Norðurslóð - 21.11.1979, Side 1

I kennslustund í Dalvíkurskóla.
Verður byrjað á nýju
skólahúsi á næsta sumri?
Viðtal við Trausta Þorsteinsson skólastjóra
Norðurslóð leitaði til Trausta Þorsteinssonar skólastjóra
um fréttir úr skólalífinu á Dalvík og var hann fús að svara
nokkrum spurningum.
Hvað eru margir nemendur í
Dalvíkut-skóla í vetur?
- Það eru 302 nemendur í
skólanum nú. Þar af eru í for-
skóladeild 23 og í framhalds-
deild 13, þannig'að í eiginlegum
Trausti Þorsteinsson.
grunnskóla eru 266 nemendur.
Heildarnemendafjöldi er mjög
svipaður því sem var í fyrra, en
þá voru fleiri í forskóla- og
framhaldsdeildum svo það hef-
ur heldur fjölgað í grunnskól-
anum.
Hvað margir nemendur eru í
heimavist?
- Við heimavistina eru 29
nemendur en þar af fara 9 nem-
endur frá Árskógsströnd heim
daglega, þó þeir eigi sín herbergi
á vistinni þar sem þeir ljúka sínu
heimanámi áður en þeir fara
heim á kvöldin. Þetta fyrir-
komulag var ákveðið með tilliti
til bættra samgangna milli
Árskógsstrandar og Dalvíkur
og stefnu hins opinbera að við-
hafa heimanakstur eins víða og
því verður við komið. Enn sem
komið er hefur lítil reynsla
fengist af þessu fyrirkomulagi,
en margir eru hræddir við mikla
snjóa og ófærð, en þá eru fyrir
hendi herbergi í heimavistinni
eins og áður sagði.
Nú í sumar gerðu sveitar-
félögin sem standa að rekstri
heimavistarinnar það eru
Hríseyjar-, Árskógsstrandar-
og Svarfaðardalshreppar ásamt
Dalvíkurbæ með sér nýjan
samning um skólahald og skóla-
mannvirki á Dalvík. I þeim
samningi er tekið fram að 8. og
9. bekkir grunnskóla á Dalvík
eru heimaskóli allra þessara
sveitarfélagá og einnig er reikn-
að með að þeir verði rekstrar-
aðilar að framhaldsdeildum.
Þá hafði þessi samningur það
i för með sér, að öll sveitarfélög-
in eiga nú aðild að skólanefnd
Dalvíkurskóla þannig að nefnd-
ina skipa nú 6 frá Dalvík og einn
frá hverju hinna sveitafélag-
anna eða alls 9 nú.
Hve margir kennarar starfa
nú við skólann?
- Þeir kennarar sem gegna /2
stöðu eða meira eru 19, auk þess
eru 9 stundakennarar með
mismikla kennslu. Litlar breyt-
ingar voru á kennurum sl.
haust. Einn bæ'tist í fasta stöðu
Björgvin Björgvinsson mynd-
listarkennari, þá komu tveir
kennarar úr leyfi, en aðrir tveir
fengu ársleyfi.
Þess má geta að allir settir eða
skipaðir kennarar eru með rétt-
indi, en víða hefur gengið illa að
fá kennara með réttindi.
Hvers vegna telur þú að gangi
svona vel að fá réttindafólk
að skólanum hér?
- Það á vafalaust þátt í því hve
Dalvík er vel í sveit sett varð-
andi samgöngur og tengsl við
Akureyri, þá hefur alltaf verið
reynt að útvega kennurum hús-
næði þegar þess hefur verið
óskað, enda þótt það hafi ekki
alltaf verið auðvelt.
Nemendum í framhaldsdeild
hefur fækkað frá í fyrra, þýðir
það að hún á ekki rétt á sér?
- Eg er ekki í nokkrum vafa
um að framhaldsdeild á fullan
rétt á sér. Á fyrstu árum 4.
bekkjar gagnfræðaskóla hér
voru miklar sveiflur á nemenda-
Qölda meðan sá bekkur var að
vinna sér sess. Þá fór nemenda-
fjöldin niður fyrir 10. Á sama
hátt og þá var, er nú um
byrjunarörðugleika að ræða,
meðan að fólk gerir sér grein
fyrir þeim námsmöguleikum
það hefur hér. Það má geta þess
að framhaldsnám er nú í endur-
skoðun í fræðsluumdæminu í
heild og niðurstöður þeirrar
endurskoðunar mun tryggja í
sessi framhaldsdeildir á stöðum
eins og Dalvik. Þess má geta að í
fyrra voru 24 nemendur í deild-
inni og þá komu ýmsir sem lok-
ið höfðu grunnskólanámi fyrir
nokkrum árum og einmitt þess
vegna má gera ráð fyrir að nem-
endafjöldi verði sveiflukenndur
fyrstu árin. Því er ekki að leyna
að starfræksla framhaldsdeildar
er svolítið metnaðarmál fyrir
sveitarfélag á stærð við Dal-
Framhald á bls. 5.
Borist hefur fréttatilkynning frá
forðagæslumönnum Svarfaðar-
dalshrepps. Er þar að finna
saman dregnar upplýsingar um
heyforða og ásetning búfjár í
hreppnum nú, þegar vetur
gengur i garð eftir eitt kaldasta
og erfiðasta sumar á 20. öldinni.
Eftirfarandi samtíningur er
unninn upp úr nefndri skýrslu.
Heyforði á haustnóttum..
Það kemur sjálfsagt engum á
óvart, sem nú er komið á daginn
að um allverulega fækkun bú-
fjár er að ræða í hreppnum í
heild. Það er sýnt að bændur
hafa tekið þá viturlegu ákvörð-
unn að tefla ekki á tæpt vað með
ásetning, svo að útkoman er sú,
að mældar umframfóðurbirgðir
eru að vísu litlar en þó jafnmikl-
ar og þær voru í fyrra. Þær
entust þá og vel það á því
helkalda vori, svo engin ástæða
er til að ætla, að þær endist ekki
nú, þótt illa vori aftur.
Heyforði alls mældist
42,677m3 en í fyrrahaust var
hann 47.744m3 og haustið 1977
54.500m3. Þetta er nærri 22%
rýrnun á tveimur árum. Samt
eru í birgðatölunni nú u.þ.b.
1700m3, af aðkeyptu heyi, svo
uppskerurýrnunin er ennþá
meiri á heimavelli.
Fóðurþörf alls meta forða-
gæslumenn á 41.177m3, svo
afgangur á að vera 1.800m3.
Þetta er sem sagt nálega sama
magn og áætlað var í fyrra-
haust.
Það kemur sennilega ein-
hverjum á óvart að fyrningar frá
síðastliðnum vetri eru áætlaðar
u.þ.b. lOOOrn3. Það voru sem
sagt eftir en 40 kýrfóður í
hreppnum þegar fram úr tók í
vor.
Búfénaður á vetur settur.
Þegar svo litið er á búfjár-
skýrsluna kemur í ljós, að
fækkun er mjög misjöfn eftir
tegundum gripa. Menn hafa
tekið þá stefnu að reyna að
halda í mjólkurkýrnar öðru
fremur.
Kýr eru nú taldar 816,
fækkunin 43 frá í fyrra eða 5%.
Kvígur (1-2 ára) eru 103,
fækkun 32 eða nærri 25%.
önnur geldneyti 115, fækkun 55
eða meira en 30%. Þarna eru
menn að spara heyin, en reyna
samt að halda í nytina. Svo setja
menn á 146 kálfa, sem er aðeins
6 stykkjum færra en í fyrra.
Kálfarnir munu ekki miklu á
fóðrunum, en fylla í skörðin og
koma í gagnið á sínum tíma.
Þá eru það ærnar, þær eru nú
4715, fækkun um 809 frá í fyrra
eða nærri 15% og lömb 665,
fækkun 293, sem er yfir 20%.
Hrútar eru 127, fækkun 4. Ekki
dugar að skerða að mun hrúta-
stofninn, ef lömb eiga að fæðast
á vordögum.
Þá er aðeins eftir að geta um
hestana. Þeir teljast nú 145 í
hreppnum, fækkun aðeins um 8
stykki. Menn ætla sennilega að
láta hrossin lifa af moðinu frá
kúnum.
Að lokum skal þess getið að
hænsn eru talin 1420 og hefur
þeim faekkað um rösklega 200.
Uppskera kartaflna ogrófnavar
í fyrra metin á 186 tunnur. Nú
var forðagæslumönnum hins-
vegar ekki gefin upp nein
uppskera. Eitthvað var samt
tekið upp af kartöfluberjum, en
menn hafa ekki talið ómaaksins
vert að nefna það.
Sé nú búfjárfækkun, sem hér
hefur verið tíunduð, umreiknuð
í ærgildi og vegin saman, er
niðurstaðan sú, að svarfdælskir
bændur hafa fækkað á fóðrum
um rétt 10% til að tryggja
öruggan ásetning.
Til frekara öryggis hefur
hreppsnefndin nú ákveðið, sam
kvæmt tilmælum harðinda-
nefndar, að láta fara aukaeftir-
litsferð í janúarmánuði, þegar
hey hefur betur sýnt gildi sitt og
auðveldara verður að glöggva
sig á stöðunni.
Leikfélag Dalvíkur mun á næstunni hefja sýningar á leikritinu GÍSL eftir Brendan Behan.
Á myndinni má sjá leikara og starfsfólk við sýninguna. Leikstjórinn Sólveig Halldórs-
dóttir krjúpandi önnur frá hægri.
3. árgangur
Miðvikudagur 21. nóvember 1979
9. tölublað
Ásetningur í
sveitinni á
vetumóttum