Vestfirska fréttablaðið - 09.07.1992, Blaðsíða 3
VESTFIRSKA
^_________ Fimmtudagur 9. júlí 1992 3
---1 FRÉTTABLAÐIÐ |_ — - — ~
Til hamingju, Helga!
Eins og lesendum er eflaust
kunnugt, þá náði Helga Sig-
urðardóttir sundkona þeim
frábæra árangri á sjálfan þjóð-
hátíðardaginn 17. júní, að
synda undir lágmarki Ólym-
píunefndar íslands fyrir leik-
ana í sumar. Um leið setti hún
glæsilegt íslandsmet í 50 m
skriðsundi og bætti þar með
þriggja daga gamalt met sitt
sem hún hafði tvíbætt helgina
á undan, þegar hún var að gera
tilraun við lágmarkið á alþjóð-
legu sundmóti í Norður-Kar-
ólína.
Með þessum árangri verður
Helga fyrst vestfirskra íþrótta-
manna til að keppa á sumaról-
ympíuleikum. Segja má að
það sé tákrænn sigur um leið,
að stúlka sem keppir í þeirri
íþrótt sem býr við hvað lakast-
ar aðstæður skuli verða fyrst
til þess.
Þetta er ágætur vitnisburður
um elju og einbeitni Helgu við
æfingar, þar sem hún hefur
yfirstigið þennan aðstöðumun
með þrotlausri vinnu og
samviskusemi í þau tíu ár sem
hún hefur æft sund. Leið
hennar að þessu marki hefur
verið bæði löng og ströng og
hefur hún lagt á sig geysilegt
erfiði og fórnað miklum tíma
til að standa þar sem hún er í
dag. Þrátt fyrir erfið skilyrði
hér heima til æfinga hefur
henni tekist að vera á meðal
fremstu manna í íslensku
sundi um árabil, og undanfar-
in sex ár hefur hún verið
óskoraður meistari í styttri
vegalengdum í skriðsundi.
Undanfarin fimm ár hefur hún
orðið fslandsmeistari í sinni
aðalgrein, 100 m skriðsundi,
bæði innanhúss og utan.
í landsliði fslands hefur
Helga verið óslitið síðan árið
1985, þegar hún var fyrst valin
til þátttöku í Ulsterleikunum.
Hún hefur alltaf verið mikil-
vægur hlekkur í liðinu, sem
meðal annars sigraði í Kalott-
keppninni þrjú ár í röð með
miklum yfirburðum.
Tvisvar hefur Helga keppt
á Evrópumeistaramótinu í
sundi og staðið vel fyrir sínu
þar. Einnig tók hún þátt í
Heimsbikarkeppninni í Róm
1990, auk annarra alþjóðlegra
móta þar sem hún hefur staðið
sig vel og verið landi sínu til
sóma.
1990 lá leiðin til Alabama í
Bandaríkjunum, þar sem hún
hefur stundað háskólanám og
æft með liði skólans undir leið-
sögn eins fremsta sprettsund-
manns heimsins, Jonty
Skinner, sem varð fyrstur til
að synda 100 m skriðsund á
skemmri tíma en 50 sekúnd-
um. Þar hefur Helgu farið
mikið fram, sérstaklega
undanfarið ár.
Hclga hefur alltaf haldið
tryggð við sitt gamla félag og
sína heimabyggð. Hún hefur
komið heim þegar færi hefur
gefist og synt fyrir Vestra á
íslandsmótum og Bikar-
keppnum, og nú síðast á
Innanhússmeistaramóti ís-
lands þar sem hún varð ís-
landsmeistari í 100 m skrið-
sundi og vann auk þess til
tvennra silfurverðlauna.
Arangur Helgu Sigurðar-
dóttur á þessu ári hefur verið
giæsilegur og síbatnandi, og
með því að ná lágmarkinu
fyrir Ólympíuleikana hefur
hún náð langþráðu takmarki
sínu. Ég vil nota tækifærið og
óska henni og fjölskyldu henn-
ar innilega til hamingju, og
óska henni velfarnaðar og enn
frekari árangurs á leikunum
sjálfum. Um leið vil ég þakka
Helgu fyrir gott samstarf í
gegnum árin. Það er heiður að
fá að starfa með íþróttamanni
cins og Helgu, sem leggur eins
mikla rækt við íþrótt sína og
hún hefur gert þau ár sem leið-
ir okkar hafa legið saman.
Sama má segja um foreldra
hennar, sem hafa alla tíð verið
hennar tryggustu stuðnings-
menn, og um leið stutt dyggi-
lega við bakið á ísfirsku sund-
lífi. Þau hafa verið sannir full-
trúar þeirrar stefnu, sem þátt-
taka foreldranna á að vera í
íþróttum barna og unglinga.
77/ hamingju, Helga, og
gangi þér vel í Barselónu!
Óli Þór.
Fjölnir úr Grafarvogi og
UMFB léku í Bolungarvík
í B-riðli 4. deiidar á mið-
vikudaginn í síðustu viku.
Leiknum lauk með jafn-
tefli, 2:2.
Tveir Vestfirðingar leika
með Fjölni, Bolvíkingur-
inn Ólafur Jens Daðason
og ísfirðingurinn Ingi
(Pelé) Þ. Guðmundsson.
Lék Ólafur Jens á móti sínu
gamla liði af mikilli hörku
og var lionum m.a. sýnt
gula spjaldið. Á myndinni
eru þeir félagarnir í leikhléi
og er Ingi til vinstri.
-GHj.
UMFB - Fjölnir 2:2
í tilefni af útsendingum Bylgjunnar frá ísafirði
laugardaginn 11. júlí næstkomandi gerum við
auglýsendum á svæðinu eftirfarandi tilboð
Allir tímar á 115 krónur orðið
(Almenn verðskrá 220-270 kr. orðíð)
DÆMI:
5 birtingar á 10 orða auglýsingu 5750 krónur
10 birtingar á 10 orða auglýsingu 11500 krónur
KOSTABOÐ:
10 orða auglýsing birt í öllum 15
auglýsingatímum dagsins 15000 krónur
Sölumenn frá Bylgjunni verða staddir á ísafirði
frá fimmtudeginum 9. júlí og verður hægt að
ná í þá í síma 4865 eða símboða 984-58701
ALLT VERÐ ER ÁN VIRÐISAUKASKATTS
DOSAMOTTAKAN
Á ÍSAFIRÐI
Dósamóttaka Endurvinnslunnar á ísafirði
hefur aðsetur í gámum fyrir neðan litla slippinn
í Suðurtanga.
Móttakan er opin á miðvikudagskvöldum
frá kl. 19.30 til 21.30.
Endurvinnslan/BÍ-88.
Tilboð þetta gildir aðeins laugardaginn 11. júlí 1992
ATHUGIÐ:
Við sendum út á
FIVL 101