Bjartur og frú Emilía: tímarit um bókmenntir og leiklist - 01.04.1994, Page 4

Frá ritnefnd
Afrakstur samkeppninnar miklu, Póstkort sem bókmenntaform, sem haldin
var síðastliðið sumar, prýðir nú síður þessa tölublaðs. Hér eru sýnd póstkort
sem töldust fjörutíu þau birtingarhæfustu að mati dómnefndarinnar smekk-
vísu. Birtingarröð póstkortanna segir ekki á nokkurn hátt til um glæsileika.
Á hægri síðum tímaritsins er prentuð framhlið hvers póstkorts en á næstu
blaðsíðu er bakhliðin birt. Réttkjörnir dómnefndarmenn höfðu úr miklu að
moða því í keppnina bárust yfir fjögur hundruð misframbærileg póstkort.
Hér á síðunni við hliðina getur að líta það póstkort sem þótti hið allra
fegursta, vinningspóstkortið sjálft. Hinn lítilláti höfundur á heimtingu á
verðlaunum, Parísarferð og fimmtán þúsunda króna farareyri. Ritnefnd tíma-
ritsins óskar vinningshafanum til hamingju með verðlaunin og þátttakendur
fá kærar þakkir fyrir dugnaðinn og áhugann.