Kjósum konur - 03.12.1982, Side 12

KJÓSUM KONUR
3. desember 1982
Frá Kvennaframboðinu
Stjórnskipulagi Kvennaframboðsins er nú þannig háttað:
í stjórn sitja 5 konur kosnar af bakhópum, húsnefnd og rit-
nefnd (ein úr hverjum hópi). í stjórn eru nú: Ragnhildur
Bragadóttir formaður, Margrét Arnadóttir varaformaður,
Hólmfríður Eiríksdóttir gjaldkeri, Þorbjörg Vilhjálmsdóttir
ritari og Jónína Marteinsdóttir meðstjórnandi.
Bæjarmálaráð er n.k. bakhjarl bæjar- og nefndarfulltrúa
og sér um bæjarmálafundi. í þessu ráði eru auk bæjarfulltrú-
anna Sigfríðar Þorsteinsdóttur og Valgerðar Bjarnadóttur;
Hólmfríður Jónsdóttir, Guðrún Hallgrímsdóttir, Jófríður
Traustadóttir, Þorgerður Hauksdóttir, Gunnhildur Braga-
dóttir, Ingibjörg Auðunsdóttir og Karólína Stefánsdóttir.
Auk þess situr formaður stjórnar í bæjarmálaráði.
Bæjarmálaráð heldur fundi öll mánudagskvöld.
Bæjarmálaráð hvetur allar konur sem sitja í nefndum fyrir
Kvennaframboðið að sækja bæjarmálafundi I. og 3.
mánudag hvers mánaðar. Ekki einungis til að fylgjast með og
fá stuðning heldur einnig til að aðrir í Kvennaframboðinu geti
fylgst með því sem gerist í nefndum.
Á fundi í Kaupangi 24/10 var samþykkt að stofna félag
áhugafólks um Kvennaframboð. Var hringt í alla skráða
stuðningsmenn og þeim boðin þátttaka.
Jafnframt var á þessum fundi ákveðið að samtökin í he'ild
skyldu standa að og fjármagna húsakaup. Var samþykkt lág-
marksgjald á mán. kr. 100, þar til húsnæði yrði að fullu greitt.
Þó var félögum gert frjálst að taka á sig þá skuldbindingu.
Þegar þessi fundur var haldinn, stóð til og var raunar búið að
skrifa undir kauptilboð í húseignina Aðalstræti 18 (s.k.
Túliníusarhús). Ætluðu Færeyingafélagið og Geðverndar-
félagið að vera með í húsnæðiskaupunum. Síðan gerðist það
að seljandi féll frá sölunni og var þá strax hafist handa í leit að
nýju húsnæði en sú leit hefur engann árangur borið enn sem
komið er.
Allir sem hafa áhuga á að taka þátt í starfsemi Kvenna-
framboðsins eru ætíð velkomnir í Kvennaris, en þar er oftast
eitthvað um að vera á kvöldin. Þó verður starfsemin í
lágmarki í kringum jólin.
Flóamarkaður - Basar
- Kökumarkaður
verður í Kvennarisi, laugardaginn 4.
desember. - Margir góðir handunnir
munir og gómsætar heimabakaðar
kökur. - Opið frá kl. 14.00.
Kvennaframboðið
Hafnarstræti 86 (suðurdyr)
Jólakveðjur
Hjólbarðaþjónustan,
Hvannavöllum 14 b
Ford-umboðið, Bílasalan hf.
Strandgötu 53
Amaró hf.
Akureyri
Norðurmynd, Ijósmyndastofa,
Glerárgötu 20, sími 22807
Raforka hf.
Glerárgötu 32 Akureyri, símar 23257 & 21867
Heilsuhornið,
Skipagötu 6, sími 21889
Pedro-myndir,
Hafnarstræti 98, sími 23520
Stillíngaverkstæði Jóseps Zophoníassonar,
Keilusíðu 4 a, sími 22109
Halldór Ólafsson, úrsmiður,
Akureyri
Olíufélagið Skeljungur hf.
Hjalteyrargötu 8, sími 22850
Frétta-
tilkynning
frá Jafn-
réttisnefnd
Jafnréttisnefnd Akureyrar var
stofnuð á síðastliðnu sumri og
er hún skipuð fimm fulltrúum,
auk áheyrnarfulltrúa frá Jafn-
réttishreyfingunni. Formaður
er Karólína Stefánsdóttir og
ritari Bcrgljót Rafnar, en auk
þeirra eiga sæti í nefndinni
Katrín Jónsdóttir, Gísli Jóns-
son og Ólafur Birgir Árnason og
áheyrnarfulltrúi Jafnréttishreyf
ingarinnar er nú Guðrún Gísla-
dóttir, en hún situr þar með
málfrelsi og tillögurétti en hefur
ekki atkvæðisrétt.
Nefndin hefur þegar haldið
sex fundi, þar sem rætt hefur
verið um stöðu jafnréttismála
almennt og nauðsyn þess að
kanna stöðu þeirra mála hér á
Akureyri. Slíkar kannanir hafa
verið gerðar víða annars staðar,
s.s. í Reykjavík, Hafnarfirði.
Kópavogi, Garðabæ og Nes-
kaupstað. Ekki er ástæða til að
ætla, að niðurstöður jafnréttis-
könnunar á Akureyri verði í
mörgu frábrugðnar, en þó er að
áliti nefndarmanna rétt, að slík
könnun fari einnig fram hér,
þannig að nefndin geti betur
áttað sig á, hvar sé helst þörf
úrbóta í þessu bæjarfélagi.
Hefur nefndin í því skyni farið
fram á fjárveitingu frá Ákureyr-
arbæ á næsta ári.
En nefndin situr ekki auðum
höndum á meðan. Fyrsta verk
nefndarinnar var að senda
öllum grunnskólum bæjarins
bréf með fyrirspurn um, hvernig
lögum umjafnrétti sé framfylgt í
skólunum. Ekki hafaenn borist
svör frá öllum skólum og mun
því síðar verða fjallað um þær
niðurstöður.
Varðandi hlutverk Jafnréttis-
nefndar, var á fundi nefndar-
innar 20. október sl. samþvkkt
eftirfarandi bókun:
„Nefndarmenn eru sammála
um mikilvægi samhjálpar kynj-
anna innan heimilis og utan.
Nefndin álítur það vera hlut-
verk sitt að vekja almenna
umræðu um þau viðhorf, sem
viðhalda misrétti kynjanna.
Nefndin bendir á nauðsyn þess
að sníða af þá vankanta í þjóð-
félagsgerðinni, sem torvelda
framkvæmd jafnréttislaga."
Annað hlutverk Jafnréttis-
nefndar er að vekja athygli á
misrétti og brotum á lögum um
jafnrétti kynjanna og sinna
ábendingum og kvörtunum þar
að lútandi. Hefur nefndin þegar
haft til umfjöllunar slíkt erindi
þar sem vakin er athygli á mis-
munandi álagningu á karl-
manna- og kvenfatnaði, en
álagning á kvenfatnaði er sam-
kvæmt lögum leyfdeg 3.2%
hærri en á karlmanna- barna-
og unglingafatnaði.
Nefndin hefur sent Jafnréttis-
ráði þetta erindi, en Jafnréttis-
ráð er sá aðili, sem sker úr um
slík mál. Mun niðurstaða Jafn-
réttisráðs verða birt þegar þar
að kemur.
Jafnréttisnefnd Akureyrar
vill hvetja fólk til að vera vel á
verði gagnvart brotum á jafn-
réttislögum og öllu misrétti sem
orsakast af kynferði, og senda
þá ábendingar eða önnur erindi
skriflega til Jafnréttisnefndar,
Geislagötu 9.
Fyrir hönd Jafnréttisnefndar
Akureyrar,
Karólína Stefánsdóttir.
KJÓSUM KONUR
Útgefandi: Kvennaframboðið á Akureyri
Þeir sem unnu Lára Ellingsen (ábyrgðarkona)
að útgáfu: Guðrún Hallgrímsdóttir
Hólmfríður Jónsdóttir
Þorbjörg Vilhjálmsdóttir
Elín Stephensen
Rósa Júlíusdóttir o.fl.
Prentun: Prentsmiðja Björns Jónssonar
Dagsprent
Bestu þakkir til auglýsenda og annarra sem aðstoð-
uðu við útgáfu blaðsins.
AFRAM STELPUR!
Eins og allir muna jókst mjög hlutur kvenna í sveitar-
stjórnum um allt land í kosningunum sl. vor. Svo fáar
höfðu þær áður verið að enn var ýmislegt að gerast í
fyrsta sinn og þótti fréttnæmt. Fjölmargarkonursettust
í sveitastjórnir eða nefndir í fyrsta sinn, og margar þeirra
hafði líklega aldrei órað fyrir að þær ættu eftir að taka
slík störf að sér.
Konurnar unnu ötullega að því fyrir og eftir kosning-
arnar að kynna sér hin ýmsu málefni og ekki síst starfs-
hætti kerfisins margumrædda. I dag dettur áreiðanlega
engum í hug að efast um hæfni þeirra til að sinna þessum
störfum.
En varla voru haustverkin afstaðin þegar aftur var
farið að tala um kosningar. Nú eru það alþingiskosning-
ar á næsta ári sem vekja áhuga bæði hjá pólitíkusum og
öðru fólki - ekki síst hjá konum. Konur eru farnar að
spyrja hver aðra hversu margar konur muni sitja á þingi
eftir næstu kosningar. Við erum farnar að velta fyrir
okkur hjá hvaða flokkum konur muni komast í örugg
sæti eða baráttusæti, eða hvort konum muni alls staðar
vera stillt upp í baráttusætin eins og í vor, og svo reynt
að etja þeim saman.
Við erum einnig farnar að velta fyrir okkur hvernig
flokkarnir hafi byggt upp sína stefnu í þeim málum sem
sérstaklega snerta konur og á hvaða slagorð reynt verði
að veiða atkvæði okkar.
I dag bendir flest til þess að fá þingsæti muni koma í
hlut kvenna. Núverandi alþingismenn virðast flestir
ætla að sitja sem fastast eins og fyrirrennarar þeirra.
Erfðaprinsar flokkanna eru svo margir að ekki er pláss í
eldlínunni fyrir alla, og líkur eru á sérframboðum þeirra
hér og þar. Þetta eru sömu erfðaprinsarnir og síðast, og
þeir verða e.t.v. aftur að sitja heima. Þaðer ekki fyrren á
eftir þingmönnum og erfðaprinsum sem konur hafa
einhverja möguleika innan flokkanna. Fyrst kemur
semsagt fríð fylking karla í gráum jakkafötum með
bindi og svo koma konurnar.
Því miður virðist allt benda til þess að alþingiskven-
mönnum fjölgi lítið í næstu kosningum og alþingiskarl-
menn verði áfram tuttugu sinnum fleiri. Stólar
þingmanna eru svo fáir og eftirsóttir. Við þurfum að
hafa í huga að í sveitarstjórnarkosningunum voru tæki-
færin svo miklu fleiri. Þá var verið að kjósa svo marga
fulltrúa alls, að mun auðveldara var að hnika hlutföllun-
um til.
Kvennaframboðin á Akureyri og í Reykjavík komu
fram í þeim ákveðna tilgangi að koma konum til valda í
kosningunum og benda á ríkjandi misrétti. það kostaði
ómælda vinnu og mun kosta hana áfram út allt kjör-
tímabilið. Það er ekki sanngjarnt að ætlast til þess að
þessar sömu konur standi að framboðum til alþingis-
kosninga.
Nú vita allar konur að kvennaframboð geta borið
góðan árangur. Þess vegna getur enginn kona sem vill
auka hlut kvenna á Alþingi leitt málið hjá sér. Okkur
dettur öllum sami möguleikinn í hug,kvennaframboð.
Engin okkar getur þvegið hendur sínar og sagt að hinar
eigi að bjóða fram eða að kvennaframboðin eigi að gera
það. Ábyrgðin er hjá okkur öllum.
En finnst ykkur í fyllstu hreinskilni það vera gerandi
nokkurri konu að kjósa hana á þessa karlasamkundu
sem Alþingi er? Þær yrðu að vera margar til að geta stutt
hver aðra. Hingað til hafa alþingiskarlmenn gert sitt
besta til að ota saman þeim fáu alþingiskvenmönnum
sem með þeim hafa setið. Það má ekki gerast oftar.
Við konur eigum alltaf okkar atkvæði, hvort sem við
bjóðum fram kvennalista eða ekki. Höfum hugfast að
með atkvæðum okkar getum við komið frambjóðendum
að og fellt aðra. Það eru ýmsar leiðir færar til að hafa
áhrif. Ræðið málin og munið að orð eru til alls fyrst.
Áfram stelpur! Valgerður Magnúsdóttir
FORUSTUGREIN