Tímarit um menntarannsóknir - 01.01.2014, Síða 91

Gæöi og gagnsemi náms í tómstunda- og félagsmálafræði
ágúst voru síðan send skilaboð á Face-
book, með SMS og í tölvupósti beint á
viðkomandi aðila og skilaði það 30 net-
föngum í viðbót, eða samtals 89. Áður
en spurningalistinn var sendur út var
hann forprófaður af fjórum nemendum á
þriðja ári í tómstunda- og félagsmálafræði.
Nokkrar athugasemdir voru gerðar og var
spurningalistinn lagfærður í samræmi við
það. í byrjun september var spurninga-
listinn síðan sendur á þessi 89 netföng. í
tölvupósti sem fylgdi spurningalistunum
var greint frá tilgangi rannsóknarinnar og
óskað eftir þátttöku. Greiðlega gekk að fá
svör og eftir að sendur hafði verið einn
ítrekunarpóstur höfðu, þann 20. septem-
ber, 72 þátttakendur svarað og svarhlutfall
því 81%, eða um 75% af öllum hópnum,
sem þykir gott í könnun sem þessari. Þar
sem ekki er um úrtak að ræða heldur þýð-
isrannsókn má ætla að niðurstöður endur-
spegli viðhorf tómstunda- og félagsmála-
fræðinga á íslandi.
Niðurstöður
í rannsókninni voru athuguð svör þátt-
takenda við spurningum sem ætlað er að
meta ýmsa þætti er lúta að gagnsemi náms
í tómstunda- og félagsmálafræði við Há-
skóla íslands og hversu vel það nýtist á
vettvangi eða í frekara námi. Spurningarn-
ar eru í einhverjum tilfellum greindar eftir
nokkrum bakgrunnsþáttum, eða útskrift-
arárgangi, námstilhögun (staðnám eða
fjamám), kynferði og aldri. Megináherslan
er á lýsandi tölfræði. Við úrvinnslu gagna
var farið eftir reglum Persónuverndar um
öflun og meðferð persónuupplýsinga.
Mikilvægt er að fram komi að um nokkuð
viðamikla rannsókn var að ræða og því
verður hér aðeins gerð grein fyrir hluta af
niðurstöðunum.
Atvinna
Þátttakendur voru spurðir nokkurra
spurninga er tengjast atvinnu, bæði
atvinnu þeirra á meðan á námi stóð,
atvinnuleit eftir brautskráningu og nú-
verandi atvinnu. Þegar kom að atvinnuleit
eftir brautskráningu kom í ljós að 19%
þurftu að leita sér að vinnu eftir að námi
lauk, 2% hófu eigin atvinnurekstur, 59%
héldu áfram í sömu vinnu og þeir höfðu
verið í, 17% fengu vinnu án þess að leita
og 3% nefndu annað. Af þeim sem þurftu
að leita sér að vinnu þurftu 80% að leita
í einn mánuð eða minna. Nær allir höfðu
því fengið vinnu við brautskráningu eða
fljótlega þar á eftir. Einnig voru könnuð
viðhorf þátttakenda til mikilvægis náms-
ins við ráðningu í störf. í ljós kom að 82%
þátttakenda töldu fræðasvið sitt eða náms-
grein hafa verið frekar eða mjög mikilvæga
fyrir vinnuveitanda sinn við ráðningu.
Þá töldu um 65% þátttakenda að hagnýt
reynsla eða starfsþjálfun sem þeir öðluð-
ust á námstímanum hefði verið frekar eða
mjög mikilvæg fyrir vinnuveitandann við
ráðningu.
Rannsakendur höfðu einnig áhuga á
að skoða viðhorf þátttakenda til atvinnu
á meðan á námi þeirra stóð. í ljós kom að
tæplega helmingi þátttakenda fannst þeir
hafa unnið of mikið með námi sínu en tæp
44% þátttakenda voru frekar eða mjög
sammála þeirri staðhæfingu. Aftur á móti
89