Dagblaðið Vísir - DV - 21.07.2015, Side 25

Umræða 17Vikublað 21.–23. júlí 2015
Þetta er svokallaður
skítalýður
Hún lítur út fyrir
að vera 66 ára
Aðgerðir MS
alveg út úr kú
Ferðamenn gera þarfir sínar í garði foreldra Ingunnar Snædal rithöfundar. – DV Leoncie er reið út í Eirík Jónsson fyrir að hafa gefið upp aldur hennar. – DV Ólafur M. Magnússon, framkvæmdastjóri KÚ, gagnrýnir verðhækkun á ógerilsneyddri hrámjólk. – DV
Njósnafýsn laganna varða
Um lög og reglu í landinu
Líkt og margir hef ég undan­farið verið á flandri og hef lítið skoðað fréttir og miðla. Ég lenti þó í þrasi við lög­
regluna á höfuðborgarsvæðinu á
Twitter út af grein sem ég rakst á
þar. Hún fjallar um að lögreglan
á Íslandi hafi ásælst hugbúnað
frá hugbúnaðarfyrirtækinu Hack­
ing Team. Fréttin kom mér í opna
skjöldu og svör lögreglunnar öðru
fremur, en svo virðist sem lög­
gæslustofnunin okkar setji ekki
sama skilning í lög og reglur eins
og við hin. Þetta veldur mér veru­
legum áhyggjum.
Svör löggunnar voru á þá leið,
þegar ég gagnrýndi þessa ásókn
þeirra í njósnahugbúnaðinn, að
hún starfi innan ramma sinna
heimilda og fái alltaf dómara­
úrskurð um hleranir sem eiga sér
stað. Ég get ekki fallist á það og
ætla ég að skrifa aðeins um mun­
inn á „hlerunum“ þeim sem Hack­
ing Team býður upp á, og þeim
sem stundaðar eru á símtækj­
um, og enn fremur um það hvers
vegna ég tel að lögreglan (og dóm­
arar lögreglunni hliðhollir) sé að
misskilja hlerunarheimildir sínar.
Öryggisholur
Fyrst um muninn á símtækjum og
beitingu hugbúnaðar eins og þess
sem Hacking Team býður upp á.
Möguleikar á hlerunum símtækja
hafa liðist lengi og eru svokölluð
„þekkt öryggishola“. Það þýðir að
fólk veit að örygginu er ábótavant
og getur brugðist við samkvæmt
því. Það sama á við um margar ör­
yggisholur í hugbúnaði hvers kon­
ar. Þær sem eru ekki þekktar eru
gjarnan kallaðar „Zero­Day ex­
ploits“ séu þær notaðar, eða upp­
götvaðar, þar sem ekki hefur gefist
tími til að leysa öryggisvandamál­
ið. Yfirleitt fá hugbúnaðarþróend­
ur tilkynningar um alvarlegar slík­
ar villur fyrstir allra, enda mjög
alvarlegt séu þær brúkaðar. En
stundum eru þær ekki tilkynnt­
ar og Hacking Team uppgötvar
og beitir mörgum slíkum glopp­
um í sínum eigin hugbúnaði og
selur þjónustu sína vel borgandi
kúnnum, svo sem ríkisstjórnum
og eftir litsstofnunum hvers konar.
Rekstur slíkrar þjónustu einn
og sér er í besta falli ósiðlegur og
vítaverður. Þátttaka og stuðningur
við slíkan rekstur með kaupum
á þjónustunni er alvarlega
heimskuleg áætlun, sama hvaða
tilgangi verið er að þjóna. Lög­
reglan má ekki fá að fara á svig við
lögin og fórna réttindum okkar á
altari öryggisins.
Fagblinda og vankunnátta
En snúum okkur aftur að svörum
lögreglunnar á Twitter (@LRH),
sem kvaðst þurfa tæki og tól til að
rannsaka mál og bar þessa ásókn
í tækni Hacking Team saman við
notkun fingrafaraleitar, og enn
fremur að hún starfi ávallt innan
lagaheimilda og hleranir fari ein­
göngu fram með heimild dómara.
Þessar yfirlýsingar vekja hjá mér
miklar áhyggjur, en þær eru
lýsandi fyrir afburða vankunnáttu
og fagblindu. Ég ætlaði eiginlega
ekki að trúa því þegar ég las það.
Lögreglan ber í alvörunni saman
fingrafaraleit (ummerki á vett­
vangi glæps) saman við tilætlaða
vírussýkingu á tölvubúnaði
einstaklinga (einkarými) án hans
vitundar. Það er sammerkt því
að leita á heimili einstaklings án
hans vitundar.
Lagabókstafurinn
Varðandi þá yfirlýsingu að lög­
reglan starfi alltaf innan laga­
heimilda er hér tilvitnun í 47.
grein fjarskiptalaga:
„Notkun njósnahugbúnaðar,
vefhlerunarbúnaðar eða annars
slíks búnaðar sem komið er fyrir
í endabúnaði notanda til þess að
fá aðgang að upplýsingum, safna
földum upplýsingum eða fylgjast
með athöfnum hans er einungis
heimil í lögmætum tilgangi og með
vitund hlutaðeigandi notanda.
Notanda er rétt að hafna notkun
slíks búnaðar.“
Ef þeir fara alltaf eftir laga­
heimildum og með leyfi dómara,
til hvers þurfa þeir þá þennan
hugbúnað frá Hacking Team? Get­
ur það verið að bæði lögreglan og
dómararnir séu að misskilja lögin,
eða eru þeir bara svo einbeittir í
sínum brotavilja?
Á skalanum einn til tíu. Hversu
illa erum við stödd ef sjálf lög­
reglan er ekki til í að spila eftir
reglunum? n
Þórgnýr Thoroddsen
Pírati
Kjallari „Lögreglan má ekki
fá að fara á svig við
lögin og fórna réttindum
okkar á altari öryggisins.
Hvert stefnir Samfylkingin?
Hvert á Samfylkingin að fara? Hver á stefna Samfylkingar­innar að vera? Þetta eru spurningar, sem ég ætla
að reyna að svara í þessari grein.
Samfylkingin hefur átt á brattann
að sækja frá síðustu alþingiskosn­
ingum. Um tíma virtist flokk­
urinn vera að ná vopnum sínum
og fylgið jókst mikið á ný í skoð­
anakönnunum en síðan virðist
hafa fjarað aftur undan flokknum.
Hið sama má að vísu einnig segja
um hina gömlu flokkana, Fram­
sókn,VG og Sjálfstæðisflokkinn.
Flokkur jafnaðarmanna á
Íslandi
Samfylkingin er flokkur jafnaðar­
manna á Íslandi. Flokkurinn á að
boða jafnaðarstefnuna en ger­
ir það ekki nógu oft, a.m.k. verð­
ur almenningur ekki var við það.
Ég á ekki við það, að boða eigi hin
gömlu úrræði jafnaðarstefnunnar,
þjóðnýtingu og áætlunarbú­
skap. Nei, flokkurinn á að boða
nútíma jafnaðarstefnu en gerir
það ekki nægilega vel. Almenn­
ingur á ekki að velkjast í vafa um
fyrir hvað Samfylkingin stendur.
Helstu úrræði nútíma jafnaðar­
stefnu eru fullkomnar almanna­
tryggingar, réttlátt skattakerfi,
sem stuðlar að sem mestum jöfn­
uði í þjóðfélaginu, og húsnæðis­
kerfi sem tryggir láglaunafólki
leiguíbúðir og eignaríbúðir á hag­
stæðum kjörum. Full atvinna er
eitt mikilvægasta stefnumál jafn­
aðarmanna og nátengd því er
skynsamleg nýting náttúruauð­
lindanna og það stefnumál jafn­
aðarmanna, að þjóðin fái sann­
gjarnan arð af auðlindum sínum.
Tryggja þarf að framleiðslutækin
séu nýtt að fullu. Jafnaðar­
menn berjast fyrir bættum kjör­
um launafólks. Þeir styðja frjálsa
samkeppni en leggja áherslu á öfl­
ugt og gott eftirlit með atvinnu­ og
viðskiptalífi. Ég hef trú á því, að ef
Samfylkingin boðar ákveðið jafn­
aðarstefnuna, muni flokkurinn ná
vopnum sínum á ný.
Sjávarauðlind í hendur
þjóðar á ný
Það, sem ég tel,að jafnaðarmenn
eiga að leggja mesta áherslu á í
boðskap sínum í dag, er eftirfar­
andi: Sjávarauðlindin verði færð
í hendur þjóðarinnar á ný. Fisk­
veiðiheimildirnar verði boðnar
upp eins og stjórnlagaráð vildi og
samþykkti. Almannatryggingar
verði stórefldar og gerðar réttlát­
ari. Lífeyrir aldraðra og öryrkja
verði hækkaður verulega og verði í
byrjun hliðstæður kaupi launþega
(ófaglærðra). Stefnan í skatta­
málum stuðli að jöfnuði. Skattar
verði lækkaðir og afnumdir á þeim
tekjulægstu og hækkaðir á þeim
tekjuhæstu. Auðlegðarskattur
verði tekinn upp. Skattleysismörk­
in verði hækkuð mikið. Lífeyrir
aldraðra og öryrkja verði skatt­
frjáls. Stefnan í húsnæðismálum
tryggi nægilegt framboð á hag­
stæðum leigu­ og eignaríbúðum.
Verkamannabústaðakerfið verði
endurreist.
Boða jafnaðarstefnuna
Ef Samfylkingin kemur með fram­
angreind mál, sem eru flest gömul
stefnumál jafnaðarmanna, mun það
ekki fara á milli mála að Samfylkingin
er að berjast fyrir jafnaðarstefnunni.
Undanfarið hafa ýmsir málsmet­
andi jafnaðarmenn látið í sér heyra
og varpað fram spurningu um það
hvað mætti gera til þess að efla Sam­
fylkinguna á ný. Að mínu mati er það
mjög einfalt eins og ég hef bent á hér:
Að boða jafnaðarstefnuna.
Ekki Árna Páli að kenna
Samfylkingin mældist með mjög
lítið fylgi í síðustu skoðanakönnun
MMR eða aðeins 9,3%. Að vísu finnst
mér að Samfylkingin hafi oft mælst
með minna fylgi hjá MMR en í öðr­
um könnunum. En ég tel þó ekki rétt
að hundsa könnun MMR. Hún veit­
ir vísbendingu eins og aðrar kann­
anir. Sumir spyrja: Getur þetta ver­
ið Árna Páli formanni að kenna?
Ekki tel ég svo vera. Ég tel þetta vera
vegna stefnunnar. Hún hefur ekki
verið nægilega skýr undanfarið og
úr því þarf að bæta. Þar bera allir
þingmenn flokksins sök. En auk
þess getur það hafa fælt marga frá
flokknum að mikil átök urðu á síð­
asta landsfundi flokksins við for­
mannskjör. Það laðar ekki nýja liðs­
menn að flokknum, að sjá hann
klofna í tvær jafnstórar fylkingar. Það
var illa staðið að formannskjörinu.
Björgvin Guðmundsson, fyrrverandi
borgarfulltrúi Alþýðuflokksins, félagi
í hreyfingu jafnaðarmanna í 66 ár. n
Björgvin Guðmundsson
Fyrrverandi borgarfulltrúi
Aðsent