Feykir - 07.02.1990, Side 5

5/1990 FEYKIR 5
„Ætla að eyða síðustu kröftunum í þetta”
Guðmundur í Sölvatungu plantardrjúgttrjám ásamt bömum sínum
„Ég er ákveðinn að eyða
kröftunum sem ég á eftir í þetta.
Þeim er vel varið ef maður nær
að gera gróðursnauða melana
græna. Það er ákaflega gaman
að fylgjast með því hvernig
þessar plöntur dafna”, segir
Guðmundur Tryggvason í
Sölvatungu í Blöndudal. Fyrir
6-7 árum byrjaði Guðmundur
ásamt börnum sínum Heimi
og Svanhildi að planta niður
trjám i hlíðunum fyrir ofan
hús í Sölvatungu. Trjáplönt-
urnar skipta nú nokkrum
þúsundum og vekja eftirtekt
þeirra eraka fram Blöndudal.
„Hann sagði að þetta
minnti sig á hermannagrafir,
Hafsteinn Hafliðason garð-
yrkjufræðingur þegar hann
var hér á ferð í fyrra. Ég hef
ekki nokkra trú á öðru en
þessar plöntur eigi eftir að
dafna vel, það er svo
veðursælt hérna í dalnum. Ég
hef m.a.s. hug á því næsta
sumar að planta nokkuð hátt
upp í fjallið. Það væri gaman
að sjá hvernig það kæmi út,
því menn eru nú að tala um
að þetta þrífist ekki nema í
lágdölunum”.
Guðmundur hugsar vel
um plönturnar sínar. A
hverju hausti byggir hann
kringum þær og strengir
striga og áburðarpokaplast
þar á. Það er gífurlega mikið
verk, því plönturnar eru
margar. „Maður fer varla að
hafa undan með þetta, þegar
bætist við á hverju sumri. Ég
býst við að maður verði að
fara að treysta þeim elstu til
að bjarga sér upp á eigin
spýtur, enda eru þær að vaxa
upp fyrir hlífarnar. Menn eru
nú að tala um að trén séu gerð
að aumingjum með því að
vernda þærsvona, en ég held
að það sé algjör vitleysa.
Stærstu plönturnar, lerki-
plönturnar, ná manni orðið
undir handarkrika og það
verður gaman að vita hvað
þær verða orðnar stórar eftir
næstu sex ár”.
Er hér heppilegt land til
skógræktar?
„Húnavatnssýslurnar hafa
nú aldrei þótt heppilegar til
skógræktar. Við reyndum að
fá mann til að taka landið út
til skógræktar á sínum tíma
en það tókst ekki. Þetta er
mjög mismunandi land, allt
frá mýrlendi til blárra mela”.
Hvaða plöntur eru það
sem þið notið aðallega?
„Mest eru þetta lerki-
plöntur, barrtré, en líka
töluvert af greni, sitkagreni og
blágreni. Annars lögðum við
mikið upp úr því að vera með
margar tegundir til að sjá
hvað yxi hér best. Við höfum
líklega gróðursett um 40
tegundir”.
Er mikill skógræktaráhugi
hér í sveitinni?
„Nei, ekki get ég sagt það.
Þó svo að langt sé síðan að
menn byrjuðu hér að rækta
skóg, fyrir um 40 árum við
Húnaver og eitthvað fyrr var
byrjað að gróðursetja í
Blöndudalshólum. Hrepps-
nefndin byrjaði á því fyrir
einum fjórum árum síðan,
líklega að undirlagi Sigur-
geirs í Stekkjardal og þeirra,
að senda um 100 trjáplöntur
heim á hvern bæ, en þær hafa
lítið verið notaðar. En þó svo
að almennur áhugi á trjárækt
hér vestan Blöndu sé lítill,
lítur þetta vel út hérna í
Svínavatnshreppnum. Þeir
hafa verið svo dúglegir hjá
Landsvirkjun að gróðursetja
fram á virkjunarsvæðinu, í
landi Eiðsstaða”, sagði Guð-
mundur.
*Útsala - Útsala
byrjar mánudaginn 12. febmar kl. 13
íþróttagallar - Trimmgallar
Bolir - Úlpur - Skór
Vindgallar - Sundfatnaður
Leikföng og margt margt annað
á tombóluveröi u
★
★★★ Sportvöruverslun ★★★