Norðurslóð - 24.03.1992, Qupperneq 1

Svarfdælsk byggð & bær
16. árgangur Þriðjudagur 24. mars 1992 3. tölublað
Listvinafélag í uppsiglingu
Rætt um að starfssvæði þess verði utanverður Eyjafjörður að vestan
í vetur hafa orðið nokkrar um-
ræður manna á meðal á Dalvík,
og raunar náð inn á síður Bæj-
arpóstsins, um dræma aðsókn að
ýmsum menningarviðburðum í
bænum. Einnig hefur verið
kvartað um skort á skipulagi á
framboði slíkra viðburða. Um-
ræðurnar hafa orðið til þess að
upp er risinn hópur sem vill
kanna jarðveg fyrir listvinafélag
við utanverðan Eyjafjörð.
Rætt hefur verið um að eðlilegt
væri að slíkt félag næði yfir allt
svæðið frá Árskógsströnd út í
Ólafsfjörð, að Hrísey meðtalinni.
Boðaður hefur verið fundur með
fólki af svæðinu til að kanna hvort
áhugi sé fyrir hendi á öllum stöð-
unum. Reynist svo vera er stefnt að
því að stofna félagið á vordögum í
því augnamiði að það geti byrjað
að láta að sér kveða í haust.
Tilgangurinn með stofnun list-
vinafélags getur verið margvísleg-
ur og má sem dæmi nefna:
í fyrsta lagi að vera vettvangur
listvina á starfssvæðinu. Á vegum
félagsins yrði komið upp boðunar-
kerfi sem gæti tryggt ákveðna lág-
marksaðsókn að listviðburðum.
í öðru lagi að skipuleggja og
samræma framboð á listviðburð-
um á svæðinu.
í þriðja lagi að veita þeim sem
fást við listastarf á svæðinu stuðn-
ing og aðhald.
í fjórða lagi að vera þeim lista-
mönnum, hópum eða samtökum á
svæðinu, sem hyggja á landvinn-
inga, innan handar við skipulagn-
ingu og undirbúning ferðalaga sem
farin eru í því skyni að útbreiða
menningu héraðsins.
Starfsaðferðir félagsins geta
verið með ýmsum hætti, svo sem:
- að halda uppi góðu sambandi
við leikfélög, kóra, tónlistarskóla
og aðra þá sem að listum starfa á
svæðinu;
- að láta vita af sér hjá þeim
stofnunum, félögum og einstak-
lingum á höfuðborgarsvæðinu og
annars staðar sem sjá um skipu-
lagningu listviðburða á lands-
byggðinni;
- að standa fyrir tónleikum,
myndlistarsýningum, leiksýning-
um, kvikmyndasýningum, fyrir-
lestrum eða öðru því sem gæti
orðið íbúum svæðisins til gagns og
gamans.
í hópnum bar vitaskuld á góma
hvemig skilgreina bæri listvið-
burði og náðist eining um að túlka
það hugtak sem víðast. Félagið
mun því ekki einskorða sig við það
sem stundum er nefnt „hámenn-
ing“ heldur starfa að menningar-
málum á breiðum gmndvelli. Ekki
mun þó ætlun undirbúningshóps-
ins að félagið skipti sér af dans-
leikjahaldi, en til að mynda djass-
tónleikar eða tónleikar trúbadúra
yrðu á verksviði þess og eins var
rætt um alls kyns sýningar, td. á
vinnu hinna ötulu safnara sem hér
búa. -ÞH
Grunnmynd 1. hæðar nýja sundlaugarhússins, neðst til vinstri sér í horn aðallaugarinnar, efst til vinstri er innilaugin.
Ný og glæsileg sundlaug
byggð á Dalvík
✓
Aætlaður kostnaður 145 milljónir króna, en teikningar
liggja fyrir og framkvæmdir hefjast í sumar
Fyrir skemmstu lagði bæjar-
stjórn Dalvíkur blessun sína yfir
teikningar af nýrri sundlaug sem
ætlunin er að byggja syðst í bæn-
um, ofan við knattspyrnuvellina.
Hafíst verður handa við sund-
laugargerðina í sumar, en á fjár-
hagsáætlun bæjarins er að fínna
25 milljóna króna framlag til
hennar. AIls mun laugin kosta
145 milljónir króna.
Þetta mannvirki mun raunar
gegna margþættu hlutverki. Auk
25 metra langrar útisundlaugar
verða þama búningsklefar fyrir
íþróttavellina og aðstaða fyrir
sjúkraþjálfun. Þama er því um að
ræða alhliða heilsuræktarhús. í
framtíðinni er gert ráð fyrir að
byggja innisundlaug undir glerþaki
vestan við húsið.
Sundlaugarhúsið verður um
760 m2 á tveimur hæðum og verður
gengið inn í það um lítinn tum þar
sem verður gosbmnnur í miðju.
Laugin sjálf verður 12,5 m á
breidd og 25 m á lengd, en einnig
er gert ráð fyrir heitum pottum og
bamalaug undir berum himni. Inni-
sundlaugin sem mun bíða betri tíma
verður 6 x 12,5 metrar að stærð.
Teikningamar að lauginni em
gerðar af Arkitekta- og verkfræði-
stofu Hauks hf. á Akureyri en arki-
tekt er Fanney Hauksdóttir. Skipu-
lag lóðar er unnið af Hallóri Jóns-
syni landslagsarkitekt í samráði
við Fanneyju.
Á bæjarstjómarfundinum þar
sem teikningamar vom samþykkt-
ar kom fram eindregin ánægja allra
bæjarfulltrúa með fyrirhugaða
byggingu sundlaugar og teikningar
Fanneyjar. Vom þeir sammála um
að hraða bæri smíði þessa
glæsilega mannvirkis sem mest
mætti. Eins og áður segir hljóðar
gróf kostnaðaráætlun upp á 145
milljónir króna en þá er ekki
reiknað með innilauginni.
Með þessu mannvirki batnar öll
aðstaða Dalvíkinga til sund- og
íþróttaiðkunar til mikilla muna.
Þótt Svarfdælingar hafi á sínum
tíma verið framsæknir í sundlauga-
málum hefur vantað hér tilfinnan-
lega góða útisundlaug á borð við
þær sem sprottið hafa upp víða um
land á síðustu ámm. -ÞH
Hið fagra málverk Ásgríms Jónssonar af Skíðadal nýtur sín engan veginn í
svarthvítu, en við birtum það samt.
Ljóð tií Skíðadals
Flestir Svarfdælir, komnir til vits og ára, kannast við hið fallega
Ijóð Haraldar Zóphóníassonar, sem hann orti til Skíðadals.
Kvæðið er birt með bæjarvísum hans frá 1932. Sá sem þetta ritar
heyrði Harald sjálfan fara með kvæðið einhverju sinni og hafði
hann þá fyrstu vísuna öðruvísi en hún er á prenti:
Grœddu mein hjá mey og svein, / mjallar fríði salur.
Sjónarsteina unun ein / ertu, Skíðadalur.
Flestir munu sjá og samþykkja, að vísan er miklu fegurri og betur
kveðin með ofanritaða 2. hendingu heldur en “man þig spmnd og halur”
eins og prentað hefur verið. Því telst leyfilegt og rétt að nota heldur fyrri
gerðina.
Skíðadalsstemmning
Á síðustu árum hefur verið á kreiki annarskonar lofgerðarljóð til Skíða-
dals, þar sem höfundar em greinilega undir áhrifum af seiðmagni skíð-
dælskrar náttúru, blandaðri haustlitum og gangnamannarómantík.
Vísumar em gerðar til að vera sungnar undir lagi hins alkunna sænska
vísnaskálds, tónskálds og söngvara, Everts Taube. Á sænskunni er ljóðið
fagur ástarsöngur og byrjar svo: „Álskliga blommor smá sina kalkar nu
öppna paa vor mark“ (Elskulegu blómin smáu opna nú bikara (kaleiki)
sína á enginu okkar.) Vísumar em nú orðnar þrjár og mynda nokkum-
veginn samstæða heild, þótt þriðja vísan sé eftir annan höfund en tvær þær
fyrri.
Og hér og nú ætlar Norðurslóð að birta ljóðið, höfundar em HEÞ. og
ÞHj.
Sólin á himni hlý
hellir geislum um víðan fjallasal.
Góðviðris gullin ský
glitra yfir Skíðadal.
Hraðstreymin flúð ogfoss
fjörugt kliða við gróin tóftarhrot,
Hýrna við kveðjukoss
Krosshóll, Stafn og Gljúfrárkot.
Dalir ogflóðlýst fjöll
faðminn hreiða mót hverjum gömlum vin.
Jökulsins marglit mjöll
magnar hádagssólar skin.
O, öll sú dásemd og dýrð
dregur okkur ómótstœðileg til sín.
Og hvar sem þú, bróðir, býrð
brosir þessi mynd til þín.
Hljóðnar og hausta fer,
hjartað lyftist í hrjósti gangnamanns.
Háfjallablœrinn ber
hlómailm að vitum hans.
Hugurinn sýnir sér,
sauðahjarðir og hestamannaþing,
heyrir að hóað er
hátt í hröttum Almenning.
Allt út um fjöll og firð
flœðir Ijósið og sólin stendur kjur.
Standa í stoltri kyrrð
Steingrímsfjall og Ingjaldur.
Ó, öll sú dásemd og dýrð
dregur okkur ómótstœðileg til sín
og hvar sem þú, bróðir, býrð
brosir þessi mynd til þín.
Afhimni sígur sól.
Sést hve brekkurnar nýja litifá.
Stend ég á háum hól
horfl yfir Vesturá.
Rennur œ fleira fé
framan göturnar - koma þeir þá senn.
Feginn um síðir ég sé
sunnan ríða neðstu menn.
Loks eftir langa bið
lausan taum gef, og klárinn tekur sprett.
Karlarnir hlið við hlið
halda norður, út að rétt.
Rétt eins og fossandi fljót
flœðir safnið að nátthaganum heim.
Leggur þá mér í mót
matarlykt og kaffieim.
Ó, öll sú dásemd og dýrð
dregur okkur ómótstceðileg til sín.
Og hvar sem þú, bróðir, býrð
brosir þessi mynd til sín.
<