gefa svar.
„En mér dettur ekki í hug að
vera með barlóm,“ sagði Torfi.
„Við Vestfirðingarnir björgum
okkur alltaf einhvern veginn.“
Liggja þeir í höfn lungann úr sumri?
Torfi Bjömsson:
Ljósm. Hrafn Snorrason
Við Vestfirðingamir björgum
okkur alltaf einhvem veginn
— Vestfirska ræðir við tvo bátasjómenn um aflamarkið
Súðavíkurhreppur:
íhugar sölu hlutabréfa í Frosta
— með aðra atvinnuuppbyggingu í huga
„Þetta er nú ósköp laust mótuð
hugmynd ennþá, en það sem ligg-
ur að baki er önnur atvinnuupp-
bygging," sagði Steinn Kjartans-
son, sveitarstjóri í Súðavík, um þá
hugmynd sem fram hefur komið í
hreppsnefndinni um að selja
hlutabréf í Frosta, en hreppurinn
á um 40% hlutabréfa í því fyrir-
tæki. „I þessu felst að gera frum-
könnun á hugsanlegum mögu-
leikum á sölu,“ sagði Steinn, og
kvað hugmyndina m.a. tilkomna
vegna slæmra horfa í atvinnumál-
um seinni part árs.
„Við erum nú ekki með neitt
sérstakt í huga, en hugsum okkur
að nýta væntanlegan iðnráðgjafa
Vestfjarða," sagði Steinn. „At-
vinnulífið hérna er eins einhæft
og hægt er að hafa það, þannig að
ekki verður uppá neitt að hlaupa
þegar togarinn verður búinn með
kvótann.“
Þess má geta að VF hefur
fregnað að Verkalýðsfélagið í
Súðavík hafi lýst áhuga á að
kaupa hlutabréf í Frosta ef af
sölu verður.