Kjósum konur - 21.12.1981, Qupperneq 5

S:WsS:::®|
>IO Á AKUREYRl:
SKRÁ
félagsmiðstöðum í öllum hverfum og þær miðaðar
við, að öll fjölskyldan geti átt þar samastað og
vettvang til að sinna áhugamálum.
I heilbrigðismálum sem félagsmálum teljum við
að leggja beri áherslu á fyrirbyggjandi aðgerðir og
viljum við í því skyni að hraðað verði uppbyggingu
heilsugæslustöðvar.
Við álítum, að það sé öllum til góðs, að
h öldruðum verði gert kleift að dveljast sem lengst í
sínu eigin umhverfi. Að þessu má vinna með
aukinni heimilishjálp og heimahjúkrun, en einng
er brýn þörf fyrir dagvistun fyrir aldraða.
Nauðsynlegt er að aukin verði umræða og
fræðsla um geðsjúkdóma, í því skyni að ráða bug á
þeim fordómum, sem eru ríkjandi. Viljum við að
stefnt verði að því að koma á athvarfi, þar sem
slíkir sjúklingar fái endurhæfingu til þátttöku í
samfélaginu á ný.
Iþróttir eru mikilvægar heilsu fólks. Því ber að
leggja áherslu á að gera þær öllum aðgengilegar, án
tiilits til færni, aldurs eða búsetu. Við teljum því, að
■þrótta- og útivistarsvæði eigi að vera sjálfsagður
hluti íbúðarhverfa.
Við álítum að leggja beri áherslu á, að unglingar
verði virkari þátttakendur í samfélaginu. Það
gerum við ekki með því að krefjast þess, að æskan
breyti sér, heldur með því að sveigja samfélagið að
þörfum hennar. Nú þegar þarf að gera ráðstafanir
vegna unglinga, sem eiga við ýmis félagsleg
vandamál að stríða.
Nauðsynlegt er að unglingar hafi vinnu við sitt
hæfi og þarf í því skyni að bæta mjög starfsemi
vinnuskólans. Einnig viljum við að vinnuskólinn
færist að einhverju leyti inn í atvinnuvegina.
6. Menningarmál.
Efla ber að okkar áliti alla almenna menningar-
starfsemi í bænum og skapa henni þá aðstöðu, að
hún nái að þroskast og dafna. Þess vegna verður að
sjá til þess, að í menningarmálanefndum bæjarins
sitji fólk með þekkingu á þessum hlutum. Listafólk
þarf að styrkja og skapa vinnuaðstöðu eftir
föngum. Þar má benda á, að vel mætti nýta betur
þau skáldahús, sem nú eru notuð sem söfn, með
því að gera þau að dvalar- og vinnustöðum rit-
höfunda.
Auk Tónlistardaga í maí ár hvert verði komið á
almennum listadögum bæjarins. Leikfélaginu
verði skapað fjárhagslegt öryggi og svigrúm til
tilrauna og nýjunga á sviði listar sinnar.
Stefnt skal að byggingu safnahúss, sem hýst gæti
öll söfn og listaverk bæjarins. Þá teljum við fulla
ástæðu til að hefja strax starfsrækslu bókabíls, er
þjónað gæti stærstu hverfunum í bænum, s.s.
Glerár-og Lundarhverfi.
7. Umhverfis og skipulagsmál.
Bæjarland Akureyrar hefur sín séreinkenni, sem
hafa þarf í huga við skipulagningu að haldi sem
best sinni upprunalegu mynd. Við álítum að
skipulag eigi að þjóna fólkinu og bæta umhverfið
en ekki spilla því.
Við viljum að íbúðarhverfi verði sem mest sjálf-
um sér nóg um þjónustu, skóla og atvinnu. Telj-
um við að auka þurfi samvinnu milli bæjarbúa og
aðila, sem vinna að umhverfis- og skipulags-
málum.
Við teljum að leggi beri áherslu á þjónustu
almenningsfarartækja, og að reynt verði að draga
úr notkun einkabíla og þeirri miklu áherslu, sem
lögð er á að þjóna þeim. Jafnframt ber að gera
gangandi fólki auðVeldara að komast leiðar sinnar.
Efla þarf rannsóknir á mengun, svo á láði og legi
sem í lofti. Jafnframt skulu tillögur heilbrigðis-
nefndar um skólp og sorpeyðingu teknar til greina.
Taka verður tillit til þess að margt fólk hefur
þörf fyrir að eiga og umgangast skepnur og ber að
miða skipulagningu við það.
8. Húsnæðismál
Við viljum að bæjarfélagið standi fyrir byggingu á
hentugu en íburðarlausu húsnæði, sem selt yrði eða
leigt á kostnaðarverði. Við teljum einnig nauðsyn-
legt að skipuð verði sjálfstæð húsaleigunefnd, eins
og skylt er samkvæmt nýju húsaleigulögunum.
