Norðurslóð - 27.01.1978, Qupperneq 2

Útgefendur og ábyrgöarmenn:
Hjörtur E. Þórarinsson, Tjörn, Svarfaðardal
Jóhann Antonsson, Dalvlk
Óttarr Proppé, Dalvík
Prentun: Prentsmiðja Björns Jónssonar
Heimsókn í Ú.K.E.A.
Framhald af baksíðu
mála, fiskvinnslan og útgerð-
in, samstarfið sé gott þarna á
milli og að ekki sé líklegt að
það yrði í heild til bóta að
koma á fastari rekstrarlegum
tengslum.
Aðalatriðið er, sagði
Kristján, að reksturinn sé
traustur og að fyrirtækið, og
þar með bæjarfélagið, njóti í
uppbyggingu og rekstrar-
öryggi þess hagnaðar, sem
það skilar þegartil langs tíma
er litið. Og það held ég að það
geri við núverandi fyrirkomu-
lag.
Sláturhúuð?
Á sláturhúsinu hafa verið
gerðar veigamiklar umbætur á
undanförnum árum. Ásíðast-
liðnu ári var frystigetan t.d.
aukin til muna og viðbótar-
fjárrétt komið fyrir í gömlu
beinaverksmiðjunni oggöngu
brú þaðan upp í gömlu rétt-
ina. Þetta var hvortveggja
nauðsynlegt. Nú á ekkert að
vera því til fyrirstöðu að slátra
700 kindum á dag og réttirnar
rúma þann fjölda. Auðvitað
er húsið ekki alfullkomið
ennþá, það á enn eftir að
sinna nokkrum atriðum, sem
dýralæknirinn hefur óskað
eftir að væru lagfærð. Líka er
verið að athuga möguleika á
nýjum fláningsbekk, sem talið
er að hugsanlega geti bætt og
létt vinnubrögðin.
Þú telur þá ekki að leggja eigi
þetta sláturhús niður?
Það er nú síður en svo, þvert á
móti álítum við að hér mætti
gjarnan slátra fé af stærra
svæði en nú er, t.d. úr öllum
Arnarneshreppi. Hér vinna á
haustin 40-50 manns af
Dalvík og úr nágrenninu og
það er mikil vinna, sem kemur
sér vel fyrir margan manninn.
Sláturhússtjóri nú er Krist-
inn Guðlaugsson og hann
hefur mikinn hug á að rekstur
þessa húss sé til fyrirmyndar í
hvívetna eins og hann líka er.
Hvernie er aðstaðan?
Á árunum 1976 og 1977
voru keypt 2 fiskvinnsluhús,
Snorrahús og Aðalsteinshús.
Þarna fengum við geysilega
mikið og verðmætt húspláss,
enda var það bráð nauðsyn
vegna hins aukna aðburðar af
fiski. Bæði húsin eru nú þegar
í fullri notkun við saltfisk-
vinnsluna og geymslu skreið-
ar. Hinsvegar er alveg eftir að
endurskipuleggja og innrétta
Aðalsteinshúsið til þessara
nota og e.t.v. líka til fisk-
móttöku fyrir frystihúsið.
Aðstaðan í kringum fisk-
vinnslustöðina alla hefur
gjörbreyst til batnaðar síðan
plönin voru steypt og svo er
glíman við snjóinn orðin svo
miklu léttari en áður var. Það
er þess vegna engin neyð að
flytja fiskmagn til smávega-
lengd þótt yfir götu væri að
fara.
Er erfitt að vera útibússtjóri
K.E.A. á Dalvík?
Auðvitað er það erfitt með
köflum, því er ekki að neita.
Það skiptast á skin og skúrir í
þessu starfi eins og flestu
öðru. Ég vil þó segja að það er
fyrst og fremst skemmtilegt
starf. Það er mikið umleikis
hér og alltaf eitthvað að
gerast. Maður kynnist mörgu
fólki og högum þess óhjá-
kvæmilega. Nauðugur viljug-
ur dregst maður inn í fjár-
hagsvandamál manna og það
er ekki alltaf til óblandinnar
ánægju.
Samstarf fólks hérna innan
stofnunarinnar er yfirleitt
ágætt, við höldum iðulega
ráðstefnur um gang mála,
fólkið hérna í búðunum, og
ráðum í sameiningu fram úr
vandamálum. Eins hef ég
reglulega umræðufundi með
deildarstjórunum i Dalvík-
ur- og Svarfdæladeild félags-
ins. Það finnst mér líka mjög
gagnlegt.
Ég hef það á tilfinning-
unni að samvinnustarfið hérá'
Dalvík njóti trausts og hylli
manna yfirleitt. Sjálfsagt eru
á þessu margar undantekn-
ingar og við erum lika ekki
fullkomin. Það er stundum
full ástæða til umkvörtunar
viðskiptavinanna. Ekki samt
vegna gæða og þaðan af síður
verðs á vörum okkar. Heldur
vegna vöntunar á vörum,
stundum nauðsynlegum vör-
um til hversdagsbrúks. Oftast
er þetta bundið við stuttan
tíma, en sama er, það er alltaf
leiðinlegt þegar það hendir og
veldur mér og öðru starfsfólki
oft miklum óþægindum.
Svonalagað er sérstaklega
bagalegt hér af því að oft er
ekki í annað hús að venda til
kaupa á nauðsynjavöru.
Það er þá máske grundvöllur
fyrir fleiri verslanir hér á
Dalvík?
Það kann vel að vera. Heiðar-
leg samkeppni er alltaf til
góðs og víst er það að við hjá
kaupfélaginu myndum ekki
reyna að standa gegn slíku
þótt við gætum og gætum það
sjálfsagt ekki heldur þótt við
vildum.
Blaðið þakkar þessar upp-
lýsingar um starfsemi útibús
K.E.A. hér á Dalvík. Ekkert
hefur hér verið minnst á enn
eitt stórt fyrirtæki, sem
kaupfélagið rekur í bænum,
þ.e.a.s. Bifreiðavérkstæðið.
Til þess var ekki ráðrúm að
sinni.
Seinna gefst vonandi tæki-
færi.til að heimsækja það og
rabba við forstöðumenn þess.
Auglýsing í
NORÐURSLÓÐ
getur gert gæfumuninn
Auglýsing um
bæjargjöld á Dalvík
1978
ÚTSVÖR:
Fyrirframgreiðsla útsvara 1978 verður 70% af álögðu útsvari síðasta árs
með gjalddögum 1. febrúar, 1. mars, 1. apríl, 1. maí og 1. júní. Eftir-
stöðvar skulu greiðast með jöfnum greiðslum 1. ágúst, 1. september, 1.
október, 1. nóvember og 1. desember.
FASTEIGNAGJÖLD:
Samkvæmt ákvörðun bæjarstjórnar Dalvíkur munu fasteignagjöld 1978
«hækka um nálega 80% miðað við fasteignagjöld 1977. Gjalddagar eru
Jveir. Fyrri helmingur greiðist 15. janúar og seinni helmingur 15. júlí. Til-
kynningar um álögð gjöld verða ekki send gjaldendum fyrr en við seinni
gjalddaga.
AÐSTÖÐUGJÖLD:
Aðstöðugjöld hafa tvo gjalddaga. 15. janúar skal greiða 50% af aðstöðu-
gjaldi síðastliðins árs og eftirstöðvar þess 1. júlí.
DRÁTTARVEXTIR:
Séu framangreind gjöld ekki greidd innan mánaðarfrá gjalddaga, er skylt
samkvæmt lögum að innheimta dráttarvexti af því sem ógreitt er frá og
með gjalddaga. Dráttarvextir falla þó ekki á ógreidd fasteignagjöld og
aðstöðugjald 1978, fyrr en mánuður er liðinn frá birtingu auglýsingar
þessarar. Dráttarvextir eru nú 3% á mánuði.
ÁBYRGÐ KAUPGREIÐENDA:
Kaupgreiðendur skulu senda til skrifstofu bæjarins skýrslu um nöfn
starfsmanna, sem taka laun hjá þeim, svo og tilkynna ef gjaldendur sem
ógreiddan eiga hluta útsvars, hætta að taka laun hjá þeim. Nánari reglur
um ábyrgð kaupgreiðenda er að finna í 30. og 31. gr. I. nr. 8/1972.
BÆJARSTJÓRINN Á DALVÍK.
Frð Kjörmarkaði KEA
Við bjóðum góðar vörur
á hagstæðara verði.
Munið að 10% afsláttur f rá okk-
ar búðarverði gerir rekstur
heimilisins auðveldari.
Gerið kjarakaup í
KJðRMARKADI KEA
við Glerárgötu
Matvörudeild ^
2 - NORÐURSLÓÐ