Fréttablað - 01.09.1966, Blaðsíða 2

5. tbl. bls. 2
MYNDAVÉLARNAR
Eins og ykkur er kunnugt, var ákveðið að báðir klúbbarnir, Hekla
og Katla, keyptu tvaer myndavélar, sem notaðar eru við magarannsóknir,
og gæfu þær Krabbameinsfélagi Islands og Borgarsjúkrahúsinu. Þessar
myndavélar eru nú komnar til landsins og verða bráðlega leystar út.
1 tilefni af þessu urðu miklar umræður á síðasta stjórnar- og nefnd-
arfundi um það, hvaða hátt skyldi hafa á, þegar þær verða afhentar. Sumir
vilja láta afhenda þær á konukvöldinu, en aðrir telja réttast að þær verði
afhentar þar, sem þær koma til með að verða notaðar, þ.e. hjá Krabbameins-
félaginu og Borgarsjúkrahúsinu. Að sjálfsögðu var engin endanleg afstaða
tekin til málsins, en trúlega verður rætt um það á fundinum þ. 4. október.
FRA UPPSTILLINGANEFND
Uppstillinganefnd hefur komið sér saman um tillögur til stjórnar-
kjörs fyrir næsta starfsár klúbbsins, og verða þær birtar á næsta fundi,
þriðjudaginn 4. október. Astæða er til að taka fram, að niðurstöður nefnd-
arinnar er aðeins tillaga, en ekki endanlegt val, og geta klúbbfélagar
komið fram raeð tillögur um aðra menn en uppstillingarnefnd stingur upp á.
LEIÐRÉTTINGAR A FÉLAGATALI
Mjög mikilvægt er fyrir okkur alla, að félagatalið sé ávallt rétt,
og er því full ástæða til að hvetja ykkur til að tilkynna breytingar, sem
kunna að hafa orðið á heimilisfangi ykkar, símanúmeri, atvinnu o.s.frv.,
og verða þær jafnan birtar hér í blaðinu.
Nú skuluð þið taka upp blýant eða penna og skrifa eftirfarandi niður:
ölafur J. Eiiiarsson, Miklubraut 20 (áður Dalbraut 3)
Örn Egilsson, sími á vinnustað 21275 (áður 22111)
Örn Ingólfsson, Niörvasundi 9 (áður Bústaðavegi 55)
Og svo hefur hann Guðmundur M. Asgrímsson skipt um fæðingardag???...
Við nánari athugun sjáum við ekki hvernig slíkt er hægt, svo að bezt er
að skella skuldinni á prentvillupúkann.
Guðmundur er fæddur þ. 11. september 1907 en ekki 11. júlí 1907 eins
og stendur í félagatalinu.
HVAR ERU FUGLAR? ....
Um þetta leyti hópast farfuglar saman og yfirgefa land vort og leita
til suðlægari landa, og áhrif frá þeim hafa náð til þeirra Eyjólfs, fé-
hirðis okkar, og Þóris, erlends ritara, en þeir eru báðir erlendis, þegar
þetta er fært í letur, og lá við að stjórnin yrði óstarfhæf vegna þessa,
en einhvern veginn tókst þó að halda í henni líftórunni, en úr því að minnst
er á Eyjólf féhirði, dettur manni ósjálfrátt í hug sjóður klúbbsins, og þá
kemur það furðulega í ljós, að enn eiga ca. 20 meðlimir Heklu eftir að
greiða árgjöld sín fyrir yfirstandandi ár. Þetta ber sökudólgunum ekki gott
vitni, en sem betur fer gefst þeim kostur á að bæta ráð sitt á næsta fundi
og mun Magnús, gjaldkerinn okkar, hjálpa þeim til að öðlast aftur hreina
samvizku.
BOD FRA KIWANISKLÚBBUM ERLENDIS
Varla líður svo vika að ekki berist bréf til okkar frá erlendum
Kiwanisklúbbum, þar sera meðlimum Heklu er boðið að heimsækja þá og sitja
fundi hjá þeim, og allir vilja þeir allt fyrir gestina gera. Ef einhver
byggur á utanferð, getur hann fengið allar upplýsingar, sem þörf er á,
hjá ritara okkar, ölafi J. Einarssyni.
R i t s t j .