Kvennalistinn í Hafnarfirði - 01.02.1986, Qupperneq 7

Kvennalistinn
7
Aukin valddreifing
breytt stjórnkerfi
Kvennalistinn býður nú fram í
fyrsta sinn til bæjarstjórnarkosninga
í Hafnarfirði. Eitt af stefnumálum
Kvennalistans er að gera stjórnkerfi
bæjarins opnara íbúunum, dreifa
valdinu og gera bæjarbúum auð-
veldara að fylgjast með og hafa áhrif
á stjórn eigin bæjar.
Fyrir hinn almenna bæjarbúa virð-
ist ekki greið leið að upplýsingum
um málefni bæjarfélagsins og því
sem efst er á baugi hverju sinni. Það
leiðir til þess að ekki er auðvelt fyrir
bæjarbúa að hafa áhrif á gang mála.
í Hafnarfirði sem og öðrum kaup-
stöðum eru áhrif íbúa á stjórn
bæjarmála einungis tryggð í kosn-
ingum á fjögurra ára fresti. Þá hafa
þeir aðeins almennar stefnuyfirlýs-
ingar frambjóðenda að taka mið af.
Að kosningum loknum eru ekki
tryggð nein lágmarkstengsl milli
þeirra sem með völdin fara og al-
mennings.
Með auknum íbúafjölda í bænum
(og útþenslu bæjarins) má ætla að
bæjarfulltrúar hafi minni möguleika
á að þekkja málefni einstakra
bæjarhluta til hlítar hvað þá alls
bæjarins. Til greina kæmi að stofna
hverfasamtök til að auðvelda íbúum
^ð gæta sameiginlegra hagsmuna
sinna. Færa þarf frumkvæði að
þjónustu og framkvæmdum að
verulegu leyti til bæjarbúa. Einungis
þannig verður tryggt að ákvarðanir
byggist á þörfum íbúanna og séu í
samræmi við vilja þeirra.
Kvennalistinn vill að allar fram-
kvæmdir í bænum verði kynntar
íbúum þess bæjarhluta sem málin
snerta hverju sinni og þeim verði
heimilt að senda fulltrúa sinn á fund
nefnda og ráða þegar rætt eru um
málefni hverfisins.
Kvennalistinn vill að í upphafi
hvers kjörtímabils verði gerður að-
gengilegur upplýsingabæklingur um
nefndir og ráð bæjarins, verksvið
þeirra, fundarstað, fundartíma, að-
setur og þá fulltrúa sem þar eiga
sæti. í bæklingnum skulu vera
greinargóðar upplýsingar um hvern-
ig bæjarbúar geti komið málum sín-
um á framfæri við bæjaryfirvöld.
Bæklingnum verði dreift til allra
bæjarbúa.
Breytingar á stjórnkerfi bæjarins
Kvennalistinn vill aukna valddreif-
ingu og lýðræðislegri stjórnun og vill
draga úr miðstjórnarvaldi bæjar-
ráðs.
Kvennalistinn vill breyta bæjar-
stjórn úr málþingi í raunverulegan
ákvörðunaraðila.
Jafnframt vill Kvennalistinn auka
valdsvið nefnda og ráða á kostnað
bæjarráðs. Með breyttu stjórnkerfi
má auka hið beina lýðræði og
bæjarráð verður óþarft.
Kvennalistinn vill færa verksvið
núverandi nefnda og ráða, annarra
en þeirra sem bundin eru í lögum,
undir stjórn átta nýrra ráða. Hin nýju
ráð fari með framkvæmd, rekstur og
fjárreiður hvert á sínu sviði í umboði
bæjarstjórnar.
Ráðin átta verði: Félagsmálaráð,
fræðsluráð, heilbrigðisráð, fyrir-
tækjaráð, umhverfismálaráð, menn-
ingarmálaráð, vinnumálaráð og fjár-
hagsáætlunarráð.
Kvennalistinn vill að myndað verði
kvennaráð sem hafi það verkefni
með höndum að vinna að bættri
stöðu kvenna innan bæjarins, með-
an þess gerist þörf. Ráðið komi m.
a. á framfæri við önnur ráð bæjarins
málum um hvað eina, sem verða
má til að bæta hag kvenna.
Kvennalistinn vill að fulltrúar allra
flokka og samtaka sem eiga aðild
að bæjarstjórn eigi sæti í nefndum
og ráðum bæjarins.
Kvennalistinn telur mjög nauð-
synlegt að fundargerðir nefnda og
ráða séu á þann veg að þær gefi
fyllri upplýsingar en nú er um það
sem fram fer á fundum.
Tilgangur breytinga á stjórnkerfi
bæjarins er að mati Kvennalistans
sá að tryggja bæjarbúum greiðari
aðgang að stjórnkerfinu með því að
einfalda það og auka þar með áhrif
íbúanna. Einnig má benda á að um
leið eykst væntanlega ábyrgð og
þátttaka bæjarfulltrúa, því þeir
kæmust ekki hjá því að setja sig inn
í málin og ættu því auðveldara með
að greiða atkvæði samkvæmt eigin
samvisku og viðhorfum.
Við Kvennalistakonur í Hafn-
arfirði viljum beita okkur fyrir
þvi að samgöngumál i Hafnar-
firði verði stórbætt. Samgöng-
ur innanbæjar þarf að taka
til gagngerrar endurskoðun-
ar. Dregið verði úr einangrun
aldraðra og fatlaðra með því
að gera þeim kleift að komast
leiðar sinnar um bæinn.
2
ll' ?
'///'
Við viljum gera veg skólanna i
bænum sem mestan. Stefnt
verði markvisst að samfelld-
um skóladegi, fækkun nem-
enda í bekkjum, skóladag-
heimili nýtist öllum, sem þess
óska, hvar sem þeir búa í
bænum. Skólabókasöfn sem
eru undirstaða nútímakennslu-
hátta þarf að stórefla.
=2)
fé
Tónlistarskólinn hefur alltof
lengi verið á hrakhólum með
aðstöðu en það hefur staðið
honum fyrir þrifum. Stórátak
þarf nú þegar að gera í mál-
efnum Tónlistarskólans.
Við viljum að uppbyggingu
heilsugæslustöðvar verði hrað-
að og megináhersla lögð á
fyrirbyggjandi heilsugæslu.
Efia þarf heilsugæslu i skólum
og dagvistunarstofnunum og
leggja áherslu á eftirlit og
meðferð andlegra og félags-
legra þátta í nánu samstarfi
við foreldra. Bærinn leggi
þeim lið, sem vinna gegn
neyslu vímuefna, með aukinni
fræðslu og umræðu. Efla þarf
heilsufarslega og félagslega
þjónustu við aldraða og fatl-
aða og gera þeim þannig kleift
að vera lengur i sinu eðlilega
umhverfi. Stuðla að aukn-
um atvinnumöguleikum t.d.
heimilisiðnaði sem kæmist i
verð. Einnig viljum við stuðla
að auknu framboði á nám-
skeiðum fyrir aldraða.
Við viljum að allir foreldrar
eigi kost á dagvistun fyrir
börn sín lengri eða skemmri
tíma á dag og að sá tími sem
börnin geti dvalið i dagvistun-
inni sé sveigjanlegri en nú er.
Sú láglaunastefna sem rekin
er á íslandi í dag og bitnar
ekki síst á konum, veldur þvi
að báðir foreldrar verða að
vinna úti. Þess vegna er þetta
ekki spurning um val heldur
nauðsyn.
Við viljum að sérstakt átak
verði gert i æskulýðs-, tóm-
stunda- og atvinnumálum
unglinga í bænum. Efla þarf
félagsstarfið í skólunum og
nýta skólahúsnæðið eftir
kennslu eins og unnt er.
XV
Sú kona sem aldrei hefur
lesið eina einustu bók um
kvennafræði, aldrei heyrt
neina fræðilega útskýringu á
því hvað kvennamenning er,
aldrei tekið sér orðið kvenna-
pólitík í munn, þarf ekki að
láta hugfallast. Því kvenna-
pólitík er, þegar allt kemur til
alls, ekkert annað en að hlusta
eftir eigin rödd, taka mið af
eigin reynslu, draga ályktanir
af eigin hversdagsamstri og
þeim vandamálum, stórum og
smáum sem mæta okkur dag-
lega. Verum óhræddar við að
vita hvað við viljum, hvað við
viljum ekki og berum svo
niðurstöður okkar fram í nafni
kvenfrelsis, þar til hlustað er á
rödd kvenna til jafns á við
karla.