Fréttablað - 01.11.1966, Blaðsíða 2
7. tbl. bls. 2 .
tappa úr kampavínsflösku og varð þar allmyndarlegt gos, þótt ekki sé hægt
að jafna því við Surtseyjargosið. Margir horfðu með eftirsjá á rennslið úr
flöskunni, en Páll mildaði skap þeirra með því að hella því, sem eftir var,
í glösin hjá þeim.
Kristinn Arason flutti brag um meðlimi klúbbsins með skemmtilegu ívafi
og bráðfyndnum athugasemdum, og var gerður góður rómur að.
Síðan fór fram hjólreiðakeppni milli Kötlu og Heklu. Páll keppti fyrir
hönd Kötlu, en Halldór Magnússon fyrir hönd Heklu. Fengu þeir mikla hjálma
og volduga og gekk fremur erfiðlega að koma höfuðfatinu á Pál, en tókst þó
að lokum. Keppnin var æsispennandi og voru báðir keppendur hvattir óspart
af sínum mönnum, en farartækin ollu þeim nokkrum erfiðleikum, bæði vegna
þess að gólfið var hált og hjólin ætluð fjögurra til sex ára börnum. Nokkur
vafi lék á úrslitum keppninnar, en þó held ég að Hekla hafi sigrað.
Karl Einarsson flutti gamanþátt og hermdi eftir ýmsum af þekktustu
persónum okkar þjóðfélags, og gerði það snilldarlega, og hafa þeir Karl G.
og ömar eignast þar skæðan keppinaut.
Þá sýndu stúlkur úr listdansskóla Þjóðleikhússins dansa, og seint um
kvöldið komu fram aðrir dansarar, en rainningin um það atriði er fremur þoku-
kennd hjá mér, enda hafði "pro raille"talan hækkað talsvert, þegar hér var
komið sögu.
Efnt var til happdrættis, og hlutu margir góða gripi. Asgeir Guðlaugs-
son og Sigurjón Þórðarson voru meðal þeirra, sem vinninga hlutu, en þeir
buðu þá upp og séldu hæstbjóðanda, en féð, sem fyrir þá fékkst, gáfu þeir
í styrktarsjóð Kötlu.
BREYTT HEIMILISFÖNG
Bent Bjarnason, Hrauntungu 24, Kópavogi. (áður Digranesvegi 80 A, Kóp.)
Ingimundur Erlendsson, Skólagerði 24, Kópavogi. (áður Hvassaleiti 22.)
TÍMARIT ÞJÖNUSTUKLOBBANNA
1 bréfi, sem Arnóri, forseta okkar, barst nýlega, er rætt um tímarit
þriggja helztu þjónustuklúbbanna í Bandaríkjunum, en þau eru The Kiwanis
Magazine, The Rotarian og The Lion Magazine. Er þar ra.a. skýrt frá því, að
sú hugmynd hafi komið fram að þessi þrjú voldugu tímarit sameinuðust í eitt.
I Bandaríkjunum er gefið út vikulegt fréttarit, sem heitir Magazine
Industry Newsletter. Þann 22. október s.Í. er þar mikið rætt um Kiwanis Mag-
azine og tímarit Rotary og Lions og bent á, hve raikið gildi auglýsingar í
þessum blöðum hafi fyrir auglýsendur, þar sem meðlimir þessara klúbba séu
að jafnaði leiðandi menn í þjóðfélaginu, en þar sem hér sé ekki um að ræða
eiginhagsmunasamtök, sé auglýsingaverðið lægra hjá þeim en hjá nokkrum öðr-
um sambærilegum tímaritum.í Bandaríkjunum.
AFHENDING STOFNSKRAR í KARLSTAD OG MOSS
A næsta ári munu að minnsta kosti þrír nýir Kiwanisklúbbar á Norður-
löndum fá fullgildingu, og hefur Einari A. Jónssyni, umdæmisstjóra, verið
falið að afhenda tveim þeirra stofnskrána. Eru það klúbbarnir í Karlstad í
Svíþjóð og Moss í Noregi. Aftur á móti mun forseti Kiwanis International,
Dr. Glenn Reed, afhenda Kaupmannahafnarklúbbnum stofnskrána.
TIL NEFNDARMANNA
Glenn Reed segir: "STARFSEMI í HVERJUM MANUÐI HjA HVERRI NEFND í
____________ HVERJUM KLÚBBT"___________________
FRÉTTABLAÐIÐ
Næsta blað kemur ekki út fyrr en í janúar 1967. Ég óska ykkur öllum
GLEÐILEGRA JÓLA og FARSÆLS NÝARS.
R i t s t j .