Einnig þarf bæjarfélagið að efla hagkvæmari
lánastarfsemi til íbúðabyggjenda og auðvelda fólki
þannig að eignast húsnæði.
9. Atvinnu'Og kjaramál
í kjaramálum beinist stefna okkar annars vegar að
því, að aflétt verði því misrétti kynja, sem ríkir á
vinnumarkaði, og hins vegar þeirri vinnuþrælkun
sem viðgengst og skaðar fjölskyldulíf margra og
leggur auk þess á konur tvöfalt vinnuálag.
Við teljum að rétt sé að stefna beri að því, að
leggja niður yflrvinnu, en hækka dagvinnulaun
sem nemur því, og stuðla þannig að því að
dagvinnulaun nægi.
Þá teljum við brýnt að koma til móts við þarfír
smábarnaforeldra með sveigjanlegum vinnutíma,
þar sem því verður við komið.
Nauðsynlegt er að huga betur en áður að
vinnuaðstöðu og umhverfí á vinnustöðum, einkum
er brýnt að auka eftirlit og heilsugæslu, í því skyni
að fyrirbyggja atvinnusjúkdóma og ráða bót á
þeim sem fyrir hendi kunna að vera.
Tryggja verður rekstur verndaðra vinnustaða og
að öryrkjar sem þess óska geti fengið vinnu viðsitt
hæfi á almennum vinnustöðum. Þá er nauðsynlegt
að öryrkjar geti orðið fullgildir félagar í
stéttarfélögum. Bærinn gangi á undan með góðu
fordæmi og ráði fólk með skerta starfsorku á
sínum vinnustöðum.
Atvinnumál bæjarins eru afar mikilvæg, ekki
síst fyrir konur, sem lítt hafa ráðið þar stefnunni til
þessa.
Það er eindregin skoðun okkar, að stóriðja við
Eyjafjörð sé ekki sú leið í atvinnumálum, sem
hentar bænum okkar. Þess í stað teljum við að
leggja beri áherslu á að byggja upp og efla
almennan iðnan, sem byggir á því sem fyrir er og
notar heimafengin aðföng. Styrkja þarf rekstrar-
grundvöll þeirra fyrirtækja sem fyrir eru. einkum
hinna smærri og meðalstóru, og leita þarf nýrra
atvinnuleiða með rannsóknum og athugunum.
Við álítum mikilvægt, að litið verði á Eyjafjarðar-
svæðið sem eina heild við uppbyggingu atvinnu-
veganna. I því skyni þarf að efla samvinnu við
nágrannabyggðirnar. Við teljum að stefna beri að
því, að Akureyri verði miðstöð viðskipta og
þjónustu fyrir Norðurland allt og raunverulegt
mótvægi við höfuðborgarsvæðið. Þessvegna ber að
vinna að því, að ríkisstofnanir eða útibú þeirra
verði fluttar til Akureyrar, svo og sumardeildir og
rannsóknarstofnanir háskólans.
10. Samskipti.
Mikið skortir á, að samskipti bæjarins við
nágrannabyggðirnar séu eins góð og æskilegt væri,
og fögnum við því mjög nýstofnaðri samstarfs-
nefnd um svæðisskipulag Akureyar og nágrennis,
með þátttöku allra hreppa við Eyjafjörð og
kaupstaðanna, Dalvíkur, Akureyrar og Olafs-
fjarðar. Við viljum að allir aðiljar þessarar
samstarfsnefndar verði jafnréttháir, og enginn geti
drottnað þar yfir öðrum í krafti stærðar sinnar.
Hlutverk þessarar nefndar verði að fjalla um og
gera tillögur um skipulagsmál svæðisins, atvinnu-
uppbyggingu, orkumál, umhverfísmál og önnur
þau mál, er þurfa þykir.
Við styðjum aðild bæjarfélagsins að Fjórðungs-
sambandi Norðlendinga og teljum sjálfsagt aðefla
samstarf sveitarfélaganna í fjórðungnum e.t.v. á
kostnað samstarfs sveitarfélaganna yfír landið allt.
Við teljum þó sjálfsagt að halda áfram aðild að
Sambandi íslenskra sveitarfélaga. Hins vegar
leggjumst við eindregið gegn stofnun launanefndar
þess, sem ætlað er að sameina alla samningagerð
sveitarfélaganna í landinu við starfsfólk sitt. Slíkt
mundi til dæmis þrengja mjög svigrúm bæjarins til
að gera sérstakar úrbætur á ríkjandi misrétti
kynjanna, með tilliti til launa, starfsvals og
atvinnuöryggis.
Vinabæjartengsl við erlenda kaupstaði þurfa að
breytast þannig, að hinn almenni borgari verði þar
þátttakandi. Mætti þá hugsa sér, að hin ýmsu
áhuga- og hagsmunasamtök í bænum sæju um
mestan hluta framkvæmda við þessi tengsl með
aðstoð og fyrirgreiðslu bæjarins.
■ ' . V,

■ I
■■
KJÓSUM KONUR - 5