Morgunblaðið - Sunnudagur - 13.11.2016, Blaðsíða 45
Donald karlinn Trump fer í fínustu
taugar popplistamanna vestra.
AFP
Synd væri að segja að popp- og kvikmyndastjörnur
vestan hafs hafi fylkt sér að baki Donald Trump, ný-
kjörnum forseta Bandaríkjanna. Margvísleg ummæli
féllu meðan á kosningabaráttunni stóð og er ekki
úr vegi að rifja sum þeirra upp núna þegar (leðju)
slagurinn er á enda.
„Það yrði heimsendir næði Donald Trump kjöri
sem forseti Bandaríkjanna,“ sagði óskarsverðlauna-
leikkonan Jennifer Lawrence.
„Eiginmaður þinn er einhver alræmdasti yf-
irgangsseggur sem sögur fara af,“ sagði söngkonan
Lady Gaga við Melaniu Trump.
„Ég mun flytja til Kanada verði Trump
kjörinn forseti,“ sagði sjónvarpsleikarinn
Bryan Cranston. Fróðlegt verður að sjá
hvort hann stendur við það.
Söngkonan Cher lofaði að flytja enn
lengra næði Trump kjöri; til Júpíters. Góða
ferð, gæskan!
„Fáviti hefur tekið þjóðina í gíslingu,“ sagði
rokksöngvarinn Bruce Springsteen.
„Hey, hér er hugmynd! Setjum
kjarnavopn Bandaríkjanna í hend-
urnar á geðvondum bjána sem
hefur ekki hundsvit á utanrík-
ismálum. Hvað gæti hugs-
anlega farið úrskeiðis?“
spurði rithöfundurinn
Stephen King.
Fræg eru ummæli leikkonunnar Susan
Sarandon þess efnis að Trump minni
hana á fulla frændann í brúðkaupinu.
Hún hefur líka líkt honum við
karakter úr skáldsögu eftir Kurt
Vonnegut.
Gefum leikkonunni Helen
Mirren loks orðið: „Enn eru til
risaeðlur og herra Trump er
ein af þeim.“
STJÖRNURNAR UM FORSETAEFNIÐ
Heimsendir?
13.11. 2016 MORGUNBLAÐIÐ SUNNUDAGUR 45
SJÓNVARP Breski skapgerðarleikarinn Christopher Eccle-
ston leikur kostulega týpu í dramaþáttunum Bannorðinu
(The A Word) sem RÚV sýnir um þessar mundir. Per-
sóna hans er ekkjumaður sem hefur, sér til dægrastytt-
ingar, tónlistarnám hjá konu einni í smábænum sem
þau búa í. Skiptir engum togum að tónlistarkennarinn
fer á fjörurnar við hann. Okkar maður fer í fyrstu und-
an í flæmingi en vegna áreitis í nærumhverfinu
ákveður hann að losa um uppsafnaða spennu og
þekkjast boð tónlistarkennarans um kynmök án
skuldbindinga. Þegar kappinn knýr dyra í þessum er-
indum er kennarinn með nemanda en lætur hann bíða í
svefnherberginu á meðan. Heldur á úkúlele. Í fátinu spyr
ekkjumaðurinn: „Kemurðu með úkúleleið á eftir?“
Kemurðu með úkúleleið? Drukknar Allied í umtalinu?
Marion Cotillard er milli tannanna á fólki.
AFP
KVIKMYNDIR Menn velta því nú fyrir sér
hvort stríðsmyndin Allied eigi eftir að
drukkna í umtalinu um meint ástarsamband
aðalleikaranna, Brads Pitts og Marion Cotil-
lard, en hún verður frumsýnd síðar í mán-
uðinum. Heimsbyggðin fór hér um bil á hlið-
ina í haust þegar Angelina Jolie sótti um
skilnað frá Pitt og orðrómur um hliðarspor
kappans komst í hámæli. Bæði Pitt og Cotil-
lard hafa staðfastlega neitað því að nokkuð
hafi verið á milli þeirra. En skaðinn er mögu-
lega skeður og fyrir það gæti söguþráður
myndarinnar liðið. Munu áhorfendur í stað-
inn bara rýna í líkamstjáningu leikaranna?
Er hægt að lenda í meiri bömm-er en að vera rafstuðaður ídrasl á kleinuhringjabúllu?
Ég efast um það.
Einmitt þetta gerðist í bandaríska
spéspennuþættinum Fargo á dög-
unum en hann er sýndur í Sjónvarpi
Símans. Tveir menn voru að njóta
krásanna í fullri sátt við Guð og
menn, að því er virtist, þegar tveir
aðrir menn, annar ungur, hinn eldri,
gengu hröðum skrefum inn á búll-
una. Síðarnefndu mennirnir höfðu
ekki fyrir því að heilsa heldur gengu
beint til verks, rafstuðuðu mennina
sem fyrir voru á búllunni í drasl með
þar til gerðu priki. Engdust þeir
sundur og saman á gólfinu.
Eitthvað sökótt?
Nú er ég ekki nægilega vel upplýstur
um þræðina í Fargo en get mér þess
til að síðarnefndu mennirnir hafi átt
eitthvað sökótt við fyrrnefndu menn-
ina. Það breytir ekki því að þetta hef-
ur örugglega verið andskotanum
óþægilegra. Maður fékk eiginlega
samúðarhroll heima í stofu.
Þegar „stuðmennirnir“ voru í
þann mund að jafna sig og staulast á
fætur voru þeir bara stuðaðir öðru
sinni af engu minni þunga með til-
heyrandi kippum og kvölum. Lágu
óvígir eftir. Prikberar létu þjáningu
þeirra sér í léttu rúmi liggja, pönt-
uðu bara hvor sinn kleinuhringinn og
hurfu á braut með þeim orðum að
„stuðmennirnir“ myndu borga fyrir
kleinuhringina.
Gamla manninum þyrmt
Örlög „stuðmannanna“ voru þó hátíð
samanborið við örlög annars manns í
sama þætti. Sú saga er svona:
Koma þurfti gömlum farlama
manni með hraði í burtu af ótil-
greindu bílaplani og feitlaginn mað-
ur var í þeim tilgangi settur undir
stýri á gamalli amerískri bíldruslu.
Annar maður beið hjá gamla mann-
inum meðan sá fyrri sótti bílinn.
Sendibifreið hafði verið lagt svo
nálægt druslunni að feitlagni mað-
urinn þurfti að byrja á því að staulast
inn farþegamegin. Hafði talsvert fyr-
ir því. Þegar hann var kominn undir
stýri kom í ljós að druslan var alls
ekki á þeim buxunum að fara í gang.
Startarinn juðaði bara og puðaði. Og
puðaði meira.
Loksins hrökk druslan í gang við
ómælda gleði feitlagna mannsins.
Adam var hins vegar ekki lengi í
Paradís því þá birtist óvænt alvopn-
aður maður fyrir framan drusluna og
skaut feitlagna manninn til bana. Án
þess að hafa neitt fyrir því. Maðurinn
sem beið með gamla manninum hlaut
sömu örlög en gamla manninum var
þyrmt og hann skilinn eftir í hjóla-
stól sínum. Einn og afskiptur.
Af hverju?
Ekki spyrja mig.
ENGIN LOGNMOLLA Í FARGO
Af prikberum og
stuðmönnum
Á skjánum
Orri Páll Ormarsson
orri@mbl.is
FX
Þeir eru hressir félagarnir
þarna í fásinninu í Fargo.
Christopher
Eccleston. BBC
AFP
Leikkonan Jennifer
Lawrence býr sig nú
undir heimsendi.