Norðurslóð - 25.09.1990, Page 1

14. árgangur
Þriðjudagur 25. septeniber 1990
7. tölublað
Sumri hallar
Sumarið er liðið og nú er kom-
ið hrímkalt haust. Þetta sumar
hlýtur að fá góð eftirmæli þeg-
ar upp er staðið. Það kom
seint, en var góðviðrasamt
þegar það kom. Júní og júlí og
fram í ágúst voru veður þægi-
leg, aldrei norðangarri eða
vestanrok, sem annars eru
ekki fátíð hér, jafnvel á þess-
um sumarnánuðum.
Reyndar tók fyrir þurrka,
snemma í ágúst svo nálega óger-
og fær góð eftirmæli
legt var að ná þurru heyi eftir
það. Hins vegar hefur ekki kom-
ið næturfrost enn. þegar þetta er
skrifað 20. september, svo
kartöflugras stendur enn grænt
og fagurt.
Það eru því horfur á að hey-
fengur verði bæði tnikill og
góður. Þar hjálpa líka til rúllu-
baggarnir. sem flestir bændur
eiga nú í einhverjum mæli.
Kartöfluuppskera verður mikil
og góð, það má bóka. Og svo má
ekki gleyma berjunum, ,sem hafa
verið meiri á þessu sumri en svo,
að elstu menn muni jafnmikil.
Þúfurnar eru svartar og bláar af
krækiberjum og bláberjum. Og
lautirnar eru svartar og bláar af
aðalberjum og aðalbláberjum.
Og þetta eru engar ýkjur að
þessu sinni.
Fyrsti snjór er þó kominn.
Hann féll 18. og 19. september.
en er léttur og fer vafalaust fl jótt
aftur áður en liann leggst að fyrir
alvöru.
Einu sinni gangnamaður, alltaf gangnamaður. Túti á Bakka og Siggi Mar.
Réttímar
Kýrnar í Engihlíð úða í sig repjunni.
Tungurétt var haldin sunnu-
daginn 16. sept. í góðu veðri.
Múgur og margmenni var
mættur að vcnju, enda óvenju-
lega sjón að sjá, nefnilega
sauðkindur. Heilar 78 meira
að segja. Þær komu úr Sveins-
staðaafrétt, eign 3-4 bænda,
sem þangaö ráku fé í vor.
Menn geröu sér glaðan dag
með miklum söng og gleðilátum.
Nú stendur til, aö fjölgi fé á ný
hér í haust svo það eru bestu
horfur á að göngur og réttir með
öllum stnum sjarma og rómantík
ætli að lifa af þessa síöustu og
verstu niðurskurðartíma og
blómgast á ný með nýju sauðfé.
Reksturinn ketnur! 78 kindur úr Afréttinni.
Af vettvangi bæjarmála
Blaðið hafði samband við
Kristján Júlíusson bæjarstjóra
til að grennslast fyrir um fram-
kvæmdir á vegum bæjarins í
sumar. Að sögn Kristjáns hef-
ur framkvæmdaáætlun bæjar-
sjóðs staðist nokkuð þokka-
lega það sem af er. Lokið er
við að malbika Karlsrauða-
torg, Brimnesbraut, Ægisgötu
og hluta Bárugötu og er mal-
bikun á vegum bæjarins lokið
að þessu sinni. Lagningu gang-
stétta er að miklum hluta lokið
nema á Hólavegi og á tvo
gangstíga. Framkvæmdir við
skólann standast áætlun.
Nýbyggingunni verður lokað
einhverja næstu daga. Eitt-
hvað verður unnið inni í henni
í vetur og í ágúst á næsta ári er
fyrirhugað að Tréverk hf. skili
húsinu af sér fullgerðu. Endur-
bótum á leikskóla er að mestu
lokið. Fé það sem áætlað var
að veita í grasvöllinn er greitt
jöfnum höndum sem þurfa
þykir og áætluð véla- og tækja-
kaup fyrir áhaldahús eru öll
komin til gjalda.
Þá víkur sögunni að fyrirtækj-
um bæjarins. Þar vegur þyngst
hlutur hafnarinnar.
Verið er að vinna við gerð
grjótvarnar við norðurgarð hafn-
arinnar og er það verktakafyrir-
tækið Jarðverk og bílstjórafélag-
ið Múli sem sjá um það verk.
Samkvæmt samningi verður
verkinu skilað í lok oktober. Nýtt
detlískipulag fyrir höfnina er að
líta dags ins ljós og verður vænt-
anlega afgreitt frá hafnarnefnd
þegar blaðið kemur út. Eins og
kunnugt er hefur verið sótt eftir
Dúnalogn í Dalvíkurhöfn.
því að fá að tollafgreiða vörur við
höfnina. Af þeint málum er þó
ekkert nýtt að frétta eða eins og
Kristján orðar það „það mallar í
kerfinu.
A vegum hitaveitunnar verður
fljótlega farið í það að steypa upp
í ónýttar borholur á Hamri. Það
segja sannfróðir að sé hin þarf-
asta ráðstöfun til að fyrirbyggja
kælingu á vatninu í þeint holum
sem nýttar eru. Jarðboranir rt'kis-
ins sjá um það verk. Hjá hitaveit-
unni hafa menn verið að leggja
aðveituæð að fyrirhuguðum
vatnstanki og einnig hafa hei-
mæðar sumsstaðar verið endur-
nýjaðar.
Fyrir skömmu var gengið frá
kaupum bæjarins á jörðinni Ytra-
Holti. Jörðin kostaði 10 milljónir
og þar eð ekki var gert ráö fyrir
þessari fjárfestingu í fjárhags-
áætlun mun erdurskoðuð áætlun
verða lögð fyrir á næstunni. Þar
verður eins og allir vita athafna-
svæði dalvískra hestamanna en
ekki hefur þó nein ákvörðun ver-
Ljósm. Dagur.
ið tekin um nýtingu landsins í
smáatriðum.
Nýtt fólk hefur hafið störf hjá
bænum. Má þar nefna bæjarritar-
ann; Helga Þorsteinsson, íþrótta-
og æskulýðsfulltrúa; Bjarna
Gunnarsson, fulltrúa félagsmála-
ráðs; Steinunni Hjartardóttur og
nýjan kennara við tónlistarskól-
ann; Völvu Gísladóttur.
„Þegar á heildina er litið“ segir
Kristján, „má segja að bærinn
standi á traustum fótum. At-
vinnuástand hér er með besta
móti og fjárhagsvandræði ekki
teljandi.
Aöspurður um hverju hann
telji Múlagöngin breyti í atvinnu-
málum Dalvíkinga segir Kristján:
„Þau hljóta að leiða til aukins
samstarfs sveitafélaganna. Þessar
framkvæmdir eru ekki bara til
þess ætlaðar að auðvelda Ólafs-
firðingum að komast í búðir á
Akureyri. Þær ntiða að því að
tengja Ólafsfjörð betur þessu
atvinnusvæði, Eyjafjarðarsvæð-
inu, og það er beinlínis krafa
samfélagsins að þær skili ein-
hverjum arði þegar fram líða
stundir, hvernig sem sá arður er
mældur. Þetta hlýtur m.a. að
þýða aukið samstarf byggðanna
hér við út-Eyjafjörðinn, aukna
samnýtingu og hagkvæma verka-
skiptingu þar sem því verður við
komið. M,a. á þetta við um hafn-
irnar en það er þó ekki nema
eðlilegt og sjálfsagt að sveitafé-
lögin fari varlega í þessi mál“